Mh47 الجزء الــــ84 من واش طيبتي اليوم - الصفحة 40

عطرالذهب · 2014-08-11, 19:24

اقتباس:

المشاركة الأصلية كتبت بواسطة أم ملك

بصحتكم عطورة النو أبعثوها من جهتنا راهي السخانة تقتل
أنا ثاني غسلت الفراش في النهار خليتو يقطر فوق الكرسي في الليل إن شاء الله ندليه من البلكو
في النهار نخاف يقطر على كاش واحد يدعيلنا دعوة الشر
للعشاء إن شاء الله باقي الطعام من الصباح نزيدلو مرقة تاع حليب بالكورجات و البطاطا نموت عليه كيما هاك

ام ملك راني في تبسة الجو بارد يسخف
والفراش غسلتو ونشرتو ثمثم على خاطر عندي حوش منقلق جيراني مايقلقوني
سعيدة ربي يخفف عليكم سيغتو انت

سعيدة8888 · 2014-08-11, 19:46

يويويويويويويو
اليوم عشانا شربة فريك بالدجاج
بصح على حساب الشوفة راح يصحلي غير الجناح
معليهش ربما ربي يفرج ونطير انا وولادي وزوجي ونديرو دار

سعيدة8888 · 2014-08-11, 19:49

بنات حبيت نسقسيكم على زوج حوايج
الاول شكون لي شافت عصير انا شفتو في رمضان في السهرات يحطوه في القنوات الجزائرية
يجي على شكل طبقات ملونة اخضر اصفر برتقالي و الله روعة ياريت تفيدوني
والثانية نحوس على الوصفات لي شاركو بيها الشافات في مسابقة رمضان

سعيدة8888 · 2014-08-11, 19:51

اقتباس:

المشاركة الأصلية كتبت بواسطة parfumdor1

ام ملك راني في تبسة الجو بارد يسخف
والفراش غسلتو ونشرتو ثمثم على خاطر عندي حوش منقلق جيراني مايقلقوني
سعيدة ربي يخفف عليكم سيغتو انت

ربي يخليك حنونة
المكيف كاين بس بس بس
بالمراقبة من الظهر حتى 4 نتاع العشية
مرة ولا زوج شعلتو في الليل كيما البارح و يوم السبت

malek nour hane · 2014-08-11, 19:55

ههههه سعيدة بصحتك الشربة بالدجاج وإن شاء الله ربي يفرج عليك اختي... عصير الطبقات داراتو حبوبتي عطر الله يحفظهالنا فقسم المسابقات رووووو عة

بسمة اكرام · 2014-08-11, 20:01

السلام عليكم
واش راكم اخواتي
انا عضوة جديدة معاكم
هل من مرحب

ناهدوران · 2014-08-11, 20:07

الهام اختي هداك القاطو انتاع الجلجلانية انتاع ام اماني محشي بالنستلي
والقاطو انتاع الشوكولاطة انتاع زمان للسيدة رزقي وهاي ليك المقادير: 500غ زبدة كاس سكر غلاس و 1/2 كاس كاكاو وفرينة للتشييح
اخدمي الزبدة (هنا الزبدة ماهيشي دايبة ) + السكر بالخلاط الكهربائي انا درتها بالعجانة ومبعد كيما يتخلكو مليح زيديلهم الكاكاو ومبعد شيحي بالفرينة وتيجيك العجينة كيما انتاع الصابلي ومبعد اطبعيها بالطابع انا درت هلال وانت كيما تحبي حطيه ايطيب وكيما يطيب خليه يبرد ومبعد لصقيه بالمعجون وديريلوا الغلاساج بالشكلاطة وحطيلوا شوية بريو
ملاحظة : الي ماعندهاش الكاكاو تنحي شوية من السكر وتعوضها بشلكلاطة البودرة
وبالف صحة وعافية

malek nour hane · 2014-08-11, 20:09

اهلين بسمة اكرااااام مرحبا بيك اختي... كاش اطباق ههههه قوليلي ضيفوني الساع انا نكونيكتي من الموبيل ضرك يضيفوك لحراير أهل الجود و الكرم.
وش خممتو للعشاء.. انا نقلي بطاطا و شوي كروفات و نسخن سباغيتي واجد من سوبيرات غير نسخن و الحمدلله

ناهدوران · 2014-08-11, 20:11

اسلام واية ربي ايهنيك بالمنصب انتاعك والف .....الف مبروك

بسمة اكرام · 2014-08-11, 20:12

ههههههههههههههههههه شكراااااااااااااااااااااااااااختي ملك
راني نستنى في ضيفتكم
وراجلي طيبتلو جواز نتاع بصل باللحم والطماطم
وعندي المطلوع والحمدالله

ناهدوران · 2014-08-11, 20:17

اغسلت الصوف وغدوة انشاء الله رايحة في رحلة من قسنطينة (عين السمارة ) الى ميلة (شلغوم العيد ) يديهالي الموسيوا باه يطرحهالي عند الطراح قولولها مع السلامة
وهاهي كيفاه جات ولي تقول ماهيشي بيضة غير الشطرب يشبع فيها هههههههه

ام سهام 02 · 2014-08-11, 20:22

السلام عليكم وصح عشاكم
درت لهم سباقيتي للعشاء وانا مانحبش ليبات قليت زوج بيضات

malek nour hane · 2014-08-11, 20:22

بصحتكم بسمة إكرام ضرك يدخلو لبنات و يضيفوك احسن ضيافة امممم تخرجي من هنا فيييل هههه
ناهدوران كيفاه صورتيهالنا مع طاكسي بيضاء تللش و تقوليلي مانقولكش ماهيش بيضا ههههه

lyzzabel · 2014-08-11, 20:23

ام سهام واش هو المحلب ما عرفتهش ؟؟
ام ملك التعمير عمري ما درته بكبد الجاج و ما نكذبش علييييك ما ناااكلههههش أكيد بلادنا كبيرة و كل مناطقها مشهورة بأطباق تختلف عن الاخرى

بسمة إكرام مرحبا بيك معانا حبيبتي بصح مشي تقوليلنا انا عضوة جديدة و نرحبو بيك و من بعد بحححح لا حس و لا خبر كيما بعض الأخوات هههههههه ،، بصحتكم الجواز و المطلوع

انا غادي نسخن لابيري بقاتلي مالبارح و نزيد معاها كاش حاجة ههههه و سلاطة و الحمد لله

ناهد عجبتني وصفة السيدة رزقني بزااااف مي ما نبغيش الكاكاو لوكان نديرها ندير الشوكولا كيما قلتي ،، شكرا حبيبتي غادي نديها لوصفات الحراير

ام سهام 02 · 2014-08-11, 20:24

اقتباس:

المشاركة الأصلية كتبت بواسطة بسمة اكرام

السلام عليكم
واش راكم اخواتي
انا عضوة جديدة معاكم
هل من مرحب

مرحبا بك معنا