|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2014-08-30, 22:35
|
رقم المشاركة : 121 | |||||
|
اقتباس:
نعم اخي رايح تستفاد كثيرا خاصة للميكرو والسوقة
+ يبارك فيك لقد اضحكتني  اخي مش مخيلتي لي واسعة راهو مجال دراستي وعلابالي لواش يستعمل الزجاج هذا مكان + اي سوال اخر تفضل بيه اخي راني في الخدمة
|
|||||
|
2014-08-30, 22:59
|
رقم المشاركة : 122 | ||||
|
اقتباس:
************************ و الله ما علابالي شعال بالضبط درجة النظر .. هههه + بالنسبة للنظارات راني ملي كنت صغير نلبسهم :/ ميشي ذوك اللي يجو كبار كيما الحوجلة خخخخخخخخخخخخخ نورمال عاديين ... بخصوص تونس ... راني قريت عليها من قبل ... بزاف يروحو يديرو عمليات ثم .. بالتوفيق .. |
||||
|
2014-08-30, 23:02
|
رقم المشاركة : 123 | ||||
|
اقتباس:
ربي يبارك و يزيد... |
||||
|
2014-08-30, 23:14
|
رقم المشاركة : 124 | |||||
|
اقتباس:
اه مدامك مداير نظارات اذن مكش ناقص 5 راك قل لانو لي كاين فرق بين عينيه يكون 4 او اكبر ميقدرش يلبس نظارات يدوخوه ويسبولو الام في الراس
+ ان شاء الله اذا زرت الطبيب تاع العينين قولي وشحال ناقص وزيد ديجا تاع العسكر يقولولك وشحال ناقص قولي كي يقولولك ربي يوفقك في عملك ويرفعك لاعلى المراتب وربييسهلك امور الخدمة الوطنية وثاني اهتم بعينك لانو معظم الناس لي مثل حالتك عندهم عين وحدة ناقصة ومهتموش بها رجعت عينهم كسولة ومتخدمش يعني رجعت تخدم عين وحدة لذلك متستهزاش بها اتفقنا اخي اقتباس:
ربي يوفقنا جميعا ونخدمو في تخصصاتنا وبصحتك الجولة والطعام :d |
|||||
|
2014-08-31, 02:25
|
رقم المشاركة : 125 | |||
|
شكرا اخي على الموضوع المميز |
|||
|
2014-08-31, 12:49
|
رقم المشاركة : 127 | ||||
|
اقتباس:
العفو اخي واجبنا + بالنسبة لعملية الليزك راهم عادو يديروها في الجزائر بزاف وكاينين بزاف ليكلينيك لي يديروها والاطباء لكن نكذب عليك نقلك ويناه لمليح فيهم صراحة مش علابالي انا رايحة نمدلك بعض العناوين وانت تاكد اخي كاينة كاينة كلينيك محب الدين في البرج وسبقلي وزرتها وتبانلي مليحة فيها اربعة اطباء والمرضى تاوعها شكروها بزاف اليك رابط الارقام وموقعها https://www.mohabeddineslimane.com/co...hp?sid=0&id=10 + كاينة كلينيك السعادة في الجزائر العاصمة https://www.cliniquesaada.org/main/ + كاينة وحدة اخرى في حيدرة تاع الدكتور كمال حموش Résidence Chaabani Val d'Hydra Alger, Algeria TEL:021.48.05.09/021.60.33.78/021.60.31.34 + وكاينة تاع شيالي في وهران https://www.chialivision.com/ هذو لي سامعة بيهم اخي + كاين عضو معانا هنا دار العملية سقسيه على الطبيب لي دار عندو https://www.djelfa.info/vb/showpost.p...4&postcount=12 ثاني ننصحك بتونس لانو طب العيون مطور فيها بزاف + اخي وشحال لكوراكسيون تاعك لانو المرة السابقة سقسيتك وممديتهاليش قتلي غير على معدل النقص من عشرة معطيتنيش واش مكتوب في الوصفة بانتظار ردك |
||||
|
2014-08-31, 12:55
