سؤال عن المطابخ

imane khaled · 2012-06-01, 12:57

من فضلكن شكون عندها في بيتها مطبخ من المطابخ الجاهزة عجبوني و نفكر نعمل منهم و لكن خايفة ما يكونوش متان و صوليد
من فضلكن لي جربتهم أو سمعت عليهم تنصحني

ام نسمة · 2012-06-04, 14:53

مرحبا انا ننصحك بمطبخ مبني وليس جاهز قد يكلفك كثيرا و في الاخير ما تلقايهش صوليد انا اعملت مطبخي مبني اتقام لي ب 35 مليون لكن اخرج لي روعة وفخم جدا ربما عن قريب راح ادرج الصور اشتريت الرخام الاسود اسمو غلاكسي راه داير مليون و200 للمتر والفايونس مستورد والكارلاج اونتي ديرابون من النوع الغالي والاكسسوارات فخمة والنتيجة كانت روعة واحلى وامتن بكثير من المطابخ الجاهزة

imane khaled · 2013-06-02, 16:17

شكرا اختي على النصيحة

ام عبودة · 2013-06-02, 19:42

حتى انا ننصح بالمبني خصوصا اذا كنت مطولة وصابرة
انا نصحوني في المبني على خاطر يفني الاعمار ميييي كنت مزروبة

imane khaled · 2013-06-02, 23:36

اقتباس:

المشاركة الأصلية كتبت بواسطة ام عبودة

حتى انا ننصح بالمبني خصوصا اذا كنت مطولة وصابرة
انا نصحوني في المبني على خاطر يفني الاعمار ميييي كنت مزروبة

علاه لختي نتي عنك مطبخ جاهز

Khouloud insalah · 2013-08-16, 02:37

أختي انا عندي مطبخ جاهز les cuisine équipe ما عندي حتى مشكل معاهم خاصة إلا كانو صناعة ألمانية ودرك ولاو عندنا في الجزائر وصناعة ألمانية والي عجبني في المطابخ الجاهزة انو كي تشتريها راح تكون عندك ورقة ضمان المطبخ نتاعها يعني حتى لو مليتي من اللون مع مرور الوقت تروحي لنفس المحل يعاودلك الواجهة الأمامية برك بلون تاني عن تجربة راني نحكي معاك

oumraouf · 2013-12-08, 11:26

اختى او ابنتي خلود ، لقد استغربت من نطرحك للموضوع أنت توجدين بفرنسا، والشئ المتعامل به ليس مثل الجزائر، وخاصة نحن في الجزائر استعمالنا للمطبخ كثير وكثير جدا فالواحدة منا تستعمل تفوير الكسكس ( الطعام) بكثرة والقليان بكثرة ناهيك عن الحلويات اليومية والمناسبتية فلا يمكن للواحدة منها ألا استعمال المطبخ المبني فهو متين ويدون وخاصة من حين لآخر نقوم بغسله من السقف الى الأرض .. فالمبني أصلح مهما كان ايطالي أو ألماني فقط الجزائري.. إلا أنها تأخذ التصميم عنهم فقط ..وشكرا

imane khaled · 2013-12-14, 18:09

اقتباس:

المشاركة الأصلية كتبت بواسطة oumraouf

اختى او ابنتي خلود ، لقد استغربت من نطرحك للموضوع أنت توجدين بفرنسا، والشئ المتعامل به ليس مثل الجزائر، وخاصة نحن في الجزائر استعمالنا للمطبخ كثير وكثير جدا فالواحدة منا تستعمل تفوير الكسكس ( الطعام) بكثرة والقليان بكثرة ناهيك عن الحلويات اليومية والمناسبتية فلا يمكن للواحدة منها ألا استعمال المطبخ المبني فهو متين ويدون وخاصة من حين لآخر نقوم بغسله من السقف الى الأرض .. فالمبني أصلح مهما كان ايطالي أو ألماني فقط الجزائري.. إلا أنها تأخذ التصميم عنهم فقط ..وشكرا

شكرا على مداخلاتكم يعطيكم الصحة

imane khaled · 2014-10-10, 20:18

شكون لي عندها جديد في الموضوع

omamine60 · 2014-10-10, 21:32

السلام عليكم اختي ايمان انا عندي مطبخ جاهز وللاسف بدا يفسد ولم يكمل عامين وانصحك بالمبني فقط اختاري رخام كلاكسي وفايونس متين حتى لوغالي لانه سيبقى طول العمر اما المطابخ الجاهزة فهي لاتنفعك اذا كنت مثلي كل يوم طبخ وكسرة وضياف وكسكسي عن تجربة تلك المطابخ تنفع القاوريتات اللي اكلهم يوميا في المطاعم حتى ضيوفهم ونهار تفحال دير قليان هههه