الى ام اسيد1 وكل وحدة حاصلة واش الطيب - الصفحة 144

غزالة الصّحراء · 2015-01-21, 20:07

اقتباس:

المشاركة الأصلية كتبت بواسطة منال ومنير

صباح الخير الاخوات وشراكم كيفاه صبحتو
صباح الخير روح مراد انا عندي 2 اولاد وحدة في تحضيري وواحد عندو 03 سنوات نحرج على الرابعة ونصف مانجي نوصل تكون 05 اوشي مايكفينيش الحال مع العشاء البارح بنت قتلي قريني شوية قريتها ونا مقلقة على السوالح مافهمتش كيفاه راكم توفقو بين الخدمة و البيت

اهلا بيك أختي منال ومنير. كيما قالت لك إحدى الأخوات قولي لنا واش هي العراقيل ألي تصادفيها حتّى نقدروا أنساعدوك. وربي يحفظ لك أولادك. ويطوّل في عمرك وتشوفيهم في مراكز عليا.

غزالة الصّحراء · 2015-01-21, 20:10

ياله ياحبيباتي تصبحوا على ألف خير. راني رايح اكمّل أشغالاتي. بعد ماعمّرت الصّفحة بردود ياربّ أتفرحكم وتريّح بالكم.
ليلة سعيدة للجميع وأحلام أسعد.

ام سوهيل · 2015-01-21, 20:17

اقتباس:

المشاركة الأصلية كتبت بواسطة غزالة الصّحراء

مساؤك سعيد أختي أم سهيل. ربّي يحفظ لك أوليدك من كلّ مكروه ياربّ وكاليوم أتشوفيه أنتي ثاني في الجامعة. بصّح أنوصيك. عليك بالمراقبة ثمّ المراقبة . ثمّ لاتجعلي بينك وبينه حاجزا. تحاوري معه في باب المعقول كلّما سمحت لك الفرصة. صادقيه. افتحي له باب الحوار . وعلميه الخطأ والصّواب.
ربّي يحفظ أوليداتنا من كلّ شرّ.

شكر غزالة ربي يخليك وكما يقولو ناس ازمان منكم نستفيد يعطيك الصحة

ام حمزة22 · 2015-01-21, 21:02

باسم الله ماشاء الله عليك غزالة راكي مزهية الحالة انا ما قدرتش ندخل اليوم كنت مع الطرز بالحاشية هادا وين كملت لازم فالغد نبعت عملي للمشرفة الغالية فيفي
فالغد نبعتو تطبيقنا ويوم الجمعة راح تشوفو ابدعات زميلاتي في الطرز بالحاشية
غزالة ربي يحفضك ويحفض اولادك وزوجك وكل عزيز عليك
تصبحي بالف خير واحلام سعيدة ان شاء الله

ام حمزة22 · 2015-01-21, 21:07

اقتباس:

المشاركة الأصلية كتبت بواسطة منال ومنير

صباح الخير الاخوات وشراكم كيفاه صبحتو
صباح الخير روح مراد انا عندي 2 اولاد وحدة في تحضيري وواحد عندو 03 سنوات نحرج على الرابعة ونصف مانجي نوصل تكون 05 اوشي مايكفينيش الحال مع العشاء البارح بنت قتلي قريني شوية قريتها ونا مقلقة على السوالح مافهمتش كيفاه راكم توفقو بين الخدمة و البيت

ربي يقدرك اخي
بصح حاولي تنوضي بكري وحاولي تنقسي شوية شغل
انا ما رانيش خدامة لاكن ساعات كي نوض بكري فطوري على7ونصف يكون طايب
اختي المنوض بكري راح يخليك مرتاحة وتقدري تكملي كامل شغلك قبل ما ينوضو ولادك

ام حمزة22 · 2015-01-21, 21:13

اقتباس:

