الى ام اسيد1 وكل وحدة حاصلة واش الطيب - الصفحة 13

سمسومة 05 · 2014-09-26, 00:23

يعطيك الصحة ام حمزة خرجتلك تهبل مشكورة على كل وصفاتك

ام حمزة22 · 2014-09-26, 07:30

اقتباس:

المشاركة الأصلية كتبت بواسطة ليلى_26

شكر علي اتبق التي توقدمها علي منتداة

لاشكر على واجب
شكرا على المرور

اقتباس:

المشاركة الأصلية كتبت بواسطة تغرينية

الله الله عليك بصحتك البيتزا لاصوص تقريبا كيما تاعي

الله يسلمك
هاده الطريقة سهلة وما تطلبش وقت

اقتباس:

المشاركة الأصلية كتبت بواسطة سمسومة 05

يعطيك الصحة ام حمزة خرجتلك تهبل مشكورة على كل وصفاتك

الله يسلمك سمسومة
مشكووووووورة

ام حمزة22 · 2014-09-26, 07:40

سلاااااام
صباحكم فل ويومكم سعيد
طبقي اليوم هو رشتة
راني خرجت الجلج من المجمد ونستنى زوجي يجيبلي الخضرة والرشتة
الرشتة نشريها مخدومة تشبه لي نخدموها في البيت
انا نحب لي تخدم فالبيت كي لقيت الواجدة خداني تفنيين وليت نستعمل غير نتاع السوق بصح حقيقتا راهي جي رووووعة
ان شاء الله ما يحشمنيش ربي ويلقا زوجي الرشتة فالسوق ولا ما صابش ما شي مشكل ندورها حاجا اخرى ههههههه
الى الملتقى بادن الله

ام حمزة22 · 2014-09-26, 08:48

هاد طبق الرشته من ارشيف صوري كنت حضرتو يوم تحصل ابني على شهادة لللسانس
دعواتكم اخواتي يصيب خدمة ويكمل الماستار
شكرا مسبقا

ام حمزة22 · 2014-09-26, 09:12

مازالني نستنى فالرشته
لاااااااكن بديت نحضر لطبق و دوزنت المرقة
مرقة الرشته ما نخلطش فيها بزاف التوابل والخضر
المقادير هي: الجاج + البصل + قرفة + ملح + فلفل اكحل + زيت + سمن + لفت + حميصة وانا الحميصة دايما نغليها من قبل ونحطها فالتلاجة وقبل ما نطفي على المرقة نضيفها
نقلي هاد المكونات منبعد نضيف شوية ماء حتى يتغطا الجاج
من جهة اخرى نحضر الرشته نحطها في صحفة ونفتحها ملي نديرلها شوية زيت باه ما تلسقش في بعضها ونحطها في الكسكاس اي فوق الجاج لي راه يطيب نخليهل تفور المرة الاولة كي تفور نحيها من الكسكاس ونضيفلها شوية ماء غييييير بالشوية ونحلها غييير بشوية في نفس للوقت مل ننساش ندوقهل ونشوف للا مفيها الملح كفاية ولاﻻﻻ وانا نشمخ فيها نضيفلها شوية ملح الا قانت ناقصة ملح
نخليها تتشرب هداك الماء
نروح نشوف الجاج الا طاب نحيه من القدرة ونضيف لللفت باه طيب فالقدرة بعد ما نحينا الجاج
نولي لرشتة تكون تشربت الماء نضيفلها قطرات زيت او سمن ونحاول ننفكها غير بلعقل على بعضاها ونرجعها تفور المرة التانية
بعد ما تفور نحطهل فالصحفة وندهنها بالسمن
ونولي لمرقتنا ندوقها ونشوف الا مخصوصة توابل نضيفلها خاصتا القرفة قد ما تكتري جي بنينة الرشته دواها القرفة وسمن كي يكون بنين
ان شاء الله ما نكونش نسيت حاجة ولا نسيت لي تدخل وتشوف ناقص تدكرني
مازلني نستنت فالقضيان7
تفضلو الصور ة الاولى راني دوزنت المرقة

