مشكلتي

[مشكلتي]

السلام عليكم
صراحة مراهيش مشكلة قد مارني حبا نحكي و نفضفض
دمعتي هذي لعشية محبتش تحبس رغم اني هذوا ليامات حسيت بواحد الرضى جامي حسيت بيه .انا كيفي كيف اي واحدة في هذي الحياة تتمنى الاستقرار و انها جيب لولاد و تربيهم تربية اسلامية بصح ربي مكتبش ديما نفس نهاية رغم ان بداية مش نفسها و بداية ديما تكون رائعة ميروحش بالكم لبعيد ماشي علاقات ما علاقات خطيني لاكن ديما بداية تكون صحيحة لاكن كي توصل يجيوا لدار حنيا معلبليش واش يسرى نقولوا مكتوب اخر قصة صرتلي بعد العيد هذا انسان هذا منعرفوش حكاولوا عليا شافني من بعيد و محولش يهدر معيا و حترمت فيه هذا الشيئ صرحني بمرضوا وهذا مازاد احترامي ليه عندي واحد 21 يوم من قالي بلي عندوا مريض في الدار لنصبر عليه شوية و يجيو دارهم يهدروا مع دارنا انا قبلت و انا على هذا الاساس حكيت مع يما قلتلها كلش بعد هذي المدة بديت نتوسوس و نقول لعودش بطل سرتوا اني عندي سوابق كبيرة في هذا المجال و ندميت كي حكيت ليما يا ريت محكيتلهاش وخلتها في علم الغيب ليامات لي فاتوا كامل محسيتش بحزن و جاتني واحد حالة تاع الرضي لاكن هذي العشوة معلبليش واش بيا دمعتي محبستش والله حتى الدعاء مقدرتش ندعي راني غير نستغفر
ساعات نقول ربي مرهوش كاتبلي نكمل نصف ديني و انيا نعذب في روحي و نقبل باش يجيو يخطبوني ومنزيدش نقبل باي واحد يحوس يخطب مادام النهاية علبالي كيفاش راهي ريحا تكون
وزيد نبهدل بروحي قدام يما و نقلها راهم جاين يخطبوا

[زرقـآء اليمآمـة]

السلام عليكم
اختي اصبري وادعي ربي سبحانه هو يعرف ما هو خير لنا ...... مادامك تمشي في طريق صحيح على حساب ما راكي تحكي ولا يهمك ...... كلش بالمكتوب .......... واذا ما تزوجتش اي امراة او رجل هل نهاية العالم ام فقط المتزوجون يدخلون الجنة ؟؟؟ ...... ما تقدريش تعرفي وين راه مكتوبك ...............و هذا مكتوب ويجب التصديق به ............
ربي يفرج عليك وعلينا والله المستعان

[*نـــور*]

مكتوبك مازال هذا ماكان ما تقلقيش روحك
عسى خير
ربي يرزقك زوج طيب و تفرحي

[اسم مرا]

"عسي ان تكرهو شيء وهو خير لكم " كل حاجة ما نحبهاش حنا بني ادم تكون درس لينا او هو اذي ربي سبحانو نحاه علينا
خلي ثقتك بالله و اكثري من الصلاة و الدعاء

[أم شروفة]

ربي دايما يكتبنا اللي فيه الخير .وفقط

[kaout]

والله يا اختي حتى انا هكا وانما من عندهم او من عندي المهم ماحصلش نصيب كيما يقولو حتى انا حاب يكون عندي بيتي واولاد وزوج نتهلى فيه بصح ربي مازال مكتبش
ان شاء الله يرزقنا بالذرية الصالحة يااارب بالزوج لي نسينا دموعنا ياااارب يامجيب الدعاء

[" أبو عبود"]

الله يهديك. والله تقول راكي ارتكبت جريمة كي خبرت يماك. تصوير نما خبرتهاش وجاوكم كفاش رايح يكون موقفك قدام يماك؟ شوفي الاخت ما فيها والو الامر عادي جدا. زيدي اذا انت جاوك شوية خطابة راكي حسيت كيما هاك. نعرف وحدة 30 خطاب وفي الاخير داها الاسوا فيهم بكل اسف. الزواج قسمة من لله والله اعلم بمن يصلح لك. وإذا راكي مؤمنة بالله وهذا واش رني نحس شدي في ربي وما تعمريش راسك لان الله هو لي ادرى بمصلحتك. وان شاء الله غذا ما جاء هذا يجي غيره. ربي ان شاء الله يفرج عليك ويرزقك زوج صالح تقر به عينك.

[LILI MINA]

"عسي ان تكرهو شيء وهو خير لكم "

[ام ياسمين10]

ربى يجيبلك زوج صالح اممممممممممين يا رب