عاونني يا الامهات

سميرة3940 · 2014-09-22, 22:28

عندي ولدي عمره 11 شهرا ما يحبش ياكل ما عرفتش وش نديرلها
واللي عندها ماكولات للصغار تقولي عنهم و جزاءها الله حيرا

ايمان2009 · 2014-09-23, 07:53

ربي يعينك يا اختي انا راني في نفس المشكل مع ولدي ولدك مازال صغير بلاك من التنبات يكون وقت نيابه ولا ضروسه انت حاولي ماتمديلوش الحاجة الحلوة جربيلو جارفي هداك البتي سويس ولا ديريلو دويدة بالحليب و لا حساء خضر خفيف ولكان مازال يرضع فالبيبرونة غير خليهالو خاطر كون تنحيلو الحليب ضرك وهو ماياكلش راح يكره كلش كيما ولديقالولي نحيلو الحليب باه ياكل ضرك حاجة ماتدخل فمو ولا الجلد على العظم والله خايفة يموتلي ونندم

سميرة3940 · 2014-09-23, 08:27

شكرا اختي بصح ولدي لاحد الان ما نبت حتى سن مع العلم انه زاد كي دخل 8اشهر

عطر الجوري · 2014-09-23, 08:38

Lazem tweklih choufi dirih fi korsih w 9ablih ltoyor ljana w weklih chwia w la3bih chwia w dahkih Lazem yestamte3 dirilou koskssi pure serdin na9ih w etahnih w e9lih wela dolma taybilou toufa7 w choufi
W lidha marahch yochrob lhlib zidou sokor wela chocolat neskweek w d'Odile lekhbar

nadiatlemcenia · 2014-09-23, 08:57

السلام عليكم
اختي اولا ما لازمش تتقلقي بزااااف حتى تتلفلك واش ديري
لا .... يلزم غير بشوي بشوي حتى يبدا ياكل
مشكلتنا انا نقارنو ولادنا مع اولاد اخرين لياكلو مليح
وهي لا كل واحد ونفسيتو على ذاك لازملك صبر
اولا الحليب ثم الحليب حتى يلا ما كلاش راه يعوضله بزاااااف
الفرماج لازم تعطيه على الاقل حبة لافاش كيري في اليوم المرة الاولى يعيفها لكن كل شوم شوي يتعود على الذوق
الياوغت تاني مفيد عطيه واحد مثلا علاء الدين راه بنين وكما قتلك كل يوم شوي
حساء الخضر مفيد جدا شوفي ختي لو كان كل يوم مغرف افضل من ماكلنش

واهم شيء انك تعطيه خاطرك ونتي توكليه ماتتققيش اسمحي في كلش وكليه ومن بعد رجعي لشغالاتك

مثال على الحساء
نص حبة بطاطا حبة جزر نص كورجات فرع تاع الكرافس مفيد جدا وملح طحنيهم تقدري تزيدله حبة فرماج يجي بنين
وعطيه ياكل وعوديه على الاكل في اوقات محددة مثالا الفطور على 12 هكدا يوالف

موفقة اختي

nadiatlemcenia · 2014-09-23, 09:03

اقتباس:

المشاركة الأصلية كتبت بواسطة ايمان2009

ربي يعينك يا اختي انا راني في نفس المشكل مع ولدي ولدك مازال صغير بلاك من التنبات يكون وقت نيابه ولا ضروسه انت حاولي ماتمديلوش الحاجة الحلوة جربيلو جارفي هداك البتي سويس ولا ديريلو دويدة بالحليب و لا حساء خضر خفيف ولكان مازال يرضع فالبيبرونة غير خليهالو خاطر كون تنحيلو الحليب ضرك وهو ماياكلش راح يكره كلش كيما ولديقالولي نحيلو الحليب باه ياكل ضرك حاجة ماتدخل فمو ولا الجلد على العظم والله خايفة يموتلي ونندم

حياك الله اختي ايمان
اول حاجة شدتني في كلامك هي اخر جملة
لا يا اختي ماتقوليش كلام لتخلي الشيطان يلعب بيك
لازم تحاولي وماتكرهيش مع وليدك باش ياكل
خاصك تعرفي انو ما لازمش ياكل صحن كامل يا لوكان زوج مغارف ومعليش وكل يوم شوي حتى يوالف
الحليب يا اختي اهم حاجة للصغير لازم ترجعيهولو تدريجيا
لازم كتكوني تعطيه ياكل تضحكيه تلعبي معاه هكدا تهفيه هو يولي ياكل ويضحك
ماشي نتي مشنفة وهو يبكي منين تفوتله الماكلة ......
اديه للطبيب وحكيله حالته قادر يعيك سيرو فاتح للشهية ......
ماتغفليش عل حاجة مهمة
الماااااااااء
عطيه قد ما تقدري

موفقة غاليتي

~~لينة نور~~ · 2014-09-23, 09:27

السلام عليكم

لا خوف عليه مع الحليب و ان كان من دون أكل يرافقه

الاطفال ليسو أشباه هناك من يأكل وهناك من يعذب والداه نفسيا وقد حدث معي مع اثنين من أطفالي...

الان ركزي على الحليب ، أضيفي اليه ملعقة شكولا.

فيهما من المواد ما يجعل نموه طبيعي ....المهم أن تكون النوعية جيدة ليس أي حليب أو أي شوكلا

صحيح الثمن غالي لكن أبناء المستقبل أغلى ...

بعداها لا تجبريه على الاكل ..وحوالي متابعته عن بعد وعرض الاكل عليه ، ان شاء أكل ان لم يشأ عادي

ارفعيه عنه وكأن لم يحدث شيئ لا تظهري له استيائك من ذلك ...

ثم عن نوعية الاكل ، شخصيا أشتري كل شيئ لعلمي أنه صحي مقارنة بما نطبخ ..

وهذا لا يمنع أن نحظر لأطفالنا ماهو صحي ، كأن نشتري الخظار الجديدة المقطوفة حديثا

ونقوم بطهيها بطريقة صحية أيضا ...مؤخرا قمت بتحظير معجون السفرجل لصغيري ...وقد أحبه ..

اي سؤال انا في الخدمة اختي ، حذاري القلق فقد يصاب الصغير بالعدوى ...