مشكلة 2

[مشكلتي]

سلام الله عليكم انا صاحب الطرح تع غض البصر الله يجازيكم خير علا النصائح الوقت لي ران فيه ولا صعيب انا قريت بلي لازم انشوف واحدي المشكل انا نسكن في الجزائر وسط يعني غاشي بزاف لوكان نطلع عيني نخاف نتنفتن و نشوف كاش واحدة تفتني عن ديني و نولي حاصل علا بيها راني نجاهد في نفسي ان شاء الله يكون هدا الامر خالص لي الله عز وجل و يتقبل مني او ميكونش رياء الحمد الله متعرفونيش باش ميوليش رياء و كي قلتو النساء يحبو واحد مدين يغض البصر تاعو بالاك في كاش ولاية مي اهنا في العاصمة تبان قدامهم بلي انت مهبول و جايح و معقد الموفيد حل الله يجازيكم واش اندير انا امي مسكينة من المنزل متخرجش و الاب تاعي يا حليل راني في حيرة من امري راني متوكل على الله و راني ندعي عسي ايكون الفرج قريب ان شاء الله و لهم اجمعنا في جناتك جنات النعييم على سرر متقابلين لا تنسونا من صالح دعائكم استغفر الله العلي العظيم والحمد لله رب العالمين

[nouna12]

ربي يبعتلك بنت الحلال أخي عليك فقط بالدعاء وربي ان شااء يستجاب ليك

[الراغبة فى رضا الرحمن‎]

ربي يسهلك
و هاذوا لتبان قدامهم بلي انت مهبول و جايح و معقد ياو هما حاربييين لزمان الله عالب
ربي يهدي ما خلق

[dahmane42]

الحياء من الايمان
و غض البصر واجب
ربي افرج اعليك اخي و تمسك بدينك و لا تتخلى عنه

[منار40]

السلام عليكم ربي يفرج واخد يخاف من ربي ميش من الناس ديرها في باللك

[anfal10]

ما ظنيتش ناس العاصمة كامل بناتهم ايحبوا راجل كولللللللللل كيما نقولو لي ايبانو ا في الساحة برك و لكن في الاعماق كاين بنات اخافوا ربي و يتمناو رجل مدين لي يغض البصر الرجال يقولو ما لقيناش لبنات يشتكوا هوما تاني ما صابوش اولاد فاملليا انا في بالي ما كاش لي ايوري هادوك لبنات او الرجال همزة الوصل لي ناقصة و لكن غير منعدمة ان شاء الله تصيب بنت لحلال ولكن عليك بتكثيف الجهود .