|
رقم المشاركة : 128 | ||||
|
اقتباس:
امين اخي اجمعين ان شاء الله
سررت بالحديث معك دائما زرنا ومتقطعش مش كي طاب جنانك يعني مطلش خلاص اخي صلاح:d |
||||
|
2014-09-11, 20:27
|
رقم المشاركة : 130 | |||
|
السلام عليكم .. |
|||
|
2014-09-11, 21:17
|
رقم المشاركة : 131 | ||||
|
اقتباس:
وعليكم السلام اهلا وسهلا بيك اخي العفو شكرا لثقتكم + من خلال اجاباتك اخي يبدو انك محيط بالموضوعومراجع الردود لانو طرحت في صلبو اجابات لاسئلة كنت ساسالها لك + بما انو تشوف مليح هذا جيد اخي وعملت مليح انك حبيت دير روبوزونت لانو ملاح لوضعك + بالنسبة لحرق العيون والاحساس بالجفاف هذا الشيء راهو من تعب الحاسوب والدراسة والجو وغيرو يكفي انو نتبعو نصائح معينة مع استعمال روبوزونت نحميو عينينا + نرجع لوبتيسيان لي رحت ليه كاين زوج حالات ياما حاط واحد يخدم عندو وميفهمش في الدومان وبالتالي ميعرفش يهزهم فوفر عليه العناء وبعثك لطبيب ياما كان هو نفسو لوبتيسيان لي استقبلك مع كل احتراماتي سير مهوش اوبتيسيان هذا راهو Opti RIEN كاش اوبتيسيان ميعرفش يهز ليزيكار بيبيلار مالا واش قارا وعلاش راهو حال راهو ابسط شيء يقدر يخدمو لوبتيسيان وبابسط الاشياء كي تخلا مره وميلقاش واش يدير يديرلك لابروجاكسيون على النظارة ويخدملك النظارات + بالنسبة للطبيب اللاسف اطبائنا عادو يديرو لكوراكسيون رابيدمون ويفوتو الالة لي فت عليها اسمها اوتوريفراكتوماتر ونورمالمون تشوف داخلها اما بيت او منطاد او حاجة كيما هاك ولازم حتى تصفالك الصورة وانت عادل راسك مليح فيها باش يهزلك ليرونسانيومون الصحاح هذا مبدا العمل + كاي الة الالات راهي تمد بورسونطاج تاع خطا حتى لو 0,0001 المهم مكانش الة تمد الصحيح مئة بالمئة في كل الدومان ماشي غير عدنابهذا كان ينبغي عليه يتاكد ويخدم قدقد ماشي غير عقب عقب على ااقل يقرب للنسبة الصحيحة + كوراكسيون لي عطاهالك تقول بلي عندك astigmatisme في عينك اليمنى وهو طفيف جدا ونورمالمون ميمدولكش لانوعلى الاقل لما تلقى بلي العين فيها استيقماتيزم وميرافقوش لامبوبي ولا ليبارميتروبي يعتبر astigmatisme naturelle واي عين انسان فيها استيقماتيزم ومنقدروش نقولو عليه بلي استيغماتيزم لانو طبيعة في العين يتراوح معدلو بين 0,25 و0,75 ونحب نطمنك انا رحت مرة لطبيب مدلي كوراكسيون 0,50 استيغماتيزم ودرت النظارات لكن كانو يدوخوني وحبست منديرهمش ورحت لطبيب اخر قالي انو نشوف مليح ونحالي لاكوراكسيون خلاص ولما قريت هذا الدومان عرفت انو الاطباء كي يلقاو لاستيقماتيزم الطبيعي يكتبوه نورمال بلا مايتولهو + نصيحة اديها من عندك اختك مديرش لاكوراكسيون لي مدهالك وبدل لوبتيسيان روح لواحد اخر وقولو ديريلي روبوزونتneutre في antireflet لانك تشوف عشرة على عشرة ومتكسرش راسك بحكاية ecart pipullaire وتروح على جالها لطبيب لانو هذيك خدمة لوبتيسان ماشي تاع طبيب وعلى العموم انت رايح دير زجاجة ناتر يعني مفيها حتى كوراكسون ماكش رايح تحتاج ليزيكاربيبيلار واذا خفت من كلامي