حكاياتنا من القسم العام °°°°طوايش الصغر °°°°

[Amira Khaoula]

المشاركة الأصلية كتبت بواسطة اسامة

االسلام عليكم
قرأت ما حدثتنا به و كنت انتظر ان اعرف ما حل بالكلب هل ( سحتوه الزوالي ) او ( مات ربي يرحمو ) او ,,,,,
اما عن الطريحة مع كل احترامي تستاهليها
و طريحة اخرة بما حل بالعصفور
استمتعت كثيرا بطوايشك و لم استغرب ذلك من فتاة كون ان ما طرحه الاعضاء هنا منحني فكرة كل شئ ممكن من البنات ( ابتسامة)





لسلام عليكم
و ساعة على ساعة الميش ما نرميهش انا و علبالي بلي ماهمش صحابي لي رموه صار حتى انتموما ماكمش ساهلين نحساب فيكم تخافو منو عاد دوبل ميش بوكل عندكم
استمتعت بحكاياتك كثيرا

لالا خويا و الله يا ديك الطريحة ما نستاهلها راني كنت ندير فلخيركيما هوما علموني لقيت كلب يتيم ربيتو و من بعد عطاوني طريحة على حاجة هوما علموهالي
الكلب الزوالي حزنت عليه ايام و ليالي و من بعد عام تلاقيتو و لقيتو في احسن حوالوا تزوج ولا عندوا دراري رباه جارنا عندوافيلا و عاش مهني خير من لي كان عندي دايما تحت السرير: راه ما زال عندي بزاف طوايش الا ما كرهتش من لحيكايات D

[Amina1996]

المشاركة الأصلية كتبت بواسطة اسامة

السلام عليكم
تشوفي منيح و لا تشوفي مليح ( لبنانية )

ههه علاه علاه حتى نت يا اسامة و الله حشمتني ههه وجهي طاح ؟؟؟
علابالك انا ما نقولش مليح من كنت نقول منيح و دارنا يضالو يضحكو عليا لبارح برك كيعاد اخر يوم لعمي لي جا من الخارج عرضناه هو ومرتو و بنتو وعمامي كامل و درنالهم شخشوخة بسكرية ههه خطراش ماما بسكرية ههه كون تضوقها ما تشبعش منها هههههه وكي كملنا لعشا قتلهم و الله الشخشوخة جات منيحة زعما انا عاونت ماما بديت نلعبها تفلقو كامل بالضحك ومباعد قالي عمي مليحة قتلو هيه منيحة الطربق علاه راكم تضحكو قالي عليك ههه
كرهولي حياتي منين نقول منيح يضحكو عليا و انا والله مانفيق وزعما وليت ساعات كي نكون فايقة نجيب جملة فيها هذي الكلمة باه نلعبها وليت نقول مليييييييييح
هههه قاتلي ماما اذا تطلعي الجامعة يعودو يضحكو عليك قتلها ما يتولهوش مالا مادام نت تولهت سما راح يتولهو
و المشكل ميش هنا قداه نكلمة ما ننطقهاش قدقد كيما تقولي ماما ياخي راكي عايشا معانا منين راكي تجيبي في هذو الهدرات ههه تبالي عندي لغة خاصة بيا
ناس يديرو ليكور في الرياضيات و ,,,,,,,,,, و انا راح ندير في تعلم التكلم هههه
نهدر بزاف صاي بزايد ههههه
علابالك عمي يقلي امينة واش بيك ساكتة و كي نبدا نهدر يندم علاه قالي واش بيك ساكتا
كي نهدر ما نسكتش حتى اذا كان موضوع تافه و ميش شرط نهدر بزاف ههههههههههههههههههه
سلام خويا اسامة

[اسامة]

المشاركة الأصلية كتبت بواسطة ana hia

ههههههههه بلا مزية

ايه معرووووووف و راك أون روشارش ثاني هههههههههههههههههههههههههههههههه

انا ؟

[/CENTER]

المشاركة الأصلية كتبت بواسطة الإدريسي العلوي الهاشمي

بارك الله فيك وجزاك خيرا

و فيك بارك الله
شكرا جزيلا لك اخي الهاشمي

[اسامة]

المشاركة الأصلية كتبت بواسطة ♥رحيق مختوم♥

طوايشكم يهبلو تع ناس استمتعت بطفولتها صح ههههه

انا في صغري ماكنتش نخرج بلا ماما يعني لعب و طوايش هادو منعرفهمش و حتى اولاد الجيران الصغار منعرفهمش نعرف غير الدار و العايلة هوما صحابي

و مرة جات قريبتي و ماما مش في الدار خرجتني معاها - و هي غير تع طوايش- لمت الاطفال الصغار كامل باه نلعبو عشة و زعمة باه يعدلوها جابو الحجر من جارنا قاعد يبني في الدار كي شافوه جاي هربو كامل حتى هي هربت تخبت معاهم غير انا بقيت قاعدة البخص الكل جا في وجهي ييي قداش بكيت هداك النهار خرجت يوم واحد و صرا فيا الباطل

