رجاء من محترفات البقلاوة

[ام ورود]

المشاركة الأصلية كتبت بواسطة غزالة الصّحراء

شكرا على هذه الطّريقة. بصّح صراحة أنا جرّبت البقلاوة بإصافة المايزينة لكن النتيجة لم تكن مرضّية كيما كنت نستنا . لأنّ مثلّ هذه الطّريقة لما اتعسلي البقلاوة وفيها المايزينة ماش رايح تتقرمش. رايح اتولي طريّة.
ملاحظة لكلّ الأخوات: البقلاوة باش اتجيك امليحة لازم أتطيبيهاأمليح من الفوق ومن التحت. لأنّي لاحظت بعض الأخوات ايقولوا لما ايطيبوها من الفوق تأخذ فقط 10د. لا. لازم انقصوا النار وانخلوها اتطيب على راحتها حتى من الفوق. وإذا شفتيها طابت في الوسط والحواشي مازال ناقصين اطياب ضعي ورقة في الوسط باش ماتتحرقش. لأنّ الفور يختلف من أخت لأخرى.باش لمّا انعسلوها بعسيلة المرجان اتجي العجينة لمّاعة بدون أيّ إضافات. أتمنّى ان أكون أفدت وليس أفسدت.

لا عندك الحق لقد افدت .تعرفي اختي انا بالرغم عندي ماشينة نتاع 18 وتحل حتى رقم 9 لكن نحلها بالحلال متدليش الوقت ندير المايزينة مليح ونحل كل 3 مع بعض ومرات 4 اما الحشو انا ندير 2 كيلات لوز وكيلة جوز تجي روعة في الدوق افضل من اللوز وحده .ولله نصائحك من دهب صح لما نحب نحمر حاجة من الفوق تجينى حمرا بزاف الوسط والحواشى اقل فكرة مليحة نحط ورق الطبخ في الوسط .سوال برك لما تطيبيها تحطيها في الرف الوسط نتاع الكوشة والا الفوق.ولما تحمريها من فوق هل تهبطيها التحت.انا الكوشة نتاعي ماتقدريش تنقصي النار من الفوق وادا نقصت تنطفي.ائشاء الله منكونش ثقلت عليك

[ام ورود]

اختىziha24 هل طاجين الزجاج لراكي تهدرى عليه مثل لي نطيبو فيه الغراتان .وكيف هو شكله وشكرا على مرورك

[غزالة الصّحراء]

المشاركة الأصلية كتبت بواسطة ام ورود

لا عندك الحق لقد افدت .تعرفي اختي انا بالرغم عندي ماشينة نتاع 18 وتحل حتى رقم 9 لكن نحلها بالحلال متدليش الوقت ندير المايزينة مليح ونحل كل 3 مع بعض ومرات 4 اما الحشو انا ندير 2 كيلات لوز وكيلة جوز تجي روعة في الدوق افضل من اللوز وحده .ولله نصائحك من دهب صح لما نحب نحمر حاجة من الفوق تجينى حمرا بزاف الوسط والحواشى اقل فكرة مليحة نحط ورق الطبخ في الوسط .سوال برك لما تطيبيها تحطيها في الرف الوسط نتاع الكوشة والا الفوق.ولما تحمريها من فوق هل تهبطيها التحت.انا الكوشة نتاعي ماتقدريش تنقصي النار من الفوق وادا نقصت تنطفي.ائشاء الله منكونش ثقلت عليك

