الجزء93 من واش طيبتي اليوم...معا لنسلك طريق السعادة - الصفحة 78

lyzzabel · 2014-10-18, 09:37

صباح الخيييير حبيباتي انشالله صبحتو في احسن الأحوال
انا البارح فوت نوي بلووووونش منصف من جهة و انا قفل عليا صدري من جهة راني في حالة يعلم بيها ربي سبحانه ،، و اليوم عندي عرس تاع بنت خالتي زعما يامس خرجت شريت الكادو ،، بصح لاكان قعدت هاكا محال نروح الله غالب و انا كنت طائرة بالفرحة باش نعرس

المهم فطورنا لحم محمر و نشوف واش نزيد معاه هدا لا قدرت راني الكتبة و مشي قادرة نكتب ،، دعواتكم بالشفا غوالي

ربي يسلك حبيبتنا بيبا على خير و يقومها بالسلامة يااااا ربي امين

رياحين شكرا حبيبتي على الحلويات بصحتكم و استناي حتى تجي المحنطة تقوللنا شحال تدير خميرة ،، انا نقول على حساب رطل فرينة تدير ملعقة أكل كبيرة

داءمة الحمد اسمحيلي ما نقدرش نعاونك ،، ربي معاك حبيبتي

بصحتكم حبيباتي كلكم واش طيبتو و واش غادي تطيبو و مأكول الهنا يارب

اللهم اني أسالك العفو و العافية في الدنيا و الآخرة

أم محمد تاج · 2014-10-18, 09:41

صباحووو ياغاليات ونهاركم مبروووك وزين يارب
هههههههههه عسلايتي والله نسيتها وراني صححت وصفة البينيي حقة الله يشفيك ويعافيك يارب
ام ماجد ودائمة الحمد حبيباتي ماشفتووووش البينيي تاعي ولو??????????
بصحتكم ام رياحين لي قاطو نموت وواحد يبعثلي صحن ضيافة يااااااااي
غدايا بوزلووووف مادامو زوجي ح مسافر نيهاهاهاهااااا مايحبوووش

om wassim · 2014-10-18, 09:44

صباح الخير ليزا ام تاج بصحتكم انا مازال ما قررتش واش ندير للغدا سي السيد خدام

biba04 · 2014-10-18, 09:53

صباح النور بالموجودات ام ياسين ام يسرى نهال ام ماجد ليزا ام محمد ام وسيم
ام ماجد انا تاني راح ندير محقن بصح ماشي نتاع الجدة ههههه الوصفة نتاعي يموتو عليه وين يخلص نزيد
ليزا حبوبة ربي يشفيك
غدايا اليوم مقرونة بيشاميل

oum ibrahim · 2014-10-18, 09:54

اقتباس:

المشاركة الأصلية كتبت بواسطة ام احمدي

السلام عليكم
ما شااااااااااااء الله عليكم كامل
اختي ام ابراهيم ممكن وصفة هدا اممممممممممم

إضغط هنا لرؤية الصورة بحجمها الطبيعي.

تفضلي اختي هذه هي الوصفة
تديري طراف لحم يكونو من الفخد او الكتف يعني هبرة ماعليش فيهم العظم تغسليهم و تديري ثقوب بالموس و تدخلي سنة ثوم في كل ثقب
من جهة اخرى حطي الكوكوت تسخن مليح و ديري فيها كمية مليحة مرغرين تذوب و حطي اللحم نتاعط يتقلى على نار متوسطة و حركي ساعة على ساعة باه ما يتحرقش حتى ياخذ لون محمر و باهي هذاك الوقت تبلي بالملح و فلفل اسود و وريقات رند و مرقي بالماء ماتكثريش قيس ما يطيب اللحم اقفلي الكوكوط و خليه يطيب على نار هادية مدة ساعة او اكثر حسب اللحم نتاعك
من جهة اخرى تكوني نقيتي البطاطا من الافضل تكون هاذيك الصغيرة اذا ماعندكش عادي ديري الكبيرة و قطعيها خشينة و اقليها حتى تتحمر شوية
كي يطيب اللحم و تبقى فيه شوية لاصوص ارمي فيه هاذيك البطاطا الي قليتيها و خليها مدة ربع ساعة تتجمر شوية و تاخذ بنة لاصوص و اطفي
قدميه مع القارص و الف صحة و هناء

حياتي نبع امل · 2014-10-18, 09:56

السلام عليكم
اسعد الله يومكم
ام تاجو يعطيك الصحة لي بينيي خرجولك هبااااااال روعة
رياحين شكرااااااااااااا على الحلويات
ام ساجد فرحتينى وشكرا واف شكر على الثقة والحمد لله انو عجبكم واكيد من يدك يعجب الدليل عجب حنتى اللي ماتحبوش وطلعتى خير من ماماها الله يبارك هههه

أم ماجد · 2014-10-18, 09:57

ام تاجو يخي شكرتك ههههههههههه ولا نسيت
والله كل طيابك تحفة بلا مانهدر
بيبا هات الوصفة هنا بلاك نديرها وتجي خير من تاع الجدة ههههههههههه مكرة في ماجد