المشاركة الأصلية كتبت بواسطة أم الحبايب 26

صباح الخير علئ الجميع نشالله تكونو كمل بخير واش راكي ام حمزة الله يحفظلك هدوك اليدين قتلك كل صبع بصنعا الله يخليك سالي علئ معجون اجنا كيكون حب طيبيه وتطحنيه ولا تكوني عصراتو الله يخليك ولادي يحبو ه بزاف قليلي علئ طريقة بظبط
سالي لام سوهيل اعاني من ارتفاع ظغط ادموي قلي طبيب لزملك رجيم سالي عن رجيم قارص و الكمون تشربيه كل يوم ولا نهار بنهار يعطيك رابي وا تتمناي

ام الحبايب واش راكي حبيبتي
شوفي انا اعطيت الوصفة لبيليسان كي تعصر البرتقال والقشور ديرهم معجون
اما طريقة تحضير معجون البرتقال هي انك تنقي البرتقال على خفيف اي تنحيللو القشرة بصح خفيفة ماشي كلي راكي رايحة تاكليها من بعد غليها هاكداك حب كي تغلي قطريها ورحيها ثم حطيها في طنجرة وضيفيلها السكر والماء وخليها طيب حتى تعقد

ام هاديل وياسين · 2015-01-21, 21:39

اقتباس:

المشاركة الأصلية كتبت بواسطة غزالة الصّحراء

ربّي اينجحلك أوليداتك. ونزغردولك. برك متنسايناش لما تعملي العرضة . أبعثي لنا حقّنا أنتاع الحلويات. شوفي أختي صوريهم وابعثيهم لهاذي الصّفحة. ولما أتشوفهم كلّ وحدة أشغل أتلمينا كامل وقعدنا قعدة حلوة.ونشاركوك فرحتك. أنا ثاني لما كان اوليدي لكبير ايجوّز في الباك الصغير كان سنة 4 متوسط. وكنت قلقانة على الكبير بزاف. على خاطر امتحانات البكالوريا في بعض الأحيان حتّى لمّا الواحد ايكون عندو المستوى لكن لما ايجيه القلق يمكن كلّ ماتعلمو ايروح منّو في هاذيك اللّحظة.
واش أنقولك سانديهم وكوني معاهم. وربّي اينجحهم لك. وينجح كلّ واحد موجود على مقاعد الدّراسة.

امين اختي ويفرحكم انتوما تاني ويعطيك الصحة ارواحي برك زغرتيلي حتى اختك ولله متعرف تخرجها هههههههه
والحلو غير ما تخميش بلا افراح راني نحط ارجعي لصفحات وانتي تلقاي الميلفاي ومعاه بعض الوصفات
ونهار النجاح ان شاء الله حتى حاجة ماتغلى عليكم غير ربي يفرحنا انا ولدي الكبير راه في فرنسا
نجح فالباك وقرا الجامعة بصح مكملش وراح ربي يسرله امورو وهذا الثاني راه يعاود فالباك ان شاء الله هاذ المرة
يجيبه راكي شفتي شحال نتقلقو عليهم الله ينجحهم وكل اولاد المسلمين

أم الحبايب 26 · 2015-01-21, 21:42

مسا الخير عليكم كامل يعطيكم اصحا ام سوهيل و ام حمزة علئ ردود نتعكم روح مراد رابي يقدرك علئ شغالك سلامي لكامل لبنات ام اسيد صدفات بليسان وغزالة الصحراء غزالا نتع اصح راكي تنكزي هنا وتزيدي لهيه رابي يوفق الجميع
متظحكوش عليا علئ اخطاء لغوية راني بشويا نتعلم منكم مندخلشي بزاف للمكرو علئ خطاش ولادي يقعدو فيه
رانا ديرين ادلئ عليه ونا بنتي تستحقو علئ خطرش راهي معا لكزامان في الجامعة رابي يوفق وليدتنا انشاالله
تصبحونا علئ خير جميعا

ام هاديل وياسين · 2015-01-21, 21:54

جبتلكم هدي التحلية راهي هايلة اسمها البالوزة يخدموها بعصير البرتقال

هذا الرابط https://www.djelfa.info/vb/showthread.php?t=1737055

ام سوهيل · 2015-01-22, 08:17

صباح الخير للجميع اصبحنا واصبح الملك لله ام هديل يعطيك الصحة هيلة التحلية تاعك بصح درتي فيها نواد كوكو انا منحبهش قوليلي

