ماتخلونيش هكدا اختي سطايفية(..........تم الرد)

[فال الخير]

السلام عليكم جميعا اخواتي لازم تعرفو بلي عييت بزاف من هاد الحالة مشكلتي نحب نخيط بصح مانعرفش و حلمي نأسس عمل مدخولو من الخياطة نحبها بصح يا درا كيفش نبدا رحت شريت ماشينة من العام اللي فات و حملت فيديوهات كامل جاوني صعاب والله يا الباترون اللي ماعرفت مين نبداه عييييت قاعدة غير نتفرج فيها بلا فايدة ااختي سطايفية الامل في ربي من بعد فيك والاخوات نقدر ننجح ان شاء الله لوكان نبدا بمودال سامبل ادا نجحت فيه رح نتمسك فيها كتر و نطور روحي بصح يادرا وش هو تعيشو ساعدوني ربي يبلغ كل وحدة مناها و يجعل الجنة مستقرها وحماها

[جلفااوية]

السلام عليكم ورحمة الله وبركاته اختي انا تاني كيما انتي مانعرفش نخيط وما نعرفش للباترون بصح كي تبعت الاخت سطايفية والاخوات الاخريات بديت نفهم والحمدلله خيطت قندورة قطيفة تشبه للباترون انتاع الورشة الثانية انتاع سطايفية لازم ما تستسلميش ولازم تصدمي وتنحي عليك الخوف وراح تنجحي انشاء الله

[hope of life]

اختي شفتي الفيديوات..خاصة نتاع المغرب...طبقي كيما هوما...ارسمي تبعيهم برك...ومع المحاولات تفهمي...ما تياسيش برك...اذا عندك الوقت...طبقي في كتان رخيس...ومع الوقت رايحة تتحسني...مادامك تعرفي تقراي وتكتبي..الباترون ساهل

[فال الخير]

ربي يحفظكم اخواتي بارك الله فيكم علي الدعم ربي ينوركم

[stayfiya]

المشاركة الأصلية كتبت بواسطة فال الخير

السلام عليكم جميعا اخواتي لازم تعرفو بلي عييت بزاف من هاد الحالة مشكلتي نحب نخيط بصح مانعرفش و حلمي نأسس عمل مدخولو من الخياطة نحبها بصح يا درا كيفش نبدا رحت شريت ماشينة من العام اللي فات و حملت فيديوهات كامل جاوني صعاب والله يا الباترون اللي ماعرفت مين نبداه عييييت قاعدة غير نتفرج فيها بلا فايدة ااختي سطايفية الامل في ربي من بعد فيك والاخوات نقدر ننجح ان شاء الله لوكان نبدا بمودال سامبل ادا نجحت فيه رح نتمسك فيها كتر و نطور روحي بصح يادرا وش هو تعيشو ساعدوني ربي يبلغ كل وحدة مناها و يجعل الجنة مستقرها وحماها

اسمحيلي ندير تحليل صغير لكلامك
الحاله لي عييتي منها بعقلك لي خلقتيها و كبرتيها
و لي ما يعرفش راح يتعلم
اول حاجه عندك المشينه قولي الحمد لله كاين بزاف كي تكون لخياطه حلم معناه ميش قادر يلحق يشري حوايجها و نتي اصعب حاجه راهي عندك
اذا كان كيما راكي تقولي حملتي فيديوهات و شفتي في النت. فاكيد تكوني لمحتي موضوع حطيتو
https://www.djelfa.info/vb/showthread.php?t=1507424
https://www.djelfa.info/vb/showthread.php?t=1604919
و خلي مواضيع كيفاش تاخذي القياسات
https://www.djelfa.info/vb/showthread.php?t=1729755
ماتقوليليش ما شفتيش الورشات من واحد ل 27
ياسيدي جاتك صعيبه ركزي على موضوع واحد
https://www.djelfa.info/vb/showthread.php?t=1722701
و الورشه نتاع الموضوع رقم 26
لازمك تعياي شوي و تخدمي راسك
ماتخليش فكرة الخوف تاثر فيك
اذن تعرفي بلي نتي لي راكي مخليا هكذا روحك ميش انا
انا لي عليا راني ندير فيه
و ربي لي شاهد ميش لعباد

[فال الخير]

و الله ماقلت العكس نتي اختي راكي ديري اكتر من اللازم و كيما قلتي ربي الشاهد من العباد بصح حسيت نبرتك شوي حادة بلاك تلزملي هكدا نخرج من حالة الخوف و الاحساس المسبق بالفشل بارك الله فيك اختي سطايفية رح نبدا ادعيلي