Mh47 الجزء الــــ84 من واش طيبتي اليوم - الصفحة 13

omhadil · 2014-08-10, 10:57

المازة صباحك سعيد يا الغالية توحشتك وبصحتك التحويسة
ام امنية واش راكى ان شاء الله بخير كاش اخبار على ام مصعب توحشناها هادى مدة مابنتش
اولاى الله يبارك ويزيد شطرة تاع الصح راكى فحلة ونص ربى بصحتكم اختى
عطر رانى نستنى فى البقلاوة بفارغ الصبر

x ام رحاب x · 2014-08-10, 10:57

السلام عليكم ورحمة الله وبركاته

مبروك الكوزينة طير الرحمة يجعلها مبروكة عليك ويعطيك الصحة حبيبتي كلش هايل
هادو محاجبي درتهم البارح

هادا الطبق يقولولو طاجين الرخام درتو في رمضان

انشاء الله يعجبوكم

سعيدة8888 · 2014-08-10, 11:03

اقتباس:

المشاركة الأصلية كتبت بواسطة x ام رحاب x

السلام عليكم ورحمة الله وبركاته

مبروك الكوزينة طير الرحمة يجعلها مبروكة عليك ويعطيك الصحة حبيبتي كلش هايل
هادو محاجبي درتهم البارح

هادا الطبق يقولولو طاجين الرخام درتو في رمضان

انشاء الله يعجبوكم

ماشاء الله على هاذوك المحاجب كيفاه درتيهم راني نستنى وابعثيلي حقي
والاطباق روعة ماشاء الله

lyzzabel · 2014-08-10, 11:05

صباح الخيييييير ميمتي الحبيييييبة ام رحاب هاذي غيبة توحشتك انشالله راكي لاباس ،، المحاجب و الطاجين و السلاطة يهبلو يهبلو يهبلووووو يعطييييك الف صحة و عافية مواااااااح

ام هديل على سلامتك حبيبتي ،، الف مبروك الفاتحة على أختك شفتك كتبتيها بصح ما لقيتهاش باش ندير اقتباس هههه ،، ربي يعاونكم و ربي يجعله سعد الهنا ياااارب

عطورة بصحتك و بصحة البنات الجلبان بلي بولات مممممم

سعيدة8888 · 2014-08-10, 11:05

حقة ام رحاب وين ساكنة في الولاية ولا في كاش دائرة من ولاية الجلفة

أم محمد تاج · 2014-08-10, 11:10

صباحو ياغاليات ونهاركم مبروك نشالله
عسلايتي لووووووول الصور مازتلهم في الصفحة 5 واذا مابانوش نكمل شغالاتي ونرجع نحطلكم

omomnia15 · 2014-08-10, 11:12

الله يسلمك ليزالعقوبة ليك نشالله
ام هديل يسال عليك الخير
ام رحاب يعطيك الف صحة راكي شاطرة

ام الهضاب · 2014-08-10, 11:19

ام رحاب الله الله اعلى هذوك لمحاجب اممممممم
ليزابال و الله ماني عارفة أعلاه سماوه لمحوت و هو ما عندوش علاقة بالحوت ههههههههههه
عطورة درقي التصاور اعلى ولادك كي عادو يتوحمو هههههههه
اولادي خمسة و خموس اعليك فحلة و نص ربي يعطيك صحتك

x ام رحاب x · 2014-08-10, 11:25

صباحكم حبيباتي ربي يحفضكم والله حشمتوني
سعيدة راني عندي الضياف هاد النهارات والله كي يروحو ان شاء الله نوريلك كامل الخطوات حبيبتي
ليزا ام امنية ام الهضاب شكرا ليكم حبيباتي ربي يحفضكم