وتوسوست منو بدل الطبيب اخي باش تتاكد هكا خيرليك + بالنسة لتاع تسكر عين وتشوف بعين وحدة هذا شيء طبيعي انو متشوفش بوضوح بوحدة فريدة لانو مخك مبروقرامي يشوف بزوج فلما تشوف بوحدة اكيد مش رايح يشوف مليح لانو حددتلو زاوية النظر هذاماكان ودير تجربة شوف حاجة بعينك ليسرى ثم شوف بعينك ليمنى ثم شوف بيهم في زوج ورايح تتاكد من كلامي + رايي انو الطبيب مش واتر لاكوراكسيون وهذا راهو بارتو راهم يشوفو فينا دراهم هذا مكان + هي كاينة شروط لازم تندار فيها الكوراكسيون هذي بلا منحكيوفيها والاطباء راهم يعرفوها لكن للاسف نصهم ميطبقوهاش + ليزيكار بيبيلار هذو بمسطرة تقدر تهزهم لعمرك راهو مش علم الغبار باش لوبتيسيان يقلك روح على جالهم لطبيب ويديرلك هذا الخلعة كامل تحب نعتلك كيفاش تهزهم لعمرك مش مشكل وان شاء الله لو تبع الطريقة الصحيحة تلقا تقريبا نفس وشا مدلك الطبيب 62 مم + بالنسبة للقطرات اخي هذو خاصين بالعين الجافة ويمدهم طبيب نورمالمون انت مدهملك الطبيب ولا شريتهم من عند لافارماسي على العموم هوما يساعدو العين ويمدولها لاسيبليونس لما تكون جافة لكن اذا انت عينك مقلكش عليها الطبيب راهي جافة فنصيحة حبسهم لانو مكش تعاني من جفاف حاد راهو تعب فقط حاول تريح عينيك وتنظفهم مرة على مرة بالسيروم وروح للصفحات الاولى تلقا ردود يحكيو على تعب العين رايحين يفيدوك ان شاء الله ربي يوفقك انش اء الله واي سوال اخهر تفضل بيه راني في الخدمة |
||||
|
2014-09-11, 22:17
|
رقم المشاركة : 132 | ||||
|
اقتباس:
بارك الله فيك .. والله دخلت الموضوع بالصدفة لأني كنت منزعج من الأمر .. والآن الحمد لله توضحت لدي الفكرة بل عدة أمور أيضا ..
بخصوص l'opticien ههههه بالعكس مسكين هو حاب يخدم خدمة مليحة وموش يليكيدي لأنو طلب ليكار بيبيلار كونه متواجد خارج الجزائر وles montures de lunettes de vue مشتراة هناك وأنا متواجد في الجزائر .. لهذا طلب هذه المعلومات .. بالنسبة لقطرات Artelac أخدتهم البارحة واليوم فقط ووصفهم لي الصيدلي .. والأن أستعمل السيروم فقط .. بخصوص النظارة ولماذا فضلت تركيب الزجاج في الخارج كون la monture demis cerlce واستبعدت أن يتم قص الزجاج بطريقة احترافية والله أعلم .. (لأنني maniaque بزاف وأكره الخدوش في النظارة  ) .. هي من هذا النوع: https://www.optique-sergent.com/optiq...-2718-T.55.jpg- مشكلة النظر بعين واحدة لا أقصد بها زاوية النظر بل النقاوة .. أحس أن نقاوة الكتابة مثلا عند رؤية ترقيم سيارة بعيد يكون فيها اختلاف بسيط عند غلق العين اليسرى وعند التدقيق باليمنى .. اي باليمنى أرى الترقيم أقل وضوح من اليسرى ولكنني استطيع قراءته باليمنى عادي جدا .. يعني أصبحت موسوس بالنسبة للنقاوة في الكتابة البعيدة .. - أريد فقط أن أعرف ما هي مراحل فحص العين وما هي الآلات التي تستعمل لأنو الأمور هادي خارج مجال تخصصي ولم أفهم لامبوبي ولا ليبارميتروبي .. لأني أريد أن تكون عندي فكرة لكي أطلب من الطبيب عمل جميع الإجراءات بخصوص التشخيص .. مثلا الجهاز الذي رأيت فيه صورة منزل ما مهمته ؟ وهل يجب علي أن أقول للطبيب عندما أرى الصورة واضحة أنني أراها ؟ وهل يجب أن أحرك عيني واتبع الصورة أو لا ؟ وهل هذه الآلة هي التي تسجل إذا كانت عيني فيها مشكل نظر ؟ هل تحريك العين يؤثر على القياسات بخصوص ليكار بيبلار ؟ (علما أن الطبيب لم يقل لي أثبت هكذا لأخذ القياس وصراحة أشك في انه أخذ القياس الصحيح لأنني عندما عدت للمنزل أخذت لمجرد الفضول بالمسطرة من البؤبؤ الأسود للعين اليمنى إلى اليسرى ورأيت أنه أكثر بقليل من 62 ملم .. وأيضا ما هي شروط الكوريكسيون باش المرة الجاية متفوتش عليا .. - أمر آخر إذا فرضنا أن عيني اليمنى اقل من اليسرى هل بإمكاني عمل نظارة بدون كوراكسيون ؟ وهل فيه ضرر ؟ أو العكس ؟ .. - هل فيه إمكانية إذا ما ثبت نقص في النظر أن تعود النسبة 10/10 باستعمال les lunette reposante عادية دون تصحيح ؟ .. -أمر أخير في الوصفة مكتوب أيضا بعد -0.25 كلمة neutre .. هل يعني امرا ما ؟ شكرا لك مسبقا .. وربي يجازيك على المعلومات القيمة والله من مشكلة استفدنا كثيرا ربي يحفظك ..  |
||||
|
2014-09-12, 18:15
|
رقم المشاركة : 133 | ||||
|
اقتباس:
العفو واجبنا اخي
+ اه الان فهمت القصة لاني تشوكيت كيفاش اوبتيسيان ميقدرش يهز ليزيكار بيبيلار تاع باسيون عندو + حسب ما فهمت اخي انت راك في الجزائر والنظارات رايحين يتخدمو في الخارج اسكو الكادر انت خيرتو وبعثتو ولا مجربتوش خلاص على وجهك راهو قادر ميناسبش وجهك اخي وتخدمهم وتخسر عليهم باطل + بالنسبة للقطرات مليح الاحسن استعمل السيروم مرة على مرة وتهتم بعينيك حتى تروح للطبيب ويمدلك الدوا وحدو + هههه هذا بيك على لافينيسون تاع الزجاج في لامونتير انا حطيتك درت النظاارت برا على جال لاكاليتي تاع الزجاج من هذي الجهة طمن les monture nylor او دومي ساركل كيما سميتها انت توالنا يندارو ويتفيناو مليح وميتخدشوش كومام رانا عدنا اجهزة مطورة نخدمو بيها في بلادنا ولي راهي دور اكسيدونتي في الخارج يجيبوها توالنا ونخدمو بيها يبقى الواحد يخير لوبتيسيان لمليح فقط يلي يحب المجال ويخدم من قلبو هوما صح سابقينا في نوعية الزجاج مش في التركاب لانو نركبو كامل كيفكيف + بالنسبة للمونتير ريبان لي خيرتها هل انت متاكد من انها تخرج على وجهك اذا كنت متاكد اخدمها برا على روحك واذا لا مننحصكش تتسرع لانو قادر تجيبها وتخرجش عليك وتولي طيشها في الدار هكاك برك + بالنسبة للنظر بعين وحدة اخي راني فهمتك اخي وراهو شيء طبيعي متشوفش الحاجة صافية مليح بعين وحدة لانو المخ مبروقرامي على زوج وهكا زاوية النظر تكبر ويكبر معاها الشون فيزيال وبالتالي النقاوة تكون مليحة لكن لما تنحيلو عين اكيد يتحدد مجال النظر وتنقص النقاوة لن لو ركزت لمدة دقائق بعين وحدة رايح تشوف مليح وعادي لذلك متتوسوسش من هذي الجهة وزيد لاكوراكسيون لي كتبهالك الطبيب راهي trés faible ومتقدرش تقول بلي كاين اختلاف بين الروية بين العينين لانها فابل بزاف بزاف ومتسببش عدم نقاوة لي راك تحس بيها وانا راني قتلك احتمال تكون استيقماتيزم طبيعي واذا حبيت تتاكد روح لطبيب اخر هكا يتنحالك التوسويس تاع عينك + ههههه حاب تعرف حوايج تاع الدومان علاه حاب تدخل تخدم فيه؟ امزح فقط جينيرالمون الانسان لي رايح يدير كوراكسيون يعقبو الطبيب على ثلاث مراحل الاولى autorefractomètre هذاك لي شفت فيه المنزل وبيه يقدر يحدد الدكتور درجة النظر تاع العين الثانية هي يشوفلك عينك واجزائها اذا كانت فيها حساسية او لاطونسيون او اذا كانت مش مريضة واسمو lampe à fente والمرحلة الثالثة هي يختبر نظرك بواسطة الزجاجات والنظارة وoptotype هذاك لي يقلك اقرا فيه الحروف وبعدها يقرر واش يمدلك في الوصفة الناس لي عندهم امراض يستعمللهم الات اخرى + نعم باش دير كوراكسيون مليحة لازم تتبع شروط عمل كل الة مثلا تاع لي شفت فيها منزل لازم تحط ذقنك على حافة الالة وجبينك تثبتو على هذاك الحديد المقعر ولازم تبقا مركز على البيت لي تشوف فيه ومتحركش عينيك ومتسكرهمش هكا باش تبان العين واضحة للطبيب ويلقا الصورة الواضحة توالو ويهز النتيجة الصحيحة وهو يعرف وقتاش تكون الصورة واضحة ليك بلا متقولو لانو تبان توالو + هو بواش قاسلك ليزيكار بيبيلار باش نعرف نجاوبكولا خدم غير بهذيك الالة وهل حركت عينك لما كان يقيسلك + بالنسبة لسوالك حول la miopye et l'hypermétropie راجع الرد هذا ورايح تلقا الجواب https://www.djelfa.info/vb/showpost.p...61&postcount=3 + بالنسبة ليكار بيبيلار تاعك يبانلي راهو صحيح لانو راهو في مجال المعدل الطبيعي عند الرجل وزيد الالات يقيسوه بدقة اكبر من المسطرة + جينيرالمون اذا كانت عين ناقصة على عين ويدير الانسان نظاارت روبوزونت احتمال تنقص عينو لانو مش مركبلها الكوراكسيون لي مدهالو الطبيب لكن في حالتك انت اخي راهو عطاك كوراكسيون ضعيفة بزاف وهي راهي روبوزونت ايضا وراني شاكة بلي متحتاجش ليها لذلك نصحتك دير نظارات 0 ماشي 0,25 ونزيدلك معلومة من 0 اللى 0,75 نعتابرو النظارات روبوزونت برك لذلك متتقلقش على العين تاعك ومتتوسوسش + شوف في حالتك انت راك تشوف مليح يعني علاش تحوس على 20 على 20 نورمالمون راك تشوف عشرة على 10 لكن انا رايحة نجاوبك بشكل عام النظارات تخلي الانسان يشوف مليح بيها وكاينين حالات تتعدل عندهم الروية وترتفع ويتخلصو منها لكن هذا الشيء يدخل فيه عوامل كثيرة مداومة استعمال النظارات الكوراكسيون الصحيحة الاستعمال الصحيح للنظارات العمر مدى تقبل العين للكوراكسيون المحيط لي عايش فيه الانسان وغيرها يعني كل عين وكيفاش هل فهمتني اخي + كلمة ناتر neutre معناها الوجاجة تحمل كوراكسيون معدومة اي 0 يعني انت لا تعاني من مشكل قصر او بعد النظر راجع الرد لي مديتلك الرابط تاعو تفهمني + العفو واجبي ومتعتبرش نفسك في مشكلة راك نت برك مكبر القصة النظر تاعك راهو مليح وجيد فقط تعاني من تعب وارهاق عينين بسسب ممكن الميكرو والخدمة على العموم اتبع النصائح الموجودة في الصفحات الاولى وان شاء الله خير واسال اي سوال يخطر في بالك احتراماتي |
