Mh47 الجزء الــــ84 من واش طيبتي اليوم - الصفحة 12

ام سهام 02 · 2014-08-10, 09:34

صباح الخيرات والانوار ويوم سعيد ومبارك للجميع

فطوري باذن الله دولمة سردين

lyzzabel · 2014-08-10, 09:41

صباح النور و الهناء حبيباتي و نهاركم طيب
عطوووورة ربي يعاونك يالحبيبة و في انتظار الصور طبعاااا
طير الرحمة صباح النور شكرا راكي قلشتيلنا على الصباح ربي يفرحك
ام عبودة عودة ميموووونة للأولاد ربي يحفظهم و يجعلهم من حفظة القران
ام سهام و ام ميتا بصحتكم السردين

فطورنا بإذن الله برانية في هاذ الحمان و الحمد لله على نعمه

أصبحنا و اصبح الملك لله

ام سهام 02 · 2014-08-10, 09:41

طير الرحمة يعطيك الصحة ركي مقلشتنا ربي يفرحك

عطورة الله يعطيك العافية ويقويك عزيزتي فحلة ونص و25

ام سهام 02 · 2014-08-10, 09:43

احلى صباح للحبوبة والغالية ليزابال وبصحتكم البرانية مسبقا اكيد من يدك بنينة

omomnia15 · 2014-08-10, 09:46

صباح الانوار راني جيت لحقنا البارح في الليل جيت دوشنا وجابتلنا خالتي ربي يخليها شخشوخة انا كنت رايحة نرقد بلا عشا كي شفتها سخفت كنت عيانة حبيت ندخل ومقدرتش نشالله كامل راكم بخير

ام سهام 02 · 2014-08-10, 09:51

بصحتك ام امينة التحويسة والشخشوخةولعقوبة لخرجة اخرى

سلمي على المازة مايش كامل تبان عسى المانع خير

ام عبودة · 2014-08-10, 09:55

الله يسلمكم الكل
الدار يرجعو غير الليل
وانا حكمتلي على بطاطا اللهلوبة.
امممممم نروح نطيرها ونزيد بلاك صوص تومات وصاااايي
راني غير انا واولادي وسلافي 5

omomnia15 · 2014-08-10, 09:57

الله يسلمك ام سهام المازة جات عندي يومين اليوم راحت لجيجل عطلة انا مشفتهاش التليفون معنديش متواصلتش معاها كاش اخبار نقوللكم
فطوري مسفوف باللبن
شحال راهي الساعة راني هاملة

ام الهضاب · 2014-08-10, 10:10

صباحكم ورد و ياسمين
غدانا اليوم المحوت كما الشطيطحة ، حمص و دجاج مع صوص بلوووونش ربي يدوم النعم

سعيدة8888 · 2014-08-10, 10:10

حنونة راهي 10:10
بنات كاش حاجة خفيفة؟

ام الهضاب · 2014-08-10, 10:11

ام أمنية بصحتك التحويسة انت و المازة

awladi · 2014-08-10, 10:12

صباح الخير عليكم مبروك طير الرحمة الكوزينة عتبة خير على الجميع

هذو حلويات درتهم البارح في الليل كامل راني مهدودة راه جاي لوسي مع مرتو حتى البارح في الليل باه قالونا نوضت نجري نخدم الحلوى لان حلوى العيد بح

الحلويات متن كل نوع درت20حبة اسمحولي مارجعتش
نروح نوجد الرشتة و العجين المورق ونفحفح الدار ونهيلهم بيتهم راهم عرسان جدد
واذا قدرت نزيد لصابلي بصح توبة قريوش ام اماني اشد اليد بصح اقرمش
بقاو على خير نروح لاشغالي
فطوري معلابليش واش لقاو يكلو

omomnia15 · 2014-08-10, 10:16

نسيت نبارك على الكوزينة مبروك ونشالله تكون فاتحة خير على الجميع
شكرا سعيدة الله يسلمك ام الهضاب
اولادي الله الله عليك يا الفحلة ويعطيك الف صحة وبصحتهم ضيافك يا بختهم بيك

lyzzabel · 2014-08-10, 10:22

ام أمنية بصحتكم بعدا شورتو حسبت غادي تقعدو كاش سمانتين ،، ماعليش خيرمن والو العقوبا لخرجة وحدخرا احلى من هاذي ،، بصحتكم الرقاق و السفة و سلميلي على المازة

ام سهام الله يسلمك يا الحبيبة و يخليك
ام الهضاب بصحتكم المحوت بصح علاش تقولوله المحوت و هو لا علاقة له مع الحوت

اولادي الله يعطيك الصحة يا الفحلة ربي يعاونك و لي قاتو لي درتيهم تووووووب ،، ياك كملتيلهم لا فينيسيون ولا مازال ؟؟؟

ام عبودة بصحتكم البطاطا اللهلوبية

اللهم اهدنا فيمن هديت و عافنا فيمن عافيت و تولنا فيمن توليت و اصرف عنا شر ما قضيت

عطرالذهب · 2014-08-10, 10:40

اولادي يعطيك الصحة والله راكي فحلة الفحلات ربي يعطيك صحتك
لبنات اللي سقسوني على البقلاوة نتاعي بعد لغدا ونحطهالكم
انا غدايا جلبانة بلي بولات لانو بناتي شافو جلبانة اولادي ضرك قالولي سخفنا عليها ههههههههههه