الجزء 94 من واش طيبتي اليوم - الصفحة 89

Oum yousra · 2014-10-25, 07:12

صباح الخير يا وجوه الخير كيف صبحتو ؟انا شربت قهوتي ونصبت غدايا أو بالحق نصبت لاصوص و رحيت الدجاج و راني نخمم يا ندير اضرفة الدجاج يا نكعبرهم هاكاك و نلوحهم و الله عييت بغيت حاجة ساهلة و الاضرفة شويا تشد اليد

ام سهام 02 · 2014-10-25, 07:14

احلى صباح لام يسرا دايما انجي انكومتي على اطباقك المنتدى يكون ثقيل بصح لندير لك شكر ما شاء الله عليك انت فعلا فنانة كطيا بك كحلويات رووووووووعة وطريقة تقديم حطة وراقية تسلم ايدك يا الشاطرة

Oum yousra · 2014-10-25, 07:15

صباحك اسعد ام سهام واش راكي حنونة واش رح ديري لغداك هههههههها قوليلي اصبحي خليني نحل عنيا امليح

Oum yousra · 2014-10-25, 07:16

شكرًا أختي ربي يحفظك هاذا من لطفك

ام سهام 02 · 2014-10-25, 07:25

لاا لا م يسرا من الفجر راني نايضة ودرت قهوة انا وزوجي وبالنسبة للفور راني معولة باذن الله على بيتزا وقليان و بلاك طعام في الليل العشاء تع محرم

crono · 2014-10-25, 07:27

دائمة الحمد الفف مبرووووووك الكوزينة
والف مبرووووك العرس ربي يهنيها
كلششششش هاااايل عرس وعليه الكلام
لي عودة مع الباروك

selmatitta · 2014-10-25, 07:28

صباح الخير عليكم كامل

x ام رحاب x · 2014-10-25, 07:47

صباح الخير عليكم واش راكم ام سهام ام يسرى وكورنو وسالمة تيتة وكل عام وانتم بالف خير سنة هجرية مبروكة يارب

ام سهام 02 · 2014-10-25, 07:47

السيقار لحبيبتي الشاوية الحرة

المقادير بفرشيطة خبطي 2بيضات مع 4مك سكر عادي وقشور الليمون +2مك زيت وزيدي خلطي +2مك حليب ولمي بالفرينة مع 1/2 خميرة حلوة ورشة ملح حتى تتحصلي على عجينة تتلصق كما الكروكي خليها ترتاح 20دقيقة ابنعد سخني الزيت على درجة متوسطة ومسحي يدك بالزيت لان العجينة تتلصق وشكلي صبيعات رقاق وطوال وديرهم يتقلاو حتى يحمارو شوي قطريهم في ورق مصاص وذري فوقهم السكر الناعم ولاعسلهم ورمديهم في النواكوكو

Oum yousra · 2014-10-25, 07:47

غدايا من قلب الحدث. .

ام سهام 02 · 2014-10-25, 07:49

صباحك مسك اختي ام رحاب وكل عام وانت بخير

Oum yousra · 2014-10-25, 07:49

صباح الخير سلمى واش راكي حنونة؟

Oum yousra · 2014-10-25, 07:51

ام سهام يعطيك الصحة على الوصفة نموت عليه ام رحاب صباح الخير حنونة واش راح ديري لغداك

دائمة الحمد · 2014-10-25, 07:53

صباح الخيرات لكل الغوالي العزيزات
كل عام وانتن بخير
ماتلومنيش على تقصيري في حقكم الله غالب الكبار هذم مساكن راهم كي الصغار حاجة صغيرة تغضبهم وحاجة ضغيرة تفرحهم
عجوزتي مسكينة لبارح على التسعة ونص طفت عليا الضو انا نرقد معها كي تجيني قاتلي ارقدي راكي تعبانة خذيت رايها ورقدت شبعت بالنوم هههههههههه اول مرة نرقد هذاك الوقت
البارح عملتلها العشاء مسفوف بطلب من سي السيد جاب التمر والحليب وقالي ديريهولها تحب ماكلتي وتظل توكل وتشكر وسي السيد يعجبو الحال
جبتلكم باش تفطرو

دائمة الحمد · 2014-10-25, 07:55

كرونو مرحبا بيك معانا في الكوزينة والله يهنيك