السلام عليكم
لا بأس عليك يا اختي لكل منا طفولته و اكيد طوايشك راح يكونو حتى مع داركم و العايلة
اما عن موقفك ( علاه ما هربتيش انت ثاني ) اكيد لي بقا ثم هو لي يدي البخسة
استمتعت شكرا لحكاياتك هنا يا رحيق

المشاركة الأصلية كتبت بواسطة soriaalg

السلام عليكم ورحمة الله تعالى وبركاته
ههههههههههههههههههه والله نقرا ونضحك ايام رااااااااائعة كل شيء نعملوه ممتع فيها مجرد ما تذكر شيء من طفولتك ترتسم ابتسامة على وجهك من السعادة والضحك على طوايش الماضي السعيد
من اروع ذكرياتي النوم في حجر ابي (مرات نرقد صح ومرات نلعبها راقدة ) باش يرفدوني ويدوني لفراشي هههههههههههههه
خطرة كنت صغيرة شفت القمر كان مكتمل وكبير كنت اول مرة نشوفو قلتلهم اليوم القيامة وخرجنا للشارع وقلتلهم راهي لقيامة اليوم يا ويييييييلكم زعما انا خاطيني وهم بالصح خافو رغم انهم مش فاهمين واش معناها القيامة
خطرة كنت كي نشوفو القمر نقلهم شوفو راهو يتبع فيا نجري الشارع كامل وكي نشوف نلقاه نقلهم قلتلكم راهو يتبع فيا انا وين نروح يروح معايا قاتلي وحدة حتى انا قلتها روحي تشوف انا نبقى في بلاصتي وهي كي راحت تجري حتى نهاية الشارع شافتو هو اصلا يخي في بلاصتو ما يتحركش منين تشوف تحسبو رهو من جيهتك هههههههه مالا قلتلها كذاااااااابة راهو منا جيهتي انا قاتلي ضرك نجي من جيهتك ونشوف قلتلها ارواحي يا كذابة كي جات لقاتو من جيهتي قاتلي يا صح راهو يتبعك غير نتي هههههههههههههههههههه
كانت وحدة الطفلة خوافة وتكره وحدة معانا في الحارة قتلي انا نظربها ونتي حامي عيلا قلتلها متهنية هي تروح تظلم وانا ما نخلي حتى واحد يقربلها هههههه زعيمة الشر
كنت ندير الطوايش وكي يجي بابا باش يعيط علينا نقول لاختي اسمعي نوحل فيك ومن بعد نعطيك الحلوة ههههه ...مسكينة تدي طريحة ومن بعد ما نعطيها والو ههههههههه
هذا واش تفكرت

السلام عليكم
اكيد تبان عندك ذكريات باهية ربي يبارك استمتعت كثيرا بها
اما تاع الرفدان اختي الصغيرة بطلتها عندها قولي عامين و هي كبيرة و تقولهم يرفدني اسامة لخاطر بابا يقولهم خلوها برك هنا ( يعني وين رقدت ) اما انا نقولهم اها ادوها لبلاصتها يولو يقولولي هزها مالا ساعة على ساعة ندغدعها تموت بضحك و نقولها يالله اقفزي لبلاصتك يزي بلا دلال
تاع لقمر راه دارلك سبور غير تجري ( ابتسامة )

[اسامة]

المشاركة الأصلية كتبت بواسطة amira khaoula

لالا خويا و الله يا ديك الطريحة ما نستاهلها راني كنت ندير فلخيركيما هوما علموني لقيت كلب يتيم ربيتو:d و من بعد عطاوني طريحة على حاجة هوما علموهالي
الكلب الزوالي حزنت عليه ايام و ليالي و من بعد عام تلاقيتو و لقيتو في احسن حوالوا تزوج ولا عندوا دراري رباه جارنا عندوافيلا و عاش مهني خير من لي كان عندي دايما تحت السرير: راه ما زال عندي بزاف طوايش الا ما كرهتش من لحيكايات d

السلام عليكم
اهلا اختي خولة
صافي هوما علموك و مبصح انت يا اختي جاتك لحنانة سيول زايدة ياسر عليهم ( ابتسامة )
مبروك على الكلب ( عرسو ) الف مبروك و الذرية تاعو ان شاء الله صالحة ( ابتسامة )
و اكيد ما راحش نكره من حكاياتكم راه موضوع كامل منكم و ليكم ( ابابابابا اسامة شخصية )

