عروسة ابني - الصفحة 9

عبد الرؤوف24 · 2014-09-18, 17:56

السلام عليكم
مجرد مايقرر الشاب الزواج طبعا بعد ان يشيب قيلا بسب صعوبة الزواج ماتصدق الام تفرح ببنها وعلاش تزيد عليه مسكين يعنى لازم تكمل وخلاص مهما كانت هناك عيوب وعلاش تصعب اكثرمن هادا

نارينا · 2014-09-19, 00:00

اقتباس:

المشاركة الأصلية كتبت بواسطة كاميلا

المسلممون على شروطهم وزيد هو يشرط شروطه وهي كذلك يجب ان لا تتعرض الام نفسها لهكذا مواقف امي كي راحت تعرفت على زوجة اخي قاتلها اتكلمي معاه وكل واحد يسمع الاخر قاتلها انا مادخلني الله يسهل عليك من بعد باش متجيش تقوليلي شرطتي عليا هو اللي يشرط عليك
وعروسة اليوم هي حماة الغد
وماش كامل العرايس هكدا احس في موضوعك حقد كبير عليهم انا يا بنتي نهار الشوفة تاعي اخت حماتي سامحها ربي كي سلمت عليها ودورت باش نقعد حكمتني من ذراعي وشدتني بالقوة باش تعقدني بينها وبين عجوزتي عمبلك وش صرا؟ التواء في رجلي وذراعي ليلة كاملة وهي توجع وتسكاني في من فوق لتحت قاتلك عجايز اليوم قاتلك تشوفي زوج حالات تعمميها هههههههههههه

سلام ياكاميليا ...وهل كل من طرح موضوع من وجهة نظر مخالفة لما تعتقدونه هو حاقد على طرف معين ؟؟ اليوم تحدثنا عن جرأة العروس وغدا سيكون الحديث عن الحموات وسلوكياتهن أيضا .....تقبلي مروري وسرتني مشاركتك ومبروك العقد ياعروس

نارينا · 2014-09-19, 00:03

اقتباس:

المشاركة الأصلية كتبت بواسطة salem1985

كل زمان وناسو وما نقدرش نربي ولادي كي انا

شكرا على المرور أخي ولو أني لم أفهم ماتشير اليه بالضبط

اقتباس:

المشاركة الأصلية كتبت بواسطة زايدي أمحمد

يعاونو على الحرام

لا ليس لدرجة الحرام ...هو موضوع اجتماعي بحت ...تحرو الحلال وأتو البيوت من أبوابها

اقتباس:

المشاركة الأصلية كتبت بواسطة زهرة لرضوان

شكرا على الموضوع وجمعة طيبة للجميع

جمعة مباركة وطيبة أيضا ...مشكورة أختي

نارينا · 2014-09-19, 00:06

اقتباس:

المشاركة الأصلية كتبت بواسطة hodayena

لو لم اتزوج ومازلت فتاة عزباء لقلت انكي مثلي في التفكير قبل الزواج انا معك مع الاحترام والتقدير ووووووووووووووووووووووووووووووووووووو لكن بعد الزواج عندما تبدء الحروب بانواعها تشن عليك ولا سند لك كل ضربات موجهة لكي جوية بحرية برية وانتي على نية الله والوالدين يصبر فيك ويحلفو متغلطيش ومتهدريش اسكتي معليش كبيرة واش ديري في خاطر زوجك وانتي تطبيقين دون كلام وتقولي معليش خت زوجي يماه والدو معليش الا ان تصل الطامة للزوج الذي تحملتي كل شيء عليه تلقايه هو تاني يشن عليك في الحروب لكن عند اهلك يريد اهلك يكرهوك ويذلوك يتبراو منك دون سبب مذا سيبقى لكي عندما تديرين راسك تلقاي حتى الزوج انظم تحسي روحك بيكاشو مع الاشرار انظمو انظمو
عند محاولة ام الزوج اذلال العروسة حتى قبل مجيئها ووووووووووووووووووووووووووووووووو وانتي بالمعاملة الحسنة تعاملي كل العايلة
كل وظروفه لكن مليح من اهل الزوجة يورو للزوج العين الحمرة ويعرفوه واجباتو لانو الي يحشم في وقتنا كلاه بوبي