[QU
[QU

[اخواتي الرشته نتاع السوق شوية لازملهت معاملة خاصة مشي كيما تتخدم فالبيت بصح هادي لي شريتهت تشبه بزاف لي نخدمها
المهم كي تشمخو الرشته ردو بالكم تكترولها الماء رشو غير بلعقل وعينكم ميزانكم كاين لي تشرب بلخف وكاين لي ما تشربش
اننبهة للكمية لي ستعملتها انا باه رشيت الرشته راه يبانلكم فالصوره الليان لي عمرتو بالماء فالصورة الاولة معمر والتانية نتقص شوية

أمنية غفران · 2014-09-26, 11:06

ربي يجازيك أختي أم حمززة و يحفظك...........
عجبني موضوعك و ان شاء الله نولي نضرب طلة هنايا و نحط طياباتي ادا ما فيش مشكل .........سلامو

أمنية غفران · 2014-09-26, 11:15

اقتباس:

المشاركة الأصلية كتبت بواسطة ام حمزة22

سلام صباحكم اسعد
طبق اليوم هو ضولمة
كاين بزاف النساء المحطين بي يقولولي الضولمة تشد اليد
بالعكس انا اسهل شيء عندي الضولمة الدليل انعا زجدت على9 صباحا
البهارات المستعملة في الحشو فلفل اسود و ملح فقط اما في المرقة قرفة فلفل اسود وملح
نخليكم مع الصور والشرح
قبل مانحطلكم الصور نقللكم اللح المفروم لي ستعملتو كان في المجمد ادا سالتوني عن اللحم ما ينحطش في المجمد لازم تستعمليه يوم لي شريتيه ان نقلك اللحم المفروم نشريه ونحطو في المجمد لاكن كي نشريه وهو في ساشيتو نقسمو على 2 ما نمسوش بيدي هاكدا ما يخسرش ويفعد على حالو والدليل راكم تشوفوه في الصورة بشرط كي تجبديه من المجمد و هو جامد خودي سكين وكسريه طراف طراف هو يجيك شوية صعيب بصح باه تضمني ما يفسدلكش

هدا الحشو كيما رتكم تشوفو انا زدتلو اضافة مع المكونات لي مالفين بها هي قلب القرعة او للكوسة لي خويناها او فرغناها زدناه مع الحشو هاد يزيدلو بنة و يزكة

هنا نشوف حتى البطاطا ما نرموش قلبها نقليه مع البصل ونحط فوقو الخضر لي عمرناها بالحشو وهي الباطاطا والقرعة و الطرشي كيما راكم التشوفو في الصورة التالية

هنا نشوف الحشو لي قعدلي درتو بولات كي تغلي المرقة نضيفو مع الضولمة

بعد ما تقلى البصل والباطاطا نضيف الخضر المحشية ونمرق الطنجرة كي تبدة تغلي نضيفلها للبولات نتاع اللحم والحميصة كنت طيبتها من قبل نص طياب ودرتها في المجمد وطبعا الفلفلة الحارة ما نقدرش نستغنى عليها في الضولمة
وهااااااااااادا هو طبق اليوم

ربي يحفظك عجبتني فكرة قلب البطاطا نزيده للضولمة ...... انا كنت نديرها مع مقادير الحساء نتاع point cassé ........ صحيتي

أمنية غفران · 2014-09-26, 11:24

اقتباس:

المشاركة الأصلية كتبت بواسطة ام حمزة22

سلام
صباحكم سعيد
طبق اليوم هو( باقات الشفلور المقلية مع البطاطا المقلية )

المرقة نحضرها ببصلة حميصة قرفة فلفل اكحل ملح وزيت
اما العجينة لي نقلو بيها الشفلور تتكون من بصل معدنوس ملح فلفلاكحل وكاس حليب حبة بيض و3مغارف فرينة معمرين مليح انا كنت نستعمل غير البيض بصح درك اكتشفت هاد الطريقة هي اقتصادية