أهلا وسهلا بك يا أم ورود. .
انا قلت لك نصنع قرصات . ثمّ أمرّرعليها الرولو. ثمّ نصنع عجينة طويلة ونقسمها إلى أقسام . ثمّ كلّ قسم أنحلو وحدو. مالازمش اتحلي 3 مع بعض. كلّ وحدة وحدها . أنا الآلة أنتاعي عندها الأرقام إلى7. في بعض الحالات نضطّر أنزيد أنرجع العجيلة ألي حليتها مرة أخرى للآلة . وبعض المرات لالا. حسب الوقت. يعني إذا كنت مزروبة . وعندي كميّة أكبيرة نعملها. مرة وحدة تكفي.
أما الحشو عيني ميزاني كيما ايقولوا. بصح عندي صينيّة اتخرج لي 90 حبة بقلاوة. يعني اندير فيها 1كغ كاوكا ونضيف اشويّة زيادة قيس قبضة اليّد. واشويّة سكّر ما نكثّرش. ونزيد للحشو في بعض الحالات ملعقة سمن. وفي بعض الحالات ننساه.
أما بالنسبة للورق ماشي ورق الطّبخ . لالا ديري الورق الأبيض ألي نستعملوه في الآلة الطابعة أنتاع الحاسوب. ممكن تستعمليي ورقتين مع بعض. على حساب الصّينيّة وعلى حساب الفور أنتاعك. في بعض الحالات الوسط ايطيب بلخف . في هاذي الحالة استعملي ورقتين مع بعض ومرات على مرات راقبي النّضج. أما وين أنحط الصّينيّة أنا دائما أنحطها في الرّف الوسط. فقط النّار اتكون اخفيفة. حاولي أتنقصي للنّار بصّح لمّا أتحاولي اتنقصي دوري الزّر غير بشويا رايح تتنقص أكيد. وإذا مانقصتش في هاذي الحالة هبطي الصّينيّة أنتاعك بصّح لازم أتنقصي للنّار. باش أتطيب البقلاوة أمليح وهذا ألي يعطيها المذاق أروع . وهذا ألي لازم الأخوات يفهموه. ( البقلاوة لازم أتطيب لازم أتطيب لازم أتطيب ) من الفوق ومن التحت. وإذا احتجتي أيّ شيء غير ماتتقلقيش اسألي على راحتك، ماتقلتيش عليّ . العكس فرحتيني .

[غزالة الصّحراء]

المشاركة الأصلية كتبت بواسطة ام ورود

اختىziha24 هل طاجين الزجاج لراكي تهدرى عليه مثل لي نطيبو فيه الغراتان .وكيف هو شكله وشكرا على مرورك

أكيد هذاك ألي تقصدو هي . آسفة راني جاوبت في مكانها فالتسمح لي . لكن لما الوحدة اتحبّ تصنع كميّة كبيرة مانظنش كاين المول اكبيرة كيما الصّينيّة. ألأحسن نستعمل الصينيّة . ولما أنشوف الحواشي ابتعدت عن الصّينيّة ولونها اتغيّر . نشعل الفور من الفوق.
ثمّ طاجين الزّجاج إذا كانت هناك الضّرورة والكميّة قليلة. المهمّ كلّ وحدة وطريقتها وكلّ وحدة انتفعنا من طريقتها.

[ام ورود]

المشاركة الأصلية كتبت بواسطة غزالة الصّحراء

أهلا وسهلا بك يا أم ورود. .
انا قلت لك نصنع قرصات . ثمّ أمرّرعليها الرولو. ثمّ نصنع عجينة طويلة ونقسمها إلى أقسام . ثمّ كلّ قسم أنحلو وحدو. مالازمش اتحلي 3 مع بعض. كلّ وحدة وحدها . أنا الآلة أنتاعي عندها الأرقام إلى7. في بعض الحالات نضطّر أنزيد أنرجع العجيلة ألي حليتها مرة أخرى للآلة . وبعض المرات لالا. حسب الوقت. يعني إذا كنت مزروبة . وعندي كميّة أكبيرة نعملها. مرة وحدة تكفي.
أما الحشو عيني ميزاني كيما ايقولوا. بصح عندي صينيّة اتخرج لي 90 حبة بقلاوة. يعني اندير فيها 1كغ كاوكا ونضيف اشويّة زيادة قيس قبضة اليّد. واشويّة سكّر ما نكثّرش. ونزيد للحشو في بعض الحالات ملعقة سمن. وفي بعض الحالات ننساه.
أما بالنسبة للورق ماشي ورق الطّبخ . لالا ديري الورق الأبيض ألي نستعملوه في الآلة الطابعة أنتاع الحاسوب. ممكن تستعمليي ورقتين مع بعض. على حساب الصّينيّة وعلى حساب الفور أنتاعك. في بعض الحالات الوسط ايطيب بلخف . في هاذي الحالة استعملي ورقتين مع بعض ومرات على مرات راقبي النّضج. أما وين أنحط الصّينيّة أنا دائما أنحطها في الرّف الوسط. فقط النّار اتكون اخفيفة. حاولي أتنقصي للنّار بصّح لمّا أتحاولي اتنقصي دوري الزّر غير بشويا رايح تتنقص أكيد. وإذا مانقصتش في هاذي الحالة هبطي الصّينيّة أنتاعك بصّح لازم أتنقصي للنّار. باش أتطيب البقلاوة أمليح وهذا ألي يعطيها المذاق أروع . وهذا ألي لازم الأخوات يفهموه. ( البقلاوة لازم أتطيب لازم أتطيب لازم أتطيب ) من الفوق ومن التحت. وإذا احتجتي أيّ شيء غير ماتتقلقيش اسألي على راحتك، ماتقلتيش عليّ . العكس فرحتيني .

