الجزء 82من واش طيبتي اليوم**تحضيرات العيد** - الصفحة 38

Simassim · 2014-07-25, 20:59

صح فطوركم ربي يتقبل منا ومنكم

ام ساجد · 2014-07-25, 21:05

السلام عليكم وصح فطوركم

الله يبارك يعطيكم الصحة الكل فحلات وشاطرات الله يبارك

اليوم خدمت غريبة ام كوثر جاتني تهبل تهبل يعطيني الصحة هههههههه

دقائق ونحمل الصور

ام ساجد · 2014-07-25, 21:06

ام ماجد صح فطورك حطيتي صور الغريبة ولا مازال

أم ماجد · 2014-07-25, 21:07

ام ياسوه ملا انت خايبة انا اكثر ابعثيلي طابع
بليت البارح في الليل المقروط قلت الصباح نخدمو ؤرحت للمقبرة ذرفت 2 دمعات عشيت في حالة راسي قتلني ودرت لفطور ونضت وراهو ينتظر فيا واش اداني نبكي
ام تاجو ننتظر في صور العرضة بفارغ الصبر ه وطياب زوجة ابيك رائع كالعادة اكيد ربي يحفظ ملمتكم يارب
المقروط مسكين يشف

وهذا محمر في الكوكوت درتو البارح للفطور

غريبية لم كوثر تفتت على غير العادة واقيلا كثرت الفرينة زدتلها شوية زيت وعدلتها هاكي ام ساجد تشوفي

nihale89 · 2014-07-25, 21:09

ام ماجد راهي وعدتني ام تاجو تعلمني فيها ونديرها علي المباشر
بصح حابة نسقسيك باه نشري الحوايج
صينية نتاعي صغيرةنتعلم فيها برك 30 علي26
قدماه نشري فرينة والعسل والسمن
وزبدة التوريق لازمة ولا نعوضها
ام تاجو الليلة ماكنتش جاوبينيبرك باه نبعث زوجي ح يشريلي
وغدوة حصة مباشرة لتعليم البقلاوة

ام ساجد · 2014-07-25, 21:09

اقتباس:

المشاركة الأصلية كتبت بواسطة أم محمد تاج

راه جاهز عشايا

صح فطوركم ياغاليات

يعطيك الصحة ياام تاجو عكا تجي مميزة يا ام الارانب

ربي يدوم لمتكم ان شاء الله ويخليلكم الوالد الكريم

ام ساجد · 2014-07-25, 21:13

يعطيك الصحة يا ام ماجد بصح قوليلي علاه زدتيلها الزيت

نهال انا المرة هادي ما استخدمتش زبدة التوريق وجاتني مليحة ومورقة وحتى ام تاجة قالت ما استعملتهاش

دائمة الحمد · 2014-07-25, 21:15

zصحة فطوركم لبنت الكونكسيون راحت من العشية هذا وين رجعت
هذا فطوري

هذم خدمة اميرة راهي مازالت ناقصة في التشكيل

هذاالي راهو ماشي

awladi · 2014-07-25, 21:18

اقتباس:

المشاركة الأصلية كتبت بواسطة اماني السلام

اولادي تعيشي كنتي جربتي الكفتة تاع ام اماني اعطيني الرابط تعيشي

تفضلي حنونة واعذرا على التاخير ام اماني ماراهيش موضوع درتلك كوبي كول وعذرا مرة اخرى

كل الاخوات لي طلبو وصفة الكفتة تفضلو

في طنجرة نحط قطع من الدجاج+بصلة متوسطة مسكرفجة+زوج سنينات ثوم+فلفل ابيض اذا ماكش اعملي الفلفل الاسود+شوية فقط من الزنجبيل+ملح+شوية زبدة نحطهم على النار تكون هادئة وهذا سر البنة في كل الاطباق كيما علمونا امهاتنا الله يحفظهم

بعد ماتبل البصلة نزيد حوالي فنجال ماء ونخليها تتقلى ملييييح من بعد نمرق غير بشوية ماء

في هذا الوقت نحضر الكفتة نحط لحم مرحي+بصلة مسكرفجة+معدنوس يكون مقطع رقيق اذا كان خشين راح تتفتح الكفتة+ملح+فلفل اسود +بيضة اذا كانت كمية اللحم قليلة اعملي البياض فقط نخلط المقادير جيدا ونبدا نكور في الكفتة كاين بزاف كي يعملوها تتشقق وتتفتح في المرقة السر انك كي تكوريها كوري وفي نفس الوقت اضغطي بكف اليد مليح حتى تولي ملساء شوفي الصورة

إضغط هنا لرؤية الصورة بحجمها الطبيعي.

نحط الكويرات في الفرينة من بعد ننفضهم يعني مانكثروش كمية الفرينة ونحمرهم شوية في الزيت تحميرة خفيفة ونحطهم يكملو الطياب في المرقة

إضغط هنا لرؤية الصورة بحجمها الطبيعي.

في