عطرالذهب · 2014-08-10, 11:26

البقلاوة نتاع عطورة
العجينة انا للبلا نتاع الفور العادي نستعمل كيلو اقل شوي من كيلو فرينة 5كيلات فرينة وكيلة سمن ذائب وقرصة ملح وشوي فاني ونلمها بالماء وماء الزهر حتى نتحصل على عجينة شوي قاسحة نخليها ترتاح ونعجنها حتى ترطاب ملييييييح ثم نقسمها على 2 قرصات نغطيهم بالنيلو ونخليهم يرتاحو
نحل القرصة الاولى على شكل مستطيل طويل ثم ندهنو كامل بالسمن حوالي 3ملاعق اكل ثم نطويه على 3 نتحصلو على مستطيل فيه 3طبقات ندهنو من فوق بملعقة سمن ونطويه على 2 نتحصل على 6طبقات ياخي فهمتوني
نعمل نفس الشيء مع القرصة الثانية ونخليهم يرتاحو في الثلاجو
نوجد الحشو كيلو كاوكاوبلاقشورمرحي وكاس سكر عادي وملعقة فاني ونصف قارورة عطر اللوزوقطرات من ماء الزهر مالازمش تبليه لازم يبقى ناشف باش يبقىمتماسك عند التقطيع
تحلي العجينة على حسب البلا نتاعك اللي تكوني دهنتيه وتحطيها فوقو وتحطي فوقها الحشو وتنظميه بالملعقة مليييييييح وترصيه لبعضاه ثم تحلي العجينة الثانية وتحطيها فوقو وتزيلي الزوائد وتدخلي الحواف وتقطعيها وتزينيها بالوردات من نفس العجينة او بالنقاش وترشقبها بحبة لوز وتسقيها بحوالي 4ملاعق سمن ذائب
اذا حبيتيها تخرجلك مليحة غطيها بالنيلو وحطيها في الثلاجة ساعتين او ليلة وكي تجي تطيبيها شعلي الفرن على اقصى درجة كي يسخن مليح اجبدي البلا من الثلاجة والى الفرنمباشرة خليها بتلك الحرارة حتى تذوب السمن كامل ثم نقصي النار الى متوسطة وخليها تطيب حتى يختفي السمن تماما وتبدا في الاحمرار من الحواف اطفي من تحت وشعلي من فوق ونقصيلها النار وخليها تصفار بالعقل باش تطيب الطبقة الفوقانية من داخل
كي تصفار وتميل للحمرار طفي عليها وعسليها مليح وخليها تتشرب ملييييح وبالصحة والشفاء

جومانة09 · 2014-08-10, 11:34

طير الرحمة وش معنى Mh47 في عنوان الكوزينة؟؟؟؟؟؟؟؟؟؟؟؟

انتصار فاطنة · 2014-08-10, 11:44

عطورة طريقتك في البقلاوة مختلفة نقل لزوجة خويا تجربها بطريقتك

Skikdya · 2014-08-10, 11:57

صباحكم معطر برائحة الجنة
واش حولكم حبابتي
نتمني راكم بخير
انا راني نتابع فيكم ديما
مع انو مشاركاتي قليلة
بصح راني نعتبر روحي وحدة منكم ربي يوفقكم

طالبة الجامعة · 2014-08-10, 12:10

السلام عليكم ورحمة الله وبركاته

malek nour hane · 2014-08-10, 12:17

السلام عليكم..... صح غداكم و مبروك الكوزينة الجديدة طير الرحمة ضرك إن شاء الله نكونكتي بالموبيل و نحطلك الفال
ليزابل التعمير روعة روعة راه ذاقوه خاوتي فمستغانم عند حبيب بابا و هدرولنا عليه قالونا حطوه مع البربوشة هايل بصح حنا مانعرفوهش... اممممباين بنين سيغتو من عندك الرد ماحبش يفوت للموضوع تاعك هبلني. سلامي حبوبة
أم محمد تاج توحشتك و راني نستنا فاطباقك بفارغ الصبر حقا شفتي لاغوسات تاع سباقيتي يا خي فهمتي وش كتبت إن شاء الله يكون عجبك و تجربيه
عطر يالهرابة فاشيتك بصح سرقتلك لاغوسات تاع البقلاوة هايلة و ساهلة روعة
سلامي ليكم كاااامل.....و نتمنى تدخل أم أناس و الهام طومة علابالي لادي الببونة هنا.