السلام عليكم و رحمة الله تعالى و بركاته
وعليكم السلام ورحمة الله تعالى وبركاته
متحصلة على بكالوريا2014
وقررت ان ادخل ميدان الطب الذي لطالما كان حلما و الان سأبدا بتحقيقه
في البداية مبروك عليك ومرحبا بيك بيناتنا أنانقرى في سطيف
و لاأريد ان تكون أول سنة كابوسا مخيفا
ربي يوفقك
لقد قرأت الكثير من المواضيع عن كيفية التحضير لاول سنة في الطب لكن بقيتت تراودني الاسئلة
لذا اارجوا من الطلبة الذين مرو بهذه المرحلةان يجيبوني
وفقا لتجاربهم
..........
-اولا سمعت بانه يجب التحضير لبعض المواد في الصيف قبل الدخول الجامعي فهل هذا صحيح
وماهي هذه المواد التي يجب تحضيرها و كيف و من اين ابدا؟
ليس بالضرورة التحضير أنا دخلت متاخرة والحمد لله وإذا كنت تريدين البدأ من الآن اشتري كتب وابداي ارسمي باش تتهناي منهم
-ما هي الكتب و القواميس التي علي شرائها و يمكنهامساعدتي؟le cours d'anatomie membre superieur et membre inferieur telgayeh f la bibliothèque la maison de l'ingenieur jaya fi gassab bech torosmi 3lih
-اريد ايضا الادوات التي ساحتاجها في كل مادة يعني كل مادة وش نحتاجلها (كراس صغير - كبير/ريجيستر - كلاسار.......)
هذا يعتمد على كيفاش موالفة تنظمي كراريسك وانتي وواش يساعدك
-وبالنسبة لاقتناء الكتب من المكتبة في الجامعة هل تساعدني في المراجعة ولازم كل فترة نجيب كتاب؟
تساعدك في تكوين روحك وتطوير مستواك داتيا لانه الدروس فيها واش يجي فالامتحانات
وشنهي هوما اهم الكتب اللي نقدر نحتاجهم في سنة اولى من المكتبة ؟
ماجربتش خرجت كتاب مرة وهو عندي حتى لآخر العام وجامي قريت منو
-وسمعت بلي كاين دروس خصوصية يديروها الاساتذة اللي يقريو في الجامعة , هل هي مفيدة وتعاوني او مجرد تضييع للوقت والمال و ارجو من طلاب سطيف يعاونوني بحكم اني رح نقرا ثما؟
في سطيف ما تحتاجيش الدروس الخصوصية كل شيء موجود في دروس الأساتذة مع بعض المعلومات التي يضيفها الأساتذة في الدرس
-و بالنسبة للدروس اللي يمدوها الاساتذة مطبوعة هل صححيح انهم يخليوم قبل فترة قصيرة منالامتحان
ويمدوها وهل لازم نشوف طالب قرى قبلي وندي من عندو الدروس و تكون واجدة دائما عندي او نعتمد على الدروس لي لقيتها في نت وهنا في المنتدى ؟
الدروس اعتمدي على دروس الاساتذة والمفروض نفسها تاع السنين اللي فاتو ماتكثريش على روحك المراجع بلا فائدة لانه الاسئلة رايحة تكون من الدروس . ماتامنيش كل وش يتقال بزاف كاين الكذب
-تنظيم الوقت و المراجعة هل تكون كل يوم درس لي نقراه نراجعو ولا كيفاه
مع اني بعيدة على االجامعة و لازم كل يوم نروح في الكار يعني وقتي كامل في الطريق
يعني كي تكوني آجور تجيك ساهلة من بعد متسحقيش تراجعيها بزاف (ويعني انا جامي كنت اجور) وبالنسبة للنقل ناكدلك بلي المراجعة في الدار افضل بمليون مرة من الاقامة
-وهل اللغة الفرنسية رح تكن عائق بالرغم اني منيش ضعيفة فيها بزاف نقدر نسلك راسي؟
على حسب مستواك في الفرنسية في الأسابيع الأولى رايح يكون عائق لأنه رايح يكون مصطلحات جديدة عليك والمصطلحات صعيبة سواء قريتي بالعربية أو الفرنسية لأنها حاجة جديدة
-وو اخيرا بالنسبة للحفظ كاين طلبة قالو بلي كلش حفظ في الطب حتى الفيزياء و الرياضيات يوليو حفاضة و انو النقاط المليحة للحفاظين ؟
لا تعتمدي على آراء الآخرين ، الفيزياء والاحصاء نفس الدروس التي درسناها في الثانوي مع بعض التفصيل يجب ان تستعملي دماغك وتفهمي قبل ما تحفظي لان الحفظ بدون فهم بدون نتائج
وارجو من طلاب الطب في سطيف يعطوني نظرة على الدراسة هناك ؟
ان شاء لله نكون قدرت نعاونك واذا لقيتي زيدي سقسي المهم ماتسمعيش الكلام المحبط والخلايع مادامك جبتي المعدل الا وانت قادرة باش تكملي واللي قراوها ماشي خير منك وكاينة حاجة ديريها في بالك ماتقرايش كيما الناس للكنترول (درتها انا العام اللي فات)احتسبي الاجر و اقراي للميدسين باش ماتكرهيش ورايحة تكون اوقات تكرهي فيهم وانتي اللي لازم تحفزي روحك شوية صبر وارادة وعمل ان شاء الله كلشي رايح يكون كيما حابة
و ارجو ان اجد ممنكم الاجوبة
و لكم جزيل الشكر
العفو هذا واجب
( تقرير عن مشاركة سيئة )، و الموجودة أسفل كل مشاركة .
2014-07-22, 23:31
العرض العادي
