الجزء 82من واش طيبتي اليوم**تحضيرات العيد**

[دائمة الحمد]

صحة فطوركم وربي يبارك فيكم
نهال مبروك يانهال البقلاوة فحلة وعندك ارادة في الحق يثبتوهالك هههههههههه لعقوبة لحاجة اخرى
الاخت لخضر كثفي مشاركاتك حت تولي30 تقدري تحطي الصور
حسناء كلش44444444444444 رانا كسبنا طباخة جديدة في الكوزينة
شموخ امراة ماشاء الله ارشيف هايل كلش يشهي
ام ماجد عملت قاطو الذكريات وليزا عملت قاطو من الارشيف وانا راني نخدم في سابلي عملتو كي هزت اسينات السيزيام عندو مدة حابة نعملو ذوقو هايل هذا وين كتب ربي باش عاودتو
حسناء تعيشي حطيلي روسات هذا راني من عشاق المعجنات




نكمل الصابلي تاع التراث ونحط الصور

[شموخ امرأة]

المشاركة الأصلية كتبت بواسطة mary1987

أهلا أختي شموخ واقيلا ما زالك صايمة واش من بقلاوة راكي تحكي عليها يا مخلوقة هذيك البقلاوة راهي تاع نهال ماشي تاعي ما خصني غير نخدم البقلاوة وعععععععععع طحتيلي في الصميم يا سيدي ربي يشفيني ويعافيني وتشوفو واش يخرج من يديا إن شاء الله يا ربي اشفني أنا وأشف أمي وأشف جميع مرضى المسلمين عاجلا غير آجل با ربي ولا تخرج رمضان هذا إلا وقد فرَّجت همنا ورفعت ضرنا ونفست كربتنا وشفيتنا شفاءا لا يغادر سقما يا عزيز يا كريم بسم الله الذِّي لا يضرُّ مع اسمه شيئ في الأرض ولا في السماء وهو السميع العليم

اسمحيلي اختي راني نكونيكتي من البوغطابل و الردود هذا فوق هذا ههههه ضنيتها ليك ان شاء الله ربي يشافيك و تخدمي احلى بقلاوة

[شموخ امرأة]

شكرا ليك اختي داءمة الحمد قلت ندخل لكوزينة نتعلم من اخواتي

[شموخ امرأة]

المشاركة الأصلية كتبت بواسطة hasna19

كواليس التسياق والنفيظة راني في نفس الموال جا رمضان اغسل كلش جا العيد اغسل كلش هنا عملت حملة ارمي كل ماهو قديم اللي رميتو كثر ملي خبيتو ياسلام ماعن خفاف نظاف يفتحو النفس هذه بعض من المواعين اللي شريناها في بداية رمضان والسلام مسك الختام..... خلصت مافي جعبتي ونتمنى نكون خفيفة الظل وماكثرتش عليكم بالصور والهدرة تصبحون على ماتحبون احبتي

يعطيك الصحة اختي كلشي هايل الله يعينك على التسياق و التخمال اثار حرب القاطو هه

[شموخ امرأة]

سماح اخت نهاااااال بصحتك الباقلاوة مازااني جديدة في الكوزينة و نخلط ببن الاسماء هه

[ادرارية]

سلالالالالالالالالالام حبيباتي واش احوالكم د ائمة الحمد راني جيت شكرا على السؤال الله يعزك

[fadoula fcb]

وينكم ليزا حطيلي لقاطو باش نخدم منو

[sara queen]

ام ماجد ربي يجبر بخاطرك طلعتيلي المورال انا حقرتو خخخخ . في انتظار نشوفو قاطو روزا ربي يخليهملك هي و صلاة الحراير ماشاء الله عليهم
ليزا العسولة هاتي نعاونك نديرلك الشيكولا للقاطو ولا نعاونك فالمقروط توحشتك حنونة ماكيش تباني بزاف ولا راني غالطة؟
حسنا ماشاء الله عليك كلش كلش روووووعة سخفتيني كي نقصتي الماعن ااااه كاين شوية قدور راني حابة نتهنى منهم وماما ماخلاتنييييييش هههههه كون نصيب نطيش كللللش و نعاود كللش جديد كل عام مي الحكومة تاعنا واعرة
حقى ماما ام ريمة الوالدة تسلم عليك وعد مني نفتحلها عضوية و تتعرفو عليها
المهم راني كملت نص الخدمة و غدوة بحول الله نكمل الباقي ربي يعاونكم اخواتي و ينعاد عليكم بالصحة و الهنا يارب
تحياتي للجميع

[ام سهام 02]

بصحتكم كامل و يعطيكم الصحة على واش حطيتوا و الله يبارك فيكم






برانية ليزا ربي يحفظها

و صفة اليسون يعطيها الصحة

اللهم ادمها نعمة و احفظها من الزوال .