||||
|
2014-09-12, 22:42
|
رقم المشاركة : 134 | ||||
|
اقتباس:
نعم الكادر أنا خيرتو وقستهم هنا في الجزائر وراهم راجعين باش يتخدم الزجاج برا ههههه .. يعني كرنفال كبير .. la monture de lunette جات مليحة مع الوجه .. بقي فقط مسألة الزجاج .. وهل يجب أن أعمل تصحيح أو لا .. بخصوص النظارة حبيت نديرهم برا من أجل monture وأيضا الزجاج وفوق هاد الشيء جودة قص الزجاج .. وهنا أريد استشارتك بخصوص الزجاج : أستعمل الحاسوب كثيرا وكذا قراءة الأوراق بكثرة إضافة إلى أنني أسوق نهارا وليلا .. وعليه بعدما اطلعت على موضوعك القيم فهمت أنه يتوجب عمل زجاج فيه تراتمون: أنتيروفلي، فوتوروميك ويكون الزجاج ترونزيسيون .. هل هناك اضافة أو هل ما ذكرت لا يلائمني ؟؟ بخصوص الرؤية بعين واحدة خلاص مليت الأمر وتعبت من التوسويس إلى اشعار آخر ههههه شكرا على المعلومات بخصوص الكونسيلتاسيون وكذا عمل الكوراكسيون لكي أنبه الطبيب لذلك .. الطبيب قاسلي ليكار بيبيلار بالآلة التي تظهر صورة المنزل لكن عيني كانت تتحرك كما قلت لك الصورة لم تكن ثابتة وأنا كنت أتبعها اينما تحركت والطبيب لم ينبهني لشيء .. يعني كنت نحرك في عيني .. على حسب ما فهمت إذا كتب الطبيب كلمة neutre بغض النظر على العدد الناقص من -0,25 إلى 0,75 فهنا النظارة لا تحتاج كوراكسيون ويكفي تكون نظارة راحة عادية ؟ هل يمكن أن يعود النظر كالسابق بمعنى تزول نسبة النقصان ؟ وكيف ذلك ؟ شكرا جزيلا .. لقد أفدتني كثيرا وبمعلومات قيمة .. وهكذا يتوجب أن يكون الطبيب ناصحا ومرشدا أكثر منه مجرد كاتب للوصفات دون اعطاء قيمة للتوعية وطرق الوقاية .. بوركت ..  |
||||
|
2014-09-13, 20:56
|
رقم المشاركة : 135 | ||||
|
اقتباس:
اهلا مجددا اخي
+ اه مليح هكا على الاقل تعرف بلي الكادر يناسبك + معليش عملت مليح كي بعثتو برا على جال لكاليتي تاع الزجاج مي مقتليش واش من دولة بعثتهم ليها + شوف اخي اذا كنت مزلت موسوس على عينك اعمل كونسيلتاسيون اخرى عند طبيب اخر وشوف واش يقلك هكا باش تطمن على الاخر + شوف تاع خدمتهم برا على جال الزجاج نتيريلك الشابو فيها لكن تاع جودة ليمونتير والقص الاحترافي هذي نورمال رانا نخدذمو كيفكيف واصلا ليمونتير لي راهم يجيونا راهم يجيونا من برا راهو عدنا ليمارك كامل فقط شعبنا ميحبش الغالي لذلك في بعض الاحيان يظطر لوبتيسيان باش ميجيبش كامل ليمارك تقولو كادر يسقاملك ب900 يطيح يستغم الله غالب ليزوبتيسيان يراعيو مرات ظروف الناس خاص في الولايات المتوسطة والصغرى + اه يعني راك تركز بزاف بعينك على الاوراق والميكرو مليح ظرك نقتارح عليك +هههههه استنا راك خلطت شعبان في رمضان راك ذكرتلي جميع انواع الفار اصبرني ظرك نفهمك شوف اخي نقتارح عليك شيئين بما انك تسوق واومام طون تخدم بالاوراق والميكرو الاول انك دير زجاج اونتي روفلي هذو يساعدوك كي تكون تكتب في الاوراق لما تكون تسوق في الليل ولما تخدم بالميكرو الزجاجة هذي والتراتمون لي فيها يخليها تبين شغل لون اخضر او ازرق في الزجاج وتخليهي