تقييمكم لي يشرفني

رحيق الايمان · 2014-09-09, 12:15

اولا انا مانيش خياطة و ما تعلمتش لخياطة حتى في بلاصة
فقط دمار الخياطات خلاني نقرر اني نولي نخيط لروحي والمكان الوحيد الي تعلمت فيه هو هنا خاصة من الاخت سطايفية و كرونو فادوني ياسر
هادو 2خيطتهم وحدي نتمنى تقيموني

برك حابة نشكر ام اسراء مريم الي شجعتني و نقوللها توحشتك

الحركاتية · 2014-09-09, 12:19

يعطيك الصحة راكي جبتيهم

واشكري الخياطات الي دمروك وخلاوك تبدعي

ملبوس الهنا أختي

fadilasor · 2014-09-09, 12:29

والله يااختي لو كل الخياطات لي يدمرو يخلو الواحدة تتعلم كيفك نقولوهم دمروا قاع النسا ههههههههه راكي جايبتها خرجولك يهبلو

sarra5 · 2014-09-09, 14:46

الله يبارك يعطيك الصحة والله روووعة

رحيق الايمان · 2014-09-09, 16:09

شكرا ليكم وصح تمسخير الخياطات الي كنت نتعامل معاهم خلاني نتعلملخياطة ونحبها وبالمناسبة هادو القنادر قعدو عند الخياطة عام كامل و مخيطتهمليش جبتهم و خيطهم وحدي صح كاين اخطاء و لفقت بالصح ما يبانوش و راني ضرك ندير في وحدة للعيد كي نكملها نوريهالكم

polyma · 2014-09-09, 18:08

الله يبارك يعطيك الصحة والله روووعة عجبتني الخضرة

polyma · 2014-09-09, 18:10

حطينا الباترون تع هادي

جيجلية · 2014-09-10, 11:40

ما شاء الله

يعطيك الصحة على المحاولة

مع الوقت تولي محترفة ونجيو نخيطو عندك

رحيق الايمان · 2014-09-10, 12:07

اقتباس:

المشاركة الأصلية كتبت بواسطة polyma

حطينا الباترون تع هادي

okheti ana hadi hatit gandoura mkhayta kifha w faselt

الخروبية · 2014-11-01, 23:21

السلام عليكم يعطيك الصحة يا الفحلا نا تانى كيما انتى وزيد حتى القندوروة لى نشريها من برا تسقام وربما تشرب وتفسد بصح تحديت وليت نخيط كيما نحب انا ياريت تكملى وكل مرة تخلينا نقطفو زهرة من عندك يجى نهار تولى الخياطة الى حكمت لقنادر عام تطلب منك ليمودال بالتوفيق تحية من الخروبية للجميع سلام ياكرام