ربي يكون معاك أختي ولو أن وصفك للأحداث يظهر أنك متأثرة كثيرا وبالخصوص عند دخول الرسوم على الخط ...فرج الله همك وأعانك على ما أنت فيه ...هونيها تهون ...لاحزن يدوم

نارينا · 2014-09-19, 00:10

اقتباس:

المشاركة الأصلية كتبت بواسطة الألماسة

الاحترام لا بد منه لانو هكذا تربينا نحترمو الكبير
اختي بعد الزواج اذا تعداو عليك و سكتي بزاف ياو راحت عليك(هذي عن تجربة)
و لكن الحمد لله اللي متربي عمرو ما يغلط
انا يا اختي و الله و كل ما مر بي لكن لحد الان ما رديتش على عجوزتي الحمد لله
لكن ما تهناتش حتى خرجتني
لكن مرت سلفي الكبير وقفتهم عند حدهم و سبتهم و ما سكتتش راهي عايشة في دارها وحدها و لاباس بيها
في شهرين خرجت من عندهم و راحت سكنت وحدها
انا اللي سكت و صبرت خرجوني في غرض غرضي
شفتي الدنيا،توقف معاك كي توقفي مع روحك
يعني اللي يحترم في وقتنا يذلوه و يعفسوه
حسبي الله و نعم الوكيل

السلام عليكم ...أنت فوضت أمرك لله ومن يحترم الاخرين ويسكت لكي لاتشتعل النار وتربى على الاحترام خيره سيرد اليه عاجلا غير اجل ...لو سألت أهل زوجك لوجدت أهم يحبونك أكثر من الكنة الاخرى ...لاتعتقد أنها بوقاحتها وطول لسانها قد فازت ...الايام لازالت طويلة والله سيرد عليها عملها سواء كان طيبا أو قبيحا ...أياك وتغيير جلدك في سبيل الانتصار ....من يتق الله يجعل له مخرجا ويرزقه من حيث لايحتسب

نارينا · 2014-09-19, 00:13

اقتباس:

المشاركة الأصلية كتبت بواسطة عبد الرؤوف24

السلام عليكم
مجرد مايقرر الشاب الزواج طبعا بعد ان يشيب قيلا بسب صعوبة الزواج ماتصدق الام تفرح ببنها وعلاش تزيد عليه مسكين يعنى لازم تكمل وخلاص مهما كانت هناك عيوب وعلاش تصعب اكثرمن هادا

لم التشاؤم أخي المهتدي هونها تهون ....يارب تفرح بيك الوالدة وتتزوج امرأة فاضلة غير اللواتي ذكرن في موضوعي

~~nilly~~ · 2014-09-19, 12:03

Lmochkil ya narina

machi fi lhamate bakri ki kona sghar dima nssan3o

l3j0za wa lkana koma lma w zite mostahil ytlakaw

basah dorka l3rissa matchetkiche min l3joza

dorka lhame homa akhawate zawg

ah ya narina tssawri ki tatzawgi w tlkay d dar rajlak 5 wla 8 bnate w machi matzawjine

kol youm chekoun lyhajmaj w ba3d 3am kolhome ytlmo 3lik

ya antiya homa kima nkolo b lkbayliya
iwahjniwane

rabby ykoun m3ak

نارينا · 2014-09-19, 14:57

اقتباس:

المشاركة الأصلية كتبت بواسطة nilly

lmochkil ya narina

machi fi lhamate bakri ki kona sghar dima nssan3o

l3j0za wa lkana koma lma w zite mostahil ytlakaw

basah dorka l3rissa matchetkiche min l3joza

dorka lhame homa akhawate zawg

ah ya narina tssawri ki tatzawgi w tlkay d dar rajlak 5 wla 8 bnate w machi matzawjine

kol youm chekoun lyhajmaj w ba3d 3am kolhome ytlmo 3lik

ya antiya homa kima nkolo b lkbayliya
iwahjniwane

rabby ykoun m3ak

اه يانيللي علاش تفولي هكا نقزتي من الحماة الى بناتها ضربة وحدة ؟؟ وعلاش ربي يكون معايا ؟؟ هذه قصة يا نيللي ليش هيك؟؟ المهم ادعيلهم يتزوجوا ويفرج عليهم ربي وخلاص