شفاف اكثر يعني تجي باهية في العين مع النظارة كيما راهي توضح الصورة  واذا كنت تتتجينا من الشمس اثناء السياقة في النهار دير نظارات شمسية طبية راح تساعد طول النهار وتخلي عينك محمية وفليل سوق بالنظارات تاعك ليفهم الاونتي روفلي او كي تكون تخدم كاين نوع جديد في النظارات الشمية امو polarisée واش فيه زايد على النظارات الشمية العادية انو يخلي الروية واضحة جدا وهو اياض يحمي العين من الاشعة فوق البنفسجية كيما النظارات الطبية العادية شوف هذي الصورة كيفاش يوضح مليح  هذا الاقتراح الاول انك دير زوج اتلنظارت الاولى للشمس والثانية للخدمة والسياقة الليلية اتلاقتراح الثاني انو دير نظارة واحدة وفيها كامل ليزوبسون انك تركب زجاج اسمو transitions في الكادر لي عندك وشا فايدة هذا الزجاج انا نقلك اولا فيه تراتمون اونتي روفلي يعني راهو مليح للميكرو وللقراية والكتابة والسياقة في الليل ثانيا فيه تراتمون فوتوكروميكphotochromique يعني يحميك من اشعة الشمس فوق البنفسية في النهار ويرجع اسود او بني حسب وشا خترت انت نوع الزجاجة وهذا التراتمون في الشمس يرجع الزجاجة سوداء او بينة عللى حسب الاختيار وفي الظلمة تولي الزجاجة يخف لونها وترجع بيضاء شوف الصورة تفهمني  >وانت دبر راسك شوف واش يخرج عليك انا ماعليا غير نشرحلك انوا الزجاج وانت خير على حسب حاسيتك للضوء + بخصوص ليزيكار بيبيلار متخافش الالة متطورة وتجيب الصح وراني قتلك القيمة لي كتبهالك مليحة وفي مجالها الصحيح + لا اخي مفههمتنيش neutre معناها الزجاجة تحمل الكوراكسيون 0 ومش معناها وشا قلت يعني منقدروش نهملو الكتبة لي موراها انا قتلك نسمي نظارات الراحة او الروبوزونت كل نظارة زجاجتها تحمل كوراكسيون من 0 الى 0,75 بالناقص او الزايد وسمينا الصفر ناتر لانو ميحمل حتى اشارة يعني حيادي هل فهمتني اخي والنظر من خلال الزجاج 0 هو نفس النظر بلا زجاج فقط يكون مفيد لانو تلقا فيه تراتمون زايدين كيما الاونتيروفلي والفوتوكروميك والترونزيسيون + نعنم اخي يمكن تتحسن العين وانا شخصيا كنت مدايرة روبوزونتفيهم كوراكسيون خفيفة الان راني بنظارة ناتر وراني قتلك سايقا تعتمد على اتباع النصائح الاستعمال تاع النظارة على لاكوراكسيون تاع العبد على العمر على مدى تجاوب عين الانسان على الشخص والمحافظة عولى النظارة وغيرها من الامور + اكرر لك اخي الفاضل انت عينيك راهم لاباس متتخلعش عليهم سواء رحت لطبيب اخر وعطاك نفس الكوراكسون او نحاهالك خلاص راهي عينك مليحة فقط تحتاج روبوزونت بسسب العمل تاعك او الخدمة على الميكرو لانو تركز بزاف عليهم هذا مكان ربي يهنيك اخي ويشفيلك عينك وبالنسبة للطبة ربي يهديهم اي سوال اخر في بالك على العينين راني هنا اخي تقبل تحياتي |
||||
|
| الكلمات الدلالية (Tags) |
| أبتومتريست, بيتنا. |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
~|[ « النظر هو الحياة.... كل ما يتعلق بالعين,النظارات, العدسات اللاصقة, الزجاج ستجد له اجابة هنا ان شاء الله» ]|~
العرض العادي
