لا حفل زفاف بعد اليوم ـــ موضوع القرن ـــ

[ana.dz]

المشاركة الأصلية كتبت بواسطة thorpe

ههه ما تقلقش راك معروض مسبقا كون قدها وارواح برك بلا ما تعوج عينك هههههه




شكرا جزيلا على المساندة المعنوية
المشكل ليس بهذ البساطة يا خويا
صح الراجل راه مطلوب في وقتنا قريب يعلقو ارواق كيما كان في وقت (( ليكوبوي ويكتبو عليه men wanted ))
بالخط العريض طبعا هه
لكن هيهات بين المنتدى وما يكتب عليه وتزوقه النساء وبين الواقع المرير
هنا في الكنتدى نجدهن واقعيات كثيرا متدينات كثيرا محافظات كثيرا طائعات مسبحات حامدات شاكرات وحتى من البروفايلات تحسب انهن جميلات ههه
لكن كي نخرج برا ونلقا الفيزو رايح جاي
وكي نطلع فالحافلة ونلقاهم قاعدات وحاشرات فالرجال و لعجايز واقفات
وكي نقرا في انرنت بلي احصائيات رسمية تجعل الجزائر في المرتبة 14 عالميا في تصفح المواقع الاباحية
نعرف بلي يعرفو كلش
وفاهمين كلش
وعايشين كلش
ولمهم ماشي موضوعنا
انما العمل شرط من حقو اي اب واي اخ واي ولي امر يشترطو على خاطب بنتو او اختو
راهي امانة راح يعطيهالك في حقو يكون مطمن عليها
ما تقرش تقولو حكاية اذا جاءكم من ترضون دينه وخلقه فزوجوه
هذا الحديث ما يصلحش في وقتنا
انا عن نفسي ما نرضاش نعيش عيشة مرمدة
هاكا راني نتمرمد وحدي ساعا يجيب ربي السوق نتبحبحب وساعات يحبس السوق نتقشف
خير ما نجيب غدوا مخلوقة تمرض نبقا نشوف معاها تسخف على حاجة نولي نحك في راسي
هاذي ما نديرهاش يا خويا وكل واحد وتفكيرو
حمد لله تربيت شبعان حاب نربي ولادي شبعانين
والديا وخصوصا الاب كي كان عايش عمري ولا خصتني حاجة
مانيش باغي ولدي غدوا يخصو
ما قلتش الثراء الفاحش مي عى الاقل تسخف على اللحم تقدر تدير عشا متول الليلة

ماعرف اذا فهمتني هههه المهم اي على ربي نشالله

أه يا صديقي ..قلبك راهوا معمر فضفض يا اخي نحن هنا لا تقلق

نعم انا أفهمك ...بالطبع أنت رجل ومن حقك أن تبقى رجل وأن

لاتمرمد كرامتك ...من أجل طلبات يسيرة كما دكرت زوجة إشتهت

لحم وغيره نعم بالضبط وأنا أساندك في هده النقطة ..لمادا ؟

لكي تحافظ على القوامة ..لطالما كانت القوامة هي مقرونة بالانفاق

قال تعالى - الرجال قوامون على النساء بما فضل الله بعضهم على

بعض وبما أنفقوا من أموالهم -

طبعا هنا النص صريح وواضح بكل تأكيد سوف تهان إن لم تحقق

القوامة واشتهت الزوجة بطيخة متلا ..إحساس مرير طبعا لهدا

كما تفضلت يجب العمل لأجل الحفاظ على الرجل كليا ..لكن كما قلت

لك هدا ضابط يضبط الرجل وهناك بالمقابل ضابط يضبط المرأة

أولها ليس من القوامة أن تسرف ..على الطبال والغياط والكورطاج

نعم معا لحدف العادات المهدمة ... قرأت بعض الكتب عن النجاح

تلك التي تتحدت عن التنمية البشرية والفكرية وغيره أنت تعلم

قالك إيه - لتحقيق الاكتفاء الداتي بالنسبة للاشخاص أو الدول -

لابد أن يكون الانفاق على قدر المدخول - وهي بسيطة يعني

1+1 تساوي 2 منطق ينطق ..انت عرس يكلف 40 مليون في حالة

أقمته بالبيت العائلي ..أنت مدخولك -يادوب - 12000دج شهريا

ومن - لانام - السلاك بالزهر كيف تستوي ..من هنا قالوا ناس بكري

علابالي تعرفها هادي انت قسمطيني ولاد الشرق لحرار قالك إيه

ناس بكري - قالوا الزلط مايظلمش - بمعنى لفقر مايظلمش أعتقد

أن الانسان هو من يظلم نفسه ...وبخصوص مسألة - النقل والعقل -

لايختلف أبدا النقل مع العقل لهدا اي مخالفات شرعية سوف تكون

نتيجة حتمية من قبيل ديون -متلتلة - وراء العرس مباشرة لن تستمتع

حتى بشهر العسل ....وترفع الراية البيضاء بعد كل تلك - الهيصة -

وتقول - دنا غلبان -