الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة ام حمزة22

سلامؤ الحار للجميع
واش راكم لبنات ان شاءالله تكونو كامل بالف خير
سامحوني ما رانيش ندخل بزاف هاد اليمات النت راهي مهبلتني
ونهارات لي راهم جايين تان ما رانيش رايحة ندخل بزاف لاني مشغولة بزاف عندي خياطة لازم نركز فيها لانها نتاع عروسة وعندي دورة خياطة مع الاخت كرونو وعندي التطبيق لي راه يستنا فيا نتاع ملكة الفنون
هدو كامل لازم نركز فيهم وخلي امتحانات بنتي لي لازم نحضرلها دروسها
ربي يقدرني ويقدركم على شغالكم
بصح راني نطل ونصبح عليكم ونشوف جديدكم
ام هديل يعطيك الف صحة وعافية راكي جيبيلنا غير الجديد جزاك الله كل خير
ام سوهيل يعطيك الصحة على حلوت نمر غكرة هايلة نتاع مول المعمول بارك الله فيك
ام الحبايب واش راكي يا حبيبة


لبنات منال ومنير ما بانتش ان شاء الله نكون سلكت وتهنات

والغائبات ان شاء الله تكونو كاااااااااامل بالف خير

حبوبتي واللّه غير راني عيّانة. بصّح قلت لازم مانخلوش الدّار وحدها. وراني أضربت طلّة ولقيت ماشاء اللّه الأخوات راهم أتهلاوا فيها. وربّي ايوفقك في أشغالك. رانا دائما ندعولك بالتّوفيق. معاك يالخضرا. معاك يا أختي أم حمزة. فإلى الأمام باش نفرحوا بيك ونزوخوا. باش ترفعيلنا راسنا ونديروا كيما أنتيا. ياخي ايقولوا نّاس بكري. كِفْ الأمّ كِيفْ البنت. ياله موفّقة بإذن الرحمن.

[غزالة الصّحراء]

المشاركة الأصلية كتبت بواسطة ام حمزة22

صباح الهيرات غزالة
ربي يخليلك صحتك وبصحتكم راني نشوف فيك غزالة من الخبز للحلاويات ماريحاش تبقاي غزالة هههههههههه
غزالة تروحي وترجعي بالسلامة وان شاء الله تصيبي الاهل نتاعك بالف خير
تحياتي يا الغالية
مشكورة على ابتسامة المساء هههههههههه

حبوبتي رايح نصبح أغزالة ونص. ومانكملش النّص الآخر حتّى نتعلم عجينة السيراميك. والرسم على القماش أو الفودان. والخياطة بالماشينة ألي راهي حاكمة بلاصة .
يعطيك الصحّة أنتي وكلّ الأخوات على الدّعاء.ربّي ايطوّل في أعماركم ويحفظلكم أهاليكم. واللّه غير ألقيت عائلتي بألف خير. هاذي مدّة ماشفتهاش. أضربت عليها هي ثاني طلّة ورجعت لداري. نكمّل أشغالاتي كالعادة.
حبيباتي كلّ وحدة باسمها أقول لكنّ ليلة سعيدة. وإلى الملتقى الآخر بإذن الرحمن.

[غزالة الصّحراء]

المشاركة الأصلية كتبت بواسطة ام الخير 05

صباح الخير عليكم يا غاليات ام سهيل بارك الله فيك على الريجيم ام حمزة ربي يعاونك اختي صدفات شكرا على التشجيع غزالة انت سكرسكر سكر سكر ما تنسايش تزيدي هذا الاسم للاسامي الاخرى الاخوات كل وحدة باسمها ربي يحميكم ويحمي عائلاتم جميعا

أم الخير إذا كان انا سكّر أنت عسل يا أروع عسل راني نقصد العسل الحرّ ماش ترافيكي.ههههههه
يعني من الغزالة إلى الخفاشة إلى الخبازة إلى النمرة إلى النحلة لأصنع أروع عسل لأروع بنات صفحة الأم حمزة. كل وحدة تشرب منّو رايح اتحس بالشفا والرّاحة. لكي من أعطر تحيّة

[nina mima]

السلام عايكم وشراكم منورين ام حمزة كيفاه نشارك في دورة الخياطة

[منال ومنير]