[lakhhdar]

شكرا دائمة الحمد على التوضيح وتصبحن على خير

[lyzzabel]

سلاااااام يا الغاليااااات و يعطيكم الصحة على واش حطيتو
كنت برا و هذا وين جيت قلت نطل على بحلاوة نهولتي ،، برافو عليك يا الفحلة جبتيها لوكان مشي الفور دارها بيك بصح ماعليش لكل شيء بداية و المرة الجاية عسيها لااااازم

فضولة اسمحيلي حبيبتي هذا وين جيت تفضلي الوصفة
500 غ مارغرين تخلطي معاها كاس سكر رطب بالباتور و م ص لافاني و تزيدي 4 صفار البيض و بيضة كاملة و تزيدي تخلطي بالباتور مليح منبعد ضيفي كاس نواة كوكو محمصة مع زوج كيسان كاوكاو محمص بعد ما تكوني رحيتيهم مع بعض فالروبو و تخلطي بالملعقة ولا بيدك و زيدي كاس مايزينة و كيس خميرة الحلويات و تلمي بالفرينة حتى تتحصلي على عجينة طرية ،، غطيها و خليها تريح و من بعد حليها بالحلال و قطعيها بالمؤلفات لي تبغي انا درت دوائر و قلوب ،، نطيبهم في فرن سخون من قبل على 180 درجة قد ما تشوفيهم تحمرو غير شوية من تحت خرجيهم و خليهم يبردو شوية و نحيهم على مهلك مالبلا و من بعد لصقي كل زوج حبات مع بعض بالمعجون ولا بالنوتيلا و ديري قلاساج بالشوكولا ولا تاع الطلية كيما التشاراك قلاصي انا اعتمدت القلاساج تاع حبيبتي ام محمد تاج و زيني مالفوق بنصف حبة جوز و خطوط بالشوكولا و لك الاختيار طبعا في التزيين
ملاحظة : تقدري ما تلصقيهش و تديري حبة وحدة بالقلاساج بصح مين تحلي العجينة خليها سميكة باش تجي الحبة مرفودة شوية

مين نكمله نحط الصور بإذن الله

حبيبتي ماري القاتو فيه الفرينة ،، اصبري صبرا جميلا فانه مفتاح الفرج و ربي يعينك يا الغالية

ساااارة كويتيين يعطيك الصحة على واش حطيتي ،، مادا بيا تجي تعاونيني راني ما لقيت وين نشوف واااااااع هههههه الله يحفظك

داءمة الحمد ربي يعاونك يا الحنينة

حسنا الله يبارك كلشي يشهي يعطيك الصحة و النيتواياج سخفتيني بيه انا تاني لوكان نلقى نرمي نص الحوايج خخخخخخ بصح كلشي راه جديد غير مين الضيق مالقيت كي نديرلهم و الحمد لله على الصحة
ام سهام شهيتيني مممممممم يعطيك الصحة

رتوجة الله يعطيك الصحة شفت موضوعك تاع حلويات العيد بصح ما حطيتش رد كنت عجلااااانة ماشاء الله عليك فحلولة

راني نوجد في تبسيسة المقرووووظ دعواتكم حبيباتي

[kozate]

السلام عليكم النوع الاخير تع الاخت ام ساجد ما اسمه و الكيفية من فضلكم

[دائمة الحمد]

ادراري على سلامتك وان شاءالله ماتزيديش تغيبي والمهم راكي لاباس انت والاسرة الكريمة واش راهو ابنك والوالدة
سارةالتشاراك تاعك يهبل كالعادة متالقة
ام انوس الحبيبة راكي شايخة بالعرضيات كي تدخلي قوليلنا واش اديتي معاك
ام سهام جيتي وجبتي الخير معاك كلش يهبل يعطيك الصحة
شموخ امراة راكي استاذة بوصفاتك ومرحبا بيك في الكوزينة
ام يس ماكانش اليوم واقيلا عملت عملة كبيرة وابو يس معاقبها منعها من دخول المنتدى
ام ماجد مازالك مطولة بالكواليس
انا اليوم لا تراويح لا تهجد نشعة قبل المغرب بساعة غاضتني روحي حبيت نكمل عبادتي نتبع في دعاء الختم تاع السديسي ونبكي المهم ربي يتقبل مناومنكم الطاعات والعبادات

[دائمة الحمد]

ليزابيل ربي يعاونك وربي يعطيك القوة الاولاد الصغار راهم جهاد كبير بالصح اجرهم كبير سبحي يالعزيزة وصلي على النبي وانت تخدمي يعاونك ربي سبحانو
وراني في انتظار الصور النهائية للقاطو تاعك

[nihale89]

حبيباتي شكراااا لكن علي التشجيع ربي يخلينا احسن لمة
منصفاف يا حنونة ربي يحفظك راني نخليلك قسمتك
راني لقيتلها الحل نحتلها القشرة المحروقة تالمو مورقة تتنحا وحدها
وجات تهبل تقول ماتحرقت