~|[ « النظر هو الحياة.... كل ما يتعلق بالعين,النظارات, العدسات اللاصقة, الزجاج ستجد له اجابة هنا ان شاء الله» ]|~

[نسيم الإيمان]

المشاركة الأصلية كتبت بواسطة سطـايفية بكل فخر

وعليكم السلام اختي
بداية صح عيدكم اختي
ثانيا ربي يحفظلك الوالدة من كل شر يارب
ثالثا اختي انا لست طبيبة عيون لذلك منقدرش نقلك وشا يناسبها اختي لازم يكشف عليها الطبيب وهو لي يحدد نوعية العملية سواء كانت بالليزر او جراحية
+
متخافيش من هذي العملية راهي 85 بالمئة من هذي العمليات تنجح من اول مرة وكاين لي تندار على مرتين او ثلاث اذا كانت الشبكية متضررة
لكن انا وشا ننصحك ختي تسارع لعلاج عينها لانو الشبكية جد حسساسة وقادرة تمشيلها لاديشيرير لاسمح الله
وقلها متخليش عينها تتعرض بزاف للضوء لانو الشبيكية هي المستقبلة للضوء وبما انمو راهي فيها مشكل فالضوء رايح ياذيها خاصة ضوء الشمس تاع الظهيرة
+
كان عندي قريب دار العمليةمنذ عدة اعوام في مصطفى باشا والحمد لله راهي نجحت العملية وراهو لاباس
سقسي ثمنا بلاك تلقالها رونديفو
وزيد نوصيك خيرو طبيب مليح لانو مش اي طبيب يخدم خدمتو مسقمة
ربي يشفيها اختي وقلها راهو الحل الوحيد لتمزق الشبكية هي العملية الجراحية او الليز مكانش حل بالادوية
نسيت بشا نقلك قلها متهزش حاجة ثقيلة وتساسيس روحها لانو جينيرالمون تمزق الشبكية يسبو فوجاست او تهز حاجة ثقيلة بعنف
ربي يسفيها

بارك الله فيك اختي

[naimimou]

السلام عليكم
اين اجد هــــــــذا الدواء
vitamine -A- en pomade

[سطايفية بكل فخر]

المشاركة الأصلية كتبت بواسطة naimimou

السلام عليكم
اين اجد هــــــــذا الدواء
vitamine -a- en pomade

وعليكم السلام
اسم الدواء تحديدا لا اعرفه اخي سوف اسال لك عليه
او بامكانك سوال الصيدلي لانو علابالهم واش هو
+
سوال لو سمحت لواش رايح تستعملو لجفاف العيون او للقرنية
وهل الطبيب لي قالك عليه؟

[سطايفية بكل فخر]

المشاركة الأصلية كتبت بواسطة نسيم الإيمان

بارك الله فيك اختي

وفيك بارك الله
طمنيني اختي هل قامت الوالدة بالعملية.