هدا عشائي تع البارح قرتان بي البطاطا والجلبانة وصدر الدجاج وادا عجبكم نعطيكم الطريقة راهم لحصو البلا مخلو ولو الحمد لله

ام هاديل وياسين · 2015-01-22, 08:53

صباح النور ام سوهيل الله يسلمك درت فيها نواد كوكو بصح متحسيهش كي يكون دخل فيها
واذا متحبيهش راهي كاينة تحلية اخرى بالبرتقال راهم حاطينها لبنا في الكوزينة واش طيبتي اليوم هايلة حتى هاذي جربتها
وبصحتكم الطبق معليش تقليلي واش درتي فيه اليوم راني صايمة وحابة ندير حاجة مع الحريرا

سلامي لقاع الاخوات اليوم ام حمزة مبكرتش وقيلة جاها البرد ههههه ان شاء الله راكم بخير

أم الحبايب 26 · 2015-01-22, 09:08

اصباحنا واصبح الملك لله نشالله تكونو كامل بخير ام سوهيل عجبني طبق نتعك ممكن اطاريقة ا
ام حمزة واش رايحا طيبي ليوم انا مزلت نخمم الله يقدر الجميع

منال ومنير · 2015-01-22, 09:41

صباح الخير اخوات كيفاه صبحتو
نشكركم بزاف لراكم مهتمين بيا
فم يخص المنواض بكري انا ديما انوض بكري بسح المشكل اولادي غير النوض انسيبهوم في جرتي
نطيب نشرب القهوة ولبسلهم كسوتهم لازم على 07 انكنو وجدين الطفل نديه للحضانة والطفلة للمدرسة وانا روح للخدمة وانا عندي سيارة ومايكفينيش الحال
وفي العطل كون انسيب مانخرج لاني اندير تنظيف للبيت وندلهم اكلات تقليدية ونحب نجلس مع اولادي قع هكا راني انقول راني ديتلهم حقهم جاوبوني واعطوني حلول

ام هاديل وياسين · 2015-01-22, 09:42

هذه تحلية اخرى مدام البرتقال متوفر وفيه فوائد كثيرةhttps://www.djelfa.info/vb/showthread.php?t=1468911

ام سوهيل · 2015-01-22, 10:56

اقتباس:

المشاركة الأصلية كتبت بواسطة om hadil

صباح النور ام سوهيل الله يسلمك درت فيها نواد كوكو بصح متحسيهش كي يكون دخل فيها
واذا متحبيهش راهي كاينة تحلية اخرى بالبرتقال راهم حاطينها لبنا في الكوزينة واش طيبتي اليوم هايلة حتى هاذي جربتها
وبصحتكم الطبق معليش تقليلي واش درتي فيه اليوم راني صايمة وحابة ندير حاجة مع الحريرا

سلامي لقاع الاخوات اليوم ام حمزة مبكرتش وقيلة جاها البرد ههههه ان شاء الله راكم بخير

ام هديل صيامك في الجنة اختي اليكي طريقة القرتان

اول حدي صدر الدجاج طيبيه في مرق بيصاء بلاحمص فقط بصل وزنجبيل مطحون وحرور ومرقي بي كاص وتصف ماء وضيفي رشة ملح وخليها طيب

وخدي حبات بطاطا حسب افراد العيلة قطعيهم مكعبات صغيرة وقليهم في الزيت خليهم يقطرو وخدي كمية تع جلبانة فوريها اوغليها حتى طيب وخلطيها مع البطاطا ومن بعد خدي صدر الدجاج يكون طاب قطعيه رقيق وخلطيه مع البطاطا والجلبانة والمرق الي طاب فيه الدجاج حضري بيه بشمال خفيفة شوية وكتنحي البشمال من النار ضيفيلها حبة بيض وحلطي كلش مع البطاطا وفرغيها في مول تع الفور ورشيها بي جبن مبشور من الفوق انا مكانش عندي جبن مبشور درت قطع صغير من الجبن العدي ودخليها الفور حتى تنشف وتتحمر من الفوق وبصحتك مصبق وادا حضرتيها قوليلي وش رائيك

على فكرة هدي طريقة امي ربي يحفضها ويشفيها امييييييييين