صباح الخير اخواتي راني مازلت معاكم كيما قلتلكم البارح روحت عند الطبيبة وقاتلت الحمد الله رك نورمال قاتلي مازل شوية قاتلي لازم تمشي و الريحيم بش البيبي مايكبرش

[منال ومنير]

المشاركة الأصلية كتبت بواسطة غزالة الصّحراء

يا أهلا ومرحبا بك أختي ام منير ومنال. اللّه ايكبّر سعدك وْسَعْدُو. وتفرحي بيه. وربّي ايسهلّ عليك الولادة وييسّر عليك كلّ الأمور. وترجعيلنا بألف خير. بصّح ماتنسايش تبعثيلنا حقّنا أنتاع الطمينة ههههه.:d:d:d باش أوليدك بسلامتو ايولي حبوب . وخاصّة من طرف البنات . أنتاع هاذي الصّفحة. ياربّ انسمعوا منك غير الأخبار السّارة . وشكرا لك على مدى ثقتك بكلّ واحدة منّا.

يعطيك الصحة بس الطبيبة قالتلي عندك طفلة انشاء الله تكون ذرية صالحة وانشاء الله كي نزيد نبعثلكم الطمينة و الطعام

[ام الخير 05]

صباح الخير على اخواتي الغاليات ربي يحمينا جميعا ويحميلنا ازواجنا واولادنا وكل اهلنا واحبائنا اللي شفناهم واللي ماشفناهمش يارب
كل وحدة باسمها عائلتنا كبيرة وربي يزيدها والحمد لله
منال ومنير الحمدلله اختي كي البيبي انتاعك صغيرة ديري الكوراج وما تخمميش بزاف رانا كامل ندعيولك صدقيني والله غير البارح خممت فيك ودعيتلك ربي انت واختي ربي يسهللك انشاء الله

[غزالة الصّحراء]

المشاركة الأصلية كتبت بواسطة nina mima

السلام عاليكم وشراكم منورين ام حمزة كيفاه نشارك في دورة الخياطة

ياصباح النّور أختي. =nina mima اللّه ايسهل عليك العمل. أنا ثاني حبيت نتعلّم . بصّح اللّه غالب ماكانش الوقت. شوفي روحي لقسم الأعمال الفنيّة. قسم التفصيل والخياطة. أو راسلي الأخت كرونو اللّه ايطوّل في عمرها وتوضح لك الأمور. في انتظار تدخل الأخت أم حمزة وتوضح لك أكثر فأكثر. فهي عندها ثاني الخبرة في هذا المجال والطّريقة. بالتّوفيق لك.

[غزالة الصّحراء]

المشاركة الأصلية كتبت بواسطة منال ومنير

صباح الخير اخواتي راني مازلت معاكم كيما قلتلكم البارح روحت عند الطبيبة وقاتلت الحمد الله رك نورمال قاتلي مازل شوية قاتلي لازم تمشي و الريحيم بش البيبي مايكبرش

أهلا بك يالغاليّة منال ومنير. اللّه ايسهّل عليك الولادة. بنت أو ولد المهم ايسلك ربّي راسكم في زوج على خير.. واتكون من الذريّة الصّالحة ياربّ. شفتي احنا ثاني وصيناك بكثرة المشي راه ايساعدك بزاف في تسهيل الولادة. أما الرجيم تناولي الفواكه والخضر فهي صحيّة. وخبرينا بكلّ جديد. اللّهم يسّر امور أختنا منال ومنير.وأرجعها إلى عائلتها وإلينا بألف خير. بالتّوفيق لك.

[ام الخير 05]

صباح الخير يا غزالة ياسكرة صدقيني تباني فحلة ولسانك حلو وتعرفي الواجب مع الناس وسيدة بيت ما يمل منها حتى واحد ربي يزيك من نعمو اللي حبو ربي سبحانه يحبب فيه خلقو

[غزالة الصّحراء]

المشاركة الأصلية كتبت بواسطة ام الخير 05

صباح الخير على اخواتي الغاليات ربي يحمينا جميعا ويحميلنا ازواجنا واولادنا وكل اهلنا واحبائنا اللي شفناهم واللي ماشفناهمش يارب
كل وحدة باسمها عائلتنا كبيرة وربي يزيدها والحمد لله
منال ومنير الحمدلله اختي كي البيبي انتاعك صغيرة ديري الكوراج وما تخمميش بزاف رانا كامل ندعيولك صدقيني والله غير البارح خممت فيك ودعيتلك ربي انت واختي ربي يسهللك انشاء الله

ياصباح الأنوار أختي الغاليّة أم الخير. وربّي يسمع منّك الدّعاء ويوفّقتنا دائما في بيوتنا مع أولادنا وأزواجنا. واللّه يشفي كلّ مرضانا ويعطينا القوّة باش دائما أنديروا أشغالنا في أحسن الظّروف.
سلامي لكلّ وحدة باسمهما ، القديمات والجديدات. وربّي ييسّر أمورنا كلّها.

[غزالة الصّحراء]

المشاركة الأصلية كتبت بواسطة ام الخير 05

صباح الخير يا غزالة ياسكرة صدقيني تباني فحلة ولسانك حلو وتعرفي الواجب مع الناس وسيدة بيت ما يمل منها حتى واحد ربي يزيك من نعمو اللي حبو ربي سبحانه يحبب فيه خلقو

يا أهلا بحبيبتي الغاليّة . العسلx عسل . يعطيك الصحّة والعافيّة. واللّه غير حياتي كيما راكي اتشوفي في الكتابة . عاديّة . الي يحبني أنحبو . ولي يكرهني نتجنبوا. وماندخلش معاه في المشاكل. لأنّ الحياة لاتحتاج إلى مشاجرة بقدر ماتحتاج إلى استعمال التّفكير والتريث دون التسرّع في اتّخاذ القرارات التّي قد تكون نتائجها سلبيّة. اللّهم كن دوما معيننا ويسّر أمورنا، في الدّنيا والآخرة. وشكرا لكّ على الدّعاء ولك بالمثيل ولكل أخت بصفة عامة وكلّ أخت تنتمي إلى هاذه الصّفحة بصفة خاصّة.

[صدفات]

صباحكم سعيد حبيباتي
البارح خليتوني وحدي حتى واحدة ما بانت خرجت و صدقوني طفيت الميكرو خلاص ما قدرتش نقعد بلا بيكم الله يدوم محبتنا
منال ربي يسلكك الحمدالله على ماعطى مش مهم الجنس المهم الصلاح و الصحة و السلامة كثري الدعاء حبيبتي
غزالتي شكرا على الرد اليوم أنا و أنت رانا فراشات دخلنا مع صباح ههههههههههههههههه
أم حمزة ربي يعينك رانا معاك نشجعوك و راكي درتي لينا القلب يعني حمستينا باه حنا ثاني نخدمو صوالح بيدينا
أم الحبايب أم الخير أم هديل أم سوهيل نينا روح مراد أمنية غفران و كل وحدة من جمعتنا الطيبة يوم سعيد

[ريحانتي]

اسعد الله صباحكم بكل خير ويمن وبركات

فتح الله عليكم ابواب رحمته ومغفرته ورزقه .....ااامين

عندي سؤال اخواتي
دايما نسمع بكريمة الفرماج مانعرفش كيفاش نحضرها قالولي تجي خير مالبيشمال
هل جربتوها وادا امكن طريقة تحضيرها
بارك الله فيكم

[صدفات]

المشاركة الأصلية كتبت بواسطة ريحانتي

اسعد الله صباحكم بكل خير ويمن وبركات

فتح الله عليكم ابواب رحمته ومغفرته ورزقه .....ااامين

عندي سؤال اخواتي
دايما نسمع بكريمة الفرماج مانعرفش كيفاش نحضرها قالولي تجي خير مالبيشمال
هل جربتوها وادا امكن طريقة تحضيرها
بارك الله فيكم

صباحك سعيد أختي و مرحبا بك معنا
كريمة الجبن التي أعتمدها و هذا لتزيين البسكوي أو الكاب كيك هي بسيطة و لذيذة جدا خصوصا الأطفال تأخذي 6 حبات جبنة كيري مع علبة نسلي المحلى (العلبة الصغيرة) تمرسي الجبن مليح و تضيفي عليه النسلي تدريجيا و تخفقي مليح حتى تمتزج جيدا و أخيرا رشة فنيليا و أصبحت جاهزة
أرجوأن أكون وفقت و هي الكريمة التي تبحثين عليها.