حياتي نبع امل · 2014-10-18, 10:00

ليزا وام ياسو ربي يشفيكم

حابة ندير قاطو الكابريس تاع باتيلا وخايفة ينفتح شفت اللي جربوه قالو انفتحلهم شكون جرباتو ؟ولابواش تنصحونى ؟

باسم وبيسان · 2014-10-18, 10:05

اقتباس:

المشاركة الأصلية كتبت بواسطة zahra30

شوفي ااختي ام بيسان ما تكثريش البطاطا يعني كل حاجة ديري شوية واستعملي زيت الزيتون ولا الدهان بالنسبة للبسباس انا انديرهالهم تيزانة تنحي لي غاز وتسافهم على الرقاد اذا بغيتي نمدلك الطريقة

: dj_17:

صباح الخيراختى زهرة وشكرعلى الاهتمام مادبيك تبعتيلى الوصفة من فضلك

أم محمد تاج · 2014-10-18, 10:05

الله يخليك حنونتي حياتي وام ماجد ولبنات كامل
حياتي قاطو الكابريس حتى لو يتفتح راح يتغطى بالكاوكاو او القوفريط مايبانش
كي يخلصلي الكروكي ندير المحقن شريت القمع الخاص برحاية الغرس والله نكره المحقن من التشكيل تاعووووووو وانا اعتمدت طريقة ام اماني في ذوق رووووووعة

biba04 · 2014-10-18, 10:07

اقتباس:

المشاركة الأصلية كتبت بواسطة أم ماجد

ام تاجو يخي شكرتك ههههههههههه ولا نسيت
والله كل طيابك تحفة بلا مانهدر
بيبا هات الوصفة هنا بلاك نديرها وتجي خير من تاع الجدة ههههههههههه مكرة في ماجد

ههههههههههههههههه وحدك تفضلي راهو خفيف وهايل نتمنى تجربيه
https://www.djelfa.info/vb/showthread.php?t=1514903

أم محمد تاج · 2014-10-18, 10:10

وااااع نسيت الحبيبة عاشقة الجنة في وصفة ليزافاااار وبالمناسبة عندي طريقتين وحدة حطيتها العام الماضي في وصفات لحراير

ليزافار والمخ مشرملين ( شفتو ندلل فيهم خخخخخخخخخخخ)
نقي المخ مليح وليزافار قشريهم وقصيهم رونديلات والمخ قصيه طراف وحطيهم في مقلة فيها شوي زبدة وشوي زيت وملحي وشوي فلفل اسود وثوم اربع سنات حطيهم على النار كي يبدا يغلي نقصي وساعة ساعة قلبي ضرك يطلقو الماء تاعهم وخليهم يطيبو في غرضهم حتان يخثارو نحيهم واعصري عليهم عصرة قارص وزيني بالدبشة ولا المعدنوووس وشهية طيبة

أم محمد تاج · 2014-10-18, 10:14

حبيبات ام رياض ام سهام عطووورة ووووووو مابانووش نشالله خييير يارب

omomnia15 · 2014-10-18, 10:15

صباح النور عليكم كامل
ليزا لباس عليك حنونة وعلى منصف ربي يشايكم
قاطو الكابريس تع باتيلا روعة وميتفتحش انا جربتو
ام تاج بصحتك البوزلوف نجي نفطر نموت عليه
ام يسرى بصحتك الحوت
نهال بصحتك العرس في انتظار الصور
فطوري حاجة مكربعة من الجليد نظن رقبة نديرها في الفور وسلاطة ولعشية رهو وعدني راجلي نخرجو ندير الشوا في بلادهم منعرف اذا يدور علي ولا يوفي بوعدو راني نجيبلكم الصور ولا يستشفاو في الابلات
نروح للاشغال المؤبدة ومن بعد نرجع سلام

باسم وبيسان · 2014-10-18, 10:20

اقتباس:

المشاركة الأصلية كتبت بواسطة biba04

صباح الخير وجمعة مباركة عليكم

ام بيسان حبوبة عندي وصفات هزيتهم من عند اخصائية تغدية جربيهم وشوفي والوصفات للاطفال بعمر6اشهر
وجبة1
2م ك ارز+تفاحة مقطعة قطع صغيرة +نصف كاس ماء طيبي الكل على نار وغطيهم باه يحافظو على القيمة الغدائية
بعد مايطيبو خليهم يبردو ورحيهم مع نصف موزة وشوية حليب
وجبة 2
قطعة صدر دجاج مقطعة صغيرة +نصف بطاطا مقطعة صغيرة+جزر طيبي الكل في كاس ماء وغطيه بعد مايطيو ارحيه مليح وزيديلو شوية حليب اطفال
وجبة3
خوخ مرحي مع علبة ياؤورت
بعض النصائح لي مدتهم من الافضل تبداي بالخضار وكل اربعة ايام تمديلها نوع واحد
العسل ممنوع على الاطفال
الملح ايضا ممنوع العام الاول
وادا تفكرت حاجة نزيدلك

اعطيك الصحة حبيبتى بيبا ربى يخليك
الوجبى1الار مرحى
الوجبة 3خوخ مرحى مع الياؤورت اى ما تكلوش قسدك البتيسويس