المشاركة الأصلية كتبت بواسطة amina1996

ههه علاه علاه حتى نت يا اسامة و الله حشمتني ههه وجهي طاح ؟؟؟
علابالك انا ما نقولش مليح من كنت نقول منيح و دارنا يضالو يضحكو عليا لبارح برك كيعاد اخر يوم لعمي لي جا من الخارج عرضناه هو ومرتو و بنتو وعمامي كامل و درنالهم شخشوخة بسكرية ههه خطراش ماما بسكرية ههه كون تضوقها ما تشبعش منها هههههه وكي كملنا لعشا قتلهم و الله الشخشوخة جات منيحة زعما انا عاونت ماما بديت نلعبها تفلقو كامل بالضحك ومباعد قالي عمي مليحة قتلو هيه منيحة الطربق علاه راكم تضحكو قالي عليك ههه
كرهولي حياتي منين نقول منيح يضحكو عليا و انا والله مانفيق وزعما وليت ساعات كي نكون فايقة نجيب جملة فيها هذي الكلمة باه نلعبها وليت نقول مليييييييييح
هههه قاتلي ماما اذا تطلعي الجامعة يعودو يضحكو عليك قتلها ما يتولهوش مالا مادام نت تولهت سما راح يتولهو
و المشكل ميش هنا قداه نكلمة ما ننطقهاش قدقد كيما تقولي ماما ياخي راكي عايشا معانا منين راكي تجيبي في هذو الهدرات ههه تبالي عندي لغة خاصة بيا
ناس يديرو ليكور في الرياضيات و ,,,,,,,,,, و انا راح ندير في تعلم التكلم هههه
نهدر بزاف صاي بزايد ههههه
علابالك عمي يقلي امينة واش بيك ساكتة و كي نبدا نهدر يندم علاه قالي واش بيك ساكتا
كي نهدر ما نسكتش حتى اذا كان موضوع تافه و ميش شرط نهدر بزاف ههههههههههههههههههه
سلام خويا اسامة

السلام عليكم
اهلا اختي امينة ان شاء الله تكوني منيحة
و هدرتك هي هدرتك ما تبدليهاش على جالت الناس اختي تقولهم اسمي شمش و اهي اسمها شمس و عادي
و انا كي نحلف نقول (و ربي ) دجيهم غريبة ااااااااااااااااااااااو على جالكم نبدل هدرتي

[Amira Khaoula]

نتذكر كنت ثالثة ابتدائي الستاذ اول مرة يحكيلنا على يوم القيامة و انا ماني فاهمة والوا فلي قاعد يقولو تقول يهدر بشينوية
كيكمل هو قالنا كاش اسئلة تخيل واش سئلت
قلتلو استاذ القيامة نادت بكري يعني من قبل و لا مزال و هو من كترت الدحك ما جاوبنيش

[ana hia]

iiiiiههههههههههههههههههههههههههههههههههههههههههههه ههههههههههههههههههههههههههههه

[Amina1996]

المشاركة الأصلية كتبت بواسطة اسامة

السلام عليكم
اهلا اختي امينة ان شاء الله تكوني منيحة
و هدرتك هي هدرتك ما تبدليهاش على جالت الناس اختي تقولهم اسمي شمش و اهي اسمها شمس و عادي
و انا كي نحلف نقول (و ربي ) دجيهم غريبة ااااااااااااااااااااااو على جالكم نبدل هدرتي

اهلا خويا اسامة هههه و الله راني منييييييييييييييييييييحة ما خصني والو الحمد لله ان شاء الله تكون نت منيح برك ههههه
و ختك عندها الحق هيه اسمها شمش هههه و نت اااااااااااااااااااو على جالتهم تبدل هدرتك ؟؟؟ جامي تصرا ههههه ني غريبة ني هم يحزنون ههه
انا علابالك واش قالولي يعني ميش دارنا لي يجيونا : امينة اكباري شوي في عمرك 18 ومازلتي تلعبي هههههه
وتبالك نلتى بيهم هه جامي
وذن سمعت و لخرى قاتلها ديري روحك ما سمعتيش ههههه
كي جا عمي من الخارج كامل جاو بنات عماتي كثر مني بعام قاعدين مع لكبار و انا قاعدا مع ختي في عمرها 11 و بنت عمي لي جا في عمرها 10 وماتفهمش خلاص العربية و انا الفرنسية ناقصة كون تسمع كيفاه نهدر هههههه من لمزية ما تقدرش تسمع هههه
مسكينة من شدة ما عجبها لحال قالت لعمي ادي امينة معانا
واحد النهار كنا نلعبو في فن طي الورق كون تعرفو تصنع حوايج بالورق حيوانات ورود ولا اي حاجة نمووووت على هذي الخدمة فات علينا عمي قالي واش يا امينة راكي تفكري في روحك كي كنتي صغيرة قتلو علاه وكتا كبرت هههه انا جامي نكبر خويا اسامة و لي ماعجباتوش عقليتي ما عندي واش دخلني
انا ضاربا الدنيا بكوتبي ههههه