راني حاصلة عاونوني الامهات

[fayza81]

انا ام لطفلة عندها 20شهر ما عرفتش واش نطيبلها في الغداء و العشاء لانو زوجي يحب يتعشى ساندويشات و الغداء اغلبيتو قراتن وكي نمدلها تذوق ماتحبوش
راهي تاكل في الفورماج حبة و الياغورت واحدة و البنان وحدة في النهار بالاضافة مازالت ترضع بصح ماجنيش غذاء متوازن
من فضلكم اعطوني برنامج غذائي نديرولها و تاني واش راكم توكلو في ولادتكم الصغار
من فضلكم ساعدوني ولي عندها فكرة تجاوبني

[fayza81]

13 مشاهد ولا رد
من فضلكم عاونوني

[ام آدم]

اختي حاولي تدخلي البيض المسلوق كنوع من البروتينات او لحم دجاج طايب و مرحي او سمك وبالنسبة للنشويات طيبيلها فارميسال بالحليب او عصيدة او بطاطا بيري ونوعي الفواكه راهي 20 شهر الله يبارك تاكل كل شي حاولي تكتبي الاكلات لي تقدر تاكلهم وكل يوم ديريلها حاجة حتى الخبز اعطيها تمصو ولا شمخيه مع الحليب ووكليها المهم غذاءها يكون فيه كل العناصر بروتينات نشويات دسم وسكريات وفيتامينات ان شاء الله نكون قدرت نعاونك

[باسم وبيسان]

20 شهر الله يبارك تاكل قداه انحاجة ديريلها لقيم بالخدرة ومعها طرف جاج ومكسيهم الخدر فى فوائدة لازم ديريلها حاجة سخونة وبيوناى تنشفوديرلهاالمصران دخليلهالعضام مسلوقينوسعات طايبين درلها بيرى عصيدةتاع السميد روز بالجاج فرميسالبالحليب حليب مليحوزيدىخفيفة وسخونة.........................الفواكه الحوت

[أم امتنان]

اختي انا بنتي عندها 11 شهر نديرلها الخضار مرحية غير بالشوكة مع حبة فرماج
وساعات فرميسال ساعات عصيدة الدقيق مع شوي طماكم حب
الروز طايب مليح يولي كيف لابيري مع الفرماج
الموز راه ثقيل لازم نص حبة برك
ديريلها ساعات شوي بيض مغلي مع الماكلة
الياؤورت الطبيعي واحد في النهار الخبز مع لحيب لعشية
صدر الدجاج ارحيه حتى ادا طايب مع مرقتكم عادي راه 20شهر كبيرة
متعطيهاش برك الحاجة لي فيها الفلفل ولباقي دوقيها خلي توالف تاكل معاكم

[life is life]

انا لست ام و لا متزوجة

مي نقابل ولد خويا صغير

ديريلها خضرة مرحية و كي تكون طايبة زيديلها قطرات من زيت زيتون

هوا مزال ما يوصل ل 20 شهر مي عندي فكرة مليحة على تربية دراري

تقدري توكليها دجاج و لا حوت مي يكون مسلوق و لا مفور ما تعطيهاش من ماكلتكم هاديك يعني اذا فيها يدام و لا ما تليقلهمش و ما يليقلهمش لحم ،، مسموح لحوم بيضاء برك

و مادابيك ما تكثريلهاش من الفرماج و الارز خاطرش تتكونستيبا تاكل شويييية برك نراعيو انو عاد صغار ، و تجنبي سيريلاك و عصيدة سميد ديك تبقى تاكلها كي تكمل عامين

هي صح ياكلوها دراري مي كاين دراري ملي يزيدو فيهم مصران ما يساعدوهمش نشويات

و بخصوص ياوورت ما توكليهاش ياوورت تاعنا حتى تكمل عامين دوكة وكليها كومبوت و تيسويس مليحلها

و فاكية و عصير فواكه مي تجنبي انك تشري و ما تيقيش في دوك العصائر لي يقولك بدون مواد حافظة خاطرش يكذبو بزاف

و تقدري تعطيها دوك صبيعات تاع قاطو لي يديرو بيه تيراميسو يبغوه دراري صغار

هذا كل ما نعرف كوني عاد عزبة وصح نربي ولد خويا مي ما عنديش خبرة كبيرة كيما الامهات
لو كان ولد خويا اكبر من ابنتك لإستطعت افادتك اكثر

المهم ربي يخليهالكم و تربى في عزكم ان شاء الله

مي كيما وصيتك اختي حاولي ديما تدخلي قطرة زيت زيتون في الخضر لي ديريهالها "" بعد النضج "" مفيد بزاف و يعطيها طعم
و اياك تعطيها اكل فيه توابل او فيه دسم ياسر ، ان شاء الله يفيدوك الاخوات في المنتدى

سلام

[wassila21]

السلام عليكم أختي
بنتي كبيرة على بنتك بشهر برك و الحمد لله تاكل معانا من قدرة وحدة، أغلبية الدراري يحبو المعجنات، ديريلها الطعام بالحليب ولا الفارميسال بالفرماج ، لابيري مع فيونداشي ،شوية عدس و خلطي معاه الخضر (كورجات ، جزر، كرافس، بطاطا) و كي توكليها فتيلها فيه الخبز، الشربة مليحة، الفاكية وكليها كللللللللش البانان برك ما تكثريش منه راه أيبس الكرش

هي في الأصل الطفل غير يقفل عام ياكل مع الكبار باش يوالف
خليها تاكل وحدها، حطيلها الطبسي قدامها و خليها تلبز، أشريلها طبسي تاع الرسوم مع الكاس دياله بالاك يجذبها ، و كي تكوني تاكلي بينيلها بلي الماكلة بنينة يعني ديري اصوات كيما.: ممممممممممم بنيييييييييينة يميميميمي، الطفل لازمله الحيلة

ربي يقدرك على تربيتها

[ام ملاك.]

اختي بنتك راهي كبرت على لي سوب برك درك الله يبارك نورمالمون تاكل ماكلتنا يعني وكليلها واش تاكلو
واكثرية الطفال في عمرها يحبو الطعام والبركوكس العدس بصح ماتخليهاش وحدها يعني انت وكليلها ودخليلها الخضر قد ماتقدري ارحيهم ولا قطعيهم مكعبات صغار
انا حبست ماكلة البيبي لبنتي غير بدات تعجبها ماكلتنا يمكن على عام وشوية ولات تاكل معانا ماتاكلش كيما نحب بصح مانطيبلهاشوحدها يعني معانا
وكي قلتي تطيبي لي قراتان حاولي ديريلها بركوكس غير قيسها مرات بالمرقة وخضر ومرات بالحليب وساعات كسكس
الله يحفظهالك ان شالله

[fayza81]

شكرااااااااااااا للجميع على الرد والله لمديتولي افكار مليحة باذن الله رايحة نجربهم
ربي يحفظلكم ولادتكم