دبروا عليا يا ناس الخير

[الكروان الجريح]

االسلام عليكم و رحمة الله كيف الاحوال عندي مدة ما دخلتش للاسباب مرضية عفاكم الله
عندي واحدة حبيبتي نافس وتحب تعمل قهوة للعايلة ولحباب و ما عرفتش واش تحط بعد القهوة اي اذا عملت قازوز واش تحط معاه
تعيشوا عاونوها بافكار ينفعوها وياريت حوايج جدد وشكرا ولعقوبة لكل محروم ان شاء الله و نفرحوا معاه

[جيجلية]

دخلت باش نبارك برك

اختي كل منطقة وعاداتها

ان شاء الله الاخوات اللي دارو هذي المناسبة يفيدوك

[أم يوسف العربي]

السلام عليكم
مبارك عليك المولود رُزِقتم برّه و سُعِدتم بتربيته جعله الله من الصالحين المصلحين
كل منطقة و عاداتها
في العاصمة يحطو العصير او القازز قبل مع حاجة فيها سكر قلاصي و لا شيكولا
مثلا لي سابلي يكونو كبار و الا باتيسري مثل القاطو رولي
و من بعد القهوة و فيها تحطي كل شي تقدري اديريه
اسفنج و طمينة و مشوشة و بسبوسة و حلويات معسلة و كل ما هو تقاليد منطقتكم
و من الاحسن يكون كل شي جاهز للحمل يعني pret a porter
لانه ولاو الناس ما ياكلوش كلش و يدوهوم معاهم
خيري علب فيها رسوم للاطفال و اكياس بلاستك و صحون جميلة نفس المودال مع تنويع الالوان
و ايضا ولاو يديري نبولات صغيورين مع حلوة و حبة قاطو للاطفال في كيس طبعا
و للبنوتات يزيدولهم مساكات شعر داخل الكيس لاسعادهم
المهم حسب المقدرة
معذرة على الاطالة
السلام عليكم