الى ام اسيد1 وكل وحدة حاصلة واش الطيب

[ام حمزة22]

لبنات يعطيكم الصحة على الاطباق ربي يدومها نعمة علينا وعلى جميع المؤمنين
ختيتي نينا علبالي تربية صعيبة لاكن حاولي تنوضي بكري راح تكملي شغلك قبل ما ينوض ابنك ربي يحفضهولك
منال ومنير مشكورة على الكلام الطيب حبيبتي ربي يحفضك ويخليك

[ام الخير 05]

مساء الخير للغالية ام حمزة اليوم لحقت دالتي ومرضولي كامل وبداو يتشهاو راجلي جاب المرقاز وقالي ديريلي لبيري والمطلوع ووليدي قالي حبيت برقركيما يسميه هو سلطع برقر عل الرسوم المتحركة يعني راح نبكر للكوزينة وانا نفحتلي نتعلم عجينة السيراميك درت وردات راهم قدامي راني فرحانة بيهم بزاف خسارة ما نعرفش نحط الصور رجعتلي النفحة باه نطيب ونشغل روحي بفضل الله وانت يا اختي ام حمزة لانك سيدة قدوة ماشاء الله عليك ربي يحفضك

[ام حمزة22]

المشاركة الأصلية كتبت بواسطة ام الخير 05

مساء الخير للغالية ام حمزة اليوم لحقت دالتي ومرضولي كامل وبداو يتشهاو راجلي جاب المرقاز وقالي ديريلي لبيري والمطلوع ووليدي قالي حبيت برقركيما يسميه هو سلطع برقر عل الرسوم المتحركة يعني راح نبكر للكوزينة وانا نفحتلي نتعلم عجينة السيراميك درت وردات راهم قدامي راني فرحانة بيهم بزاف خسارة ما نعرفش نحط الصور رجعتلي النفحة باه نطيب ونشغل روحي بفضل الله وانت يا اختي ام حمزة لانك سيدة قدوة ماشاء الله عليك ربي يحفضك

مساء الانوار ختيتي ام الخير
ماعليش خليهم يتفشو ربي يجيبلهم الشفاء العاجل ويحفضهم من كل شر
شفتي ام الخير الخدمة بعجينة السيراميك شحال مسلية وفي نفس الوقت راكي رايحة تولي دارك وتشبحيها بيديك
ربي يقدرك ويخليلك صحتك


ام الخير حاولي تراسلي الادارة باه يبدلولك الجنس من دكر لانتى احسن

[hayette82]

مساء الخير عليكم

[hayette82]

واشراكم واختي سلمى نشاله ريحتي شوي

[nina mima]

شكرا ام حمزة

[***سلمى ***]

المشاركة الأصلية كتبت بواسطة hayette82

واشراكم واختي سلمى نشاله ريحتي شوي

احسن من قبل .يسال عليك الخير .واش نقولو الحمد لله على كل حال

[***سلمى ***]

كيفية ام اماني المحورة جاء طعمها كاني درت طاجين لوبيا

[بيلسان91]

مساء الخير ام حمزة وش راكي نتمنى تكوني بخير
حبيت نسقسيك على البيتزا
قداه يلزم الوقت بش طيب والفور على قداه الدرجة نريقليه
انا ريقلتها على 25 دقيقة على درجة حرارة 200
البنة بنينة بصح الطياب شوية يابسة
نتمنى تجاوبيني

[غزالة الصّحراء]