هنا نغطس البوكي نتاع الشفلور في الخليط من بعد نقليه

مرقتنا وجدت والبوكيات والبطاطا وجدو نصيحتي ما تكثريش المرقة باه كي جي تصخنيها الشفلور والبطاطا ما يتشمخوش بالمرقة ويسخنو غير ببخار المرقة لي تسخن يقعد هاد الطبق على حالو حتى في المساء

هدا طبقنا اليوم
نسيت نقللكم على طريقة ديروها باش ما تخرجش ريحت الشيفلور كي يكون يغلي وكامل نعرفو الريحة القاسحاة عند غليان الشفلور
والطريقة هي وضع البابة نتاع الخبز في الماء لي يغلي فيه الشفلور (البابة هي الابيض لي يجي داخل الخبز)

شكرا على عجينة القليان أختي انا كنت نديرها بصح مافيهاش البصل نجربها كاش خطرة و نعتها لك... ربي يجعلها في ميزان حسناتك .....

أمنية غفران · 2014-09-26, 11:33

اقتباس:

المشاركة الأصلية كتبت بواسطة ام حمزة22

بعد ما نقي ونغسل السردين مليح نحطو يقطر فالكسكاس

هنا نضيفلو الدرسة وهاد الاخيرة متكونة من فلفل دريس وثوم وكمون ندرسهم بالمهراز او نضيفلهم شوية ماء ونخلطهم بالخااط الكهربائي نخليه يتشرب مليه الدرسة وبنتها من بعد نرمد في الفرينة
والفرينة لي تقعدلنا بعد ما رمدنا فيها السردين ما نرميهاش نضيفها في الدرسة لي قعدتنا في الاناء نزيدلها شوية زيت و ملح ونطمها بالماء نشكلها قرسات ونقليها ولادي يموتو عليها

ربي يحفظك على العفسة نتاع القرسة .......... صحيتي

ام حمزة22 · 2014-09-26, 11:54

مرحبة بلي جا وجاب
امنية غفران اهلا وسهلا بيك شرفتي موضوعي
مسموحا اختي حطي اطباقك نشوفها هادا يسعدني

ام حمزة22 · 2014-09-26, 11:57

اخواتي العزيزات فطوري طاب بصح ما نقدرش نبعتلكم الصور درك ما عنديش الوقت راني رايحة نطل على لوستي فالمستشفى ربي يشفيها ويخليها لينا ولولادها
قولو آميييييييييييين
اترككم في رعاية الله وحفضه

سمسومة 05 · 2014-09-26, 12:34

مرحبا ام حمزة شهيتينا في الرشتة رانا نستناو في الصور ومشكورة وربي يقدرك على فعل الخير وربي يجيب الشفاء للمؤمنين

خيط الروح · 2014-09-26, 14:40

السلام عليكم
ربي يشافي لوستك ويعافيها ان شاء الله

بارك الله فيك على المجهود اللي راكي تديري فيه

أمنية غفران · 2014-09-26, 15:48

اقتباس:

المشاركة الأصلية كتبت بواسطة ام حمزة22

مرحبة بلي جا وجاب
امنية غفران اهلا وسهلا بيك شرفتي موضوعي
مسموحا اختي حطي اطباقك نشوفها هادا يسعدني

ربي يحفظك أختي .........صحيتي
ربي يشافيها و يعافيها و يرجعها لوليداتها سالمة غانمة بحول الله
..
.
.
.
.
....... راني حشمت ندخل بيدي فارغة قولي باسم الله...........

ام هاديل وياسين · 2014-09-26, 17:14

الله يشافي لوستك ام حمزة ويرجعها بخير وعافية لوليداتها اميين

الله يعطيك الصحة وبصحتكم الرشتة

بارك الله فيكي اخت امينة على الضيافة على حساب مراني نشوف

هذا فلان