حمزة المجتهد مستعد للاجابة على استفساراتكم ~ الى التميز ~ متجدّد ~

[شمۋځ أنٹـے »]

المشاركة الأصلية كتبت بواسطة ورود العلم

السلام عليكم ورحمة الله تعالى وبركاته

عزيزتي لا تنظري الى الدراسة بهذا المنظور وانه لم يبقى الا 3 اشهر وهي لا تكفي للدراسة ..انت ماعليكي الا الدراسة بكل جد وجهد والتوكل على الله عز وجل .
واعلمي ان نتيجة الباك بالمكتوب ..كاين تلاميذ يقراو كلش ويخلو غير نقطة وحيدة ما قدروش يوصلولها للاسف ..ومن بعد ماينجحوه لخطراه تجيهم الاسئلة غير على هذيك النقطة ...وكاين العكس لي مايقراو والو غير هاذيك النقطة لشافوها ...مالا ينجحوا في الباك مع انهم يكونوا غير متوقعين ذلك...حبيبتي كل شئ بالمكتوب ...ونحن لا نعلم اين يوجد الخير لنا ...اذا لا تتعبي نفسك بالتفكير بالنجاح والفشل ...فقط ادرسي بجد وتفائلي خيرا ..

الان ومادام ان الفصل الاول والثاني فاتو ..اول شئ لازمتلك تنتبهي مليح على دروس الفصل الثالث تبعيها درس بدرس ركزي مليح على الدروس و حلي فيها تمارين ملاح ...واحفظي المواد تع الحفاظة .هكا باه ماتزيدش تتراكم عليك دروس اخرى ..اما دروس الفصل الاول والثاني فعليك تخصصي وقت لها و مراجعتها... اذا كنتي فاهمة الدروس ماذابيك ديري ملخصات باه ماتقعديش كل خطرة ترجعي للدرس ..وراكي تشوفي الدروس شحال طويلة ...واذا ماكانش عندك خبرة في التلخيص شوفي في الانترنت هاكي تلقاي ملخصات جاهزة ..وكثري من حل التمارين كل ما تلقاي الفرصة طبعا .. .
...لازم تزيْري شوي على روحك بصح مش ماعنتها تنساي طعم الراحة... مرة على مرة ديري وقت لراحة ...وماذابيك ثاني تولي تنوضي بكري ومتسهريش ياسر يعني الاحسن ماتفوتيش 12 تع الليل ...

عطلة الربيع قريبة وخلالها نظمي وقتك جيدا خاصة في الاسبوع الثاني ....

اظن ان هذا ماعليكي فعله عزيزتي ..ولا تقلقي ابدا ...لا تخافي ..اقراي بالجهد الي عطاهلك ربي سبحانه ..لا يكلف الله نفسا الا وسعها ..نتي المهم ما تهاونيش ..وخلي تسيير الامور على ربي سبحانه ..حبيبتي...مادام انك تتعبين فلن تحصدي الا الخير ..عاجلا او اجلا....ولا تنس

ارجو لك النجاح غاليتي من كل قلبي ..دعاوتي لك بالتوفيق ...سلام ....

شكرا جزيلا اختي الغالية حقا لك اجر عظيم على كل هذه المساعدات التي تقدمينها
نصائحك رائعة ساتبعها باذن الله
شششكرا جزيلا مرة اخرى اتمنى لك النجاح في حياتك