سلام اختى.لا مافهمتنيش انا منستعملش الالة في حلان العجينة لان الصينية نتاعي صغيرة تخرج حوالي 50 حبة انا نحلهم دوائر قد بعضاهم ثم نحطلهم النشابيناتهم ونحطهم فوق بعضاهم ونحلهم مليح على حسب الصينية ثم نفكهم من بعضاهم (مش رايحين يلصقوا في بعضاهم لان بيناتهم النشا)ونحطهم بالوحدة وندهن بالسمن كل طبقة..
الالة نستعملهافي حلويات اخرى وبالنسبة للورق راني رايحة ندير بنصيحتك .راني انشاء الله نعاود نديرها هاد المرة ونطبق كل نصائحك
وانشاء الله ننجح.وراني نخبرك بنتيجة بادن الله
شكرا علي كل شىء و جزاك الله خيرا

[غزالة الصّحراء]

المشاركة الأصلية كتبت بواسطة ام ورود

سلام اختى.لا مافهمتنيش انا منستعملش الالة في حلان العجينة لان الصينية نتاعي صغيرة تخرج حوالي 50 حبة انا نحلهم دوائر قد بعضاهم ثم نحطلهم النشابيناتهم ونحطهم فوق بعضاهم ونحلهم مليح على حسب الصينية ثم نفكهم من بعضاهم (مش رايحين يلصقوا في بعضاهم لان بيناتهم النشا)ونحطهم بالوحدة وندهن بالسمن كل طبقة..
الالة نستعملهافي حلويات اخرى وبالنسبة للورق راني رايحة ندير بنصيحتك .راني انشاء الله نعاود نديرها هاد المرة ونطبق كل نصائحك
وانشاء الله ننجح.وراني نخبرك بنتيجة بادن الله
شكرا علي كل شىء و جزاك الله خيرا

وعليكم السلام أختي أم الورود. أنا ثاني عندي صينيّة ترفد 50 حبّة بصّح بنفس الطريقة نعمل البقلاوة. أوّلا أنرش العجينة بالمايزينة ونحلها بالحلال ونزيد عليها المايزينة ثمّ إلى الآلة على الرقم 7 . أضع السمن على الصّينيّة ثم طبقةعجينة البقلاوة ثمّ السّمن ثمّ الطبقة الثانية حتى انتهي من 7 طبقات ثم السمن ثمّ الحشو.

نا نحلهم دوائر قد بعضاهم ثم نحطلهم النشابيناتهم ونحطهم فوق بعضاهم ونحلهم مليح على حسب الصينية ثم نفكهم من بعضاهم (مش رايحين يلصقوا في بعضاهم لان بيناتهم النشا)ونحطهم بالوحدة وندهن بالسمن كل طبقة..
أنا القرصة الأولى أنحلها على شكل مربع بعد التعديل ثمّ أمرّر عليها الحلال ونقسمها إلى 6 أجزاء . أنخليها بعيدة عن بعضها بصّح أنغطيها بكيس بلاستيكي. ثمّ أخذ واحدة من 6 يبقاوا 5. أنحلها بالحلال أولا ثّم إلى الآلة. هكذا الأمر أبسط بكثير من طريقتك. تربحي الوقت أكثر.
أما عن الورق حذار من استعمال ورق الطّبخ. هو في روحو مايحكمش. ممكن تشعل فيه النّار . فالأحسن الورق الأبيض المستعمل في الآلة الطابعة.
رايح نخدم الخويا لصغير البقلاوة. وإذا كان أوليدي لصغير بسلامتو في الدّار نطلب منو ايصور لي البقلاوة ونبعث لك الصور .
ملاحظة أقريت موضوعك على طلب تعليم الفتل راني ارسلت لك الجواب اطّلعي عليه. واسألي كما شئتي إذا كان عندك الأسئلة. اللّه ايوفقك.