مساء الأنوار في هذا النهار السّعيد المبارك، على الغاليات على الزّينات ، على الوردات، واللّه غير راكم زيّنتو الصّفحة وعطّرتوها بأطباقكم الرّائعة . من الألف إلى الياء. وشكرا جزيلا لكّل واحدة وضعت لمستها الخاصّة على هذه الصّفحة التّي أصبحت جد ثريّة بفضل تشجيعات بعضنا البعض. ، لم تعد تقتصر على الطبخ بل تعدّت حدوده إلى فنون أخرى متنوّعة وهذا بفضل الاخت والأمّ حمزة22 التّي نتمنّى من المولى أن يحفظها ويصونها من كلّ مكروه، وأن يمتّن علاقاتنا مع بعضنا لنصل إلى مستوى أرقى به نتمكّن من مواجهة صراعات الحياة . التّي تتطلّب من المرأة دوما النضّال. ولكي تتمكّن من تحقيق النّجاحات فهي تحتاج إلى دعم يقويها وشيجعها دوما نحو المضّي إلى الأمام. وما وجدنّ سوى بيت الأخت ام حمزة ، الّي جمع ولمّ الكثير من العضوات رغم بعد المسافات ورغم انشغالات كلّ واحدة وظروف كلّ واحدة وانتماء كلّ واحدة. الكلّ اصبح جزءً لا يتجزء من كيانٍ يصبو دوما إلى تحقيق الأفضل. هاذي البداية ومازال مازال. تحياتي للجميع بدون أن انسى أيّة واحدة منكنّ.

[بيلسان91]

مساء الخير غزالة الصحراء
وش راكي
ادا تعرفي جاوبيني على السؤال اللي طرحتو قبيل شوية على ام حمزة

[غزالة الصّحراء]

المشاركة الأصلية كتبت بواسطة بيلسان91

مساء الخير ام حمزة وش راكي نتمنى تكوني بخير
حبيت نسقسيك على البيتزا
قداه يلزم الوقت بش طيب والفور على قداه الدرجة نريقليه
انا ريقلتها على 25 دقيقة على درجة حرارة 200
البنة بنينة بصح الطياب شوية يابسة
نتمنى تجاوبيني

أهلا بيك ألأخت بيلسان91 هاذي غيبة واش راكي واش راهم داركم . واش راكي مع الصحّة. ؟؟؟؟
أنا لما نعمل البيتزا أنخليها مدة 10 د لا أكثر. بصّح لازم الفور ايكون مسخن مسبقا أمليح أمليح. . وتكثري لها الفرينة لما أتديريها في الصينيّة هذاك الي يعطيها البنّة لما أتطيب. ونديرها على درجة 180د.
هذا ردّي حسب طريقتي في عمل البتزا. نتمنى تلقاي الرّد ىلآخر من الأخت أم حمزة..

[***سلمى ***]

المشاركة الأصلية كتبت بواسطة بيلسان91

مساء الخير ام حمزة وش راكي نتمنى تكوني بخير
حبيت نسقسيك على البيتزا
قداه يلزم الوقت بش طيب والفور على قداه الدرجة نريقليه
انا ريقلتها على 25 دقيقة على درجة حرارة 200
البنة بنينة بصح الطياب شوية يابسة
نتمنى تجاوبيني

انا ندير 10-15د من التحت باه تطيب العجينة نص طياب=تشيح ومبعد 10 دقايق بعد ما ندير لاسوس طايبة ونكمل باقي الزيتون +طنو 3-4د منالفوق. وك تخرج نغطيها 10 -15د ونقصها .اما الحرارة نديرها اقصى درجة

[غزالة الصّحراء]

المشاركة الأصلية كتبت بواسطة ***سلمى ***

كيفية ام اماني المحورة جاء طعمها كاني درت طاجين لوبيا

أهلا بيك أختي سلمى والحمد للّه على أنك اصبحتي أحسن. ولازم أتديري بالك على روحك وترتاحي اشويا باش تسترجعي طاقتك وتولي أحسن بكثير.. من فضلك فهميني واشنو هي هاذي الكيفيّة الي راكي تهدري عليها أنتاع أم أماني . مفهمتش. وضحيلي أكثر من فضلك.

[***سلمى ***]

ياغزالة واشك وانت يابيلسان انشاء الله افدتك
ام حمزة وينك وام اسيد البنات كااااااااااااااااااااااااااااااامل
انا نروح عندي ياسر حوايج نديرهم