[ام ورود]

المشاركة الأصلية كتبت بواسطة غزالة الصّحراء

وعليكم السلام أختي أم الورود. أنا ثاني عندي صينيّة ترفد 50 حبّة بصّح بنفس الطريقة نعمل البقلاوة. أوّلا أنرش العجينة بالمايزينة ونحلها بالحلال ونزيد عليها المايزينة ثمّ إلى الآلة على الرقم 7 . أضع السمن على الصّينيّة ثم طبقةعجينة البقلاوة ثمّ السّمن ثمّ الطبقة الثانية حتى انتهي من 7 طبقات ثم السمن ثمّ الحشو.

نا نحلهم دوائر قد بعضاهم ثم نحطلهم النشابيناتهم ونحطهم فوق بعضاهم ونحلهم مليح على حسب الصينية ثم نفكهم من بعضاهم (مش رايحين يلصقوا في بعضاهم لان بيناتهم النشا)ونحطهم بالوحدة وندهن بالسمن كل طبقة..
أنا القرصة الأولى أنحلها على شكل مربع بعد التعديل ثمّ أمرّر عليها الحلال ونقسمها إلى 6 أجزاء . أنخليها بعيدة عن بعضها بصّح أنغطيها بكيس بلاستيكي. ثمّ أخذ واحدة من 6 يبقاوا 5. أنحلها بالحلال أولا ثّم إلى الآلة. هكذا الأمر أبسط بكثير من طريقتك. تربحي الوقت أكثر.
أما عن الورق حذار من استعمال ورق الطّبخ. هو في روحو مايحكمش. ممكن تشعل فيه النّار . فالأحسن الورق الأبيض المستعمل في الآلة الطابعة.
رايح نخدم الخويا لصغير البقلاوة. وإذا كان أوليدي لصغير بسلامتو في الدّار نطلب منو ايصور لي البقلاوة ونبعث لك الصور .
ملاحظة أقريت موضوعك على طلب تعليم الفتل راني ارسلت لك الجواب اطّلعي عليه. واسألي كما شئتي إذا كان عندك الأسئلة. اللّه ايوفقك.

الله يجازيك يا اختي ويعطيك واش تتمناي ويحفضلك ولادك من كل سوء انشاء الله.راني نعاود نخدم البقلاوة في لقرب وقت ونطبق نصائحك ونبعتلك بالنتيجة وشكرا

[ام ورود]

شكر خالص لكل الاخوات لشرفوني بنصائحهم وخاصة الاخت غزالة الصحراء على النصائح القيمة

[غزالة الصّحراء]

المشاركة الأصلية كتبت بواسطة ام ورود

الله يجازيك يا اختي ويعطيك واش تتمناي ويحفضلك ولادك من كل سوء انشاء الله.راني نعاود نخدم البقلاوة في لقرب وقت ونطبق نصائحك ونبعتلك بالنتيجة وشكرا

شكرا جزيل الشّكر على دعوات الخير هاذه . واللّه غير دمعت عيوني منها . ولك مثيلتها ولكلّ عضوات المنتدى. وأنا بدوري أنتظر بفارغ الصّبر النتّيجة التّي وصلتي إليها. لكّ منّى كلّ التّوفيق والاحترام.

[غزالة الصّحراء]

المشاركة الأصلية كتبت بواسطة ام ورود

شكر خالص لكل الاخوات لشرفوني بنصائحهم وخاصة الاخت غزالة الصحراء على النصائح القيمة

مافعلت ومافعلته كلّ عضوة ماهو إلاّ الواجب. ومن بعضنا البعض نستفيد. وما أروع كلّ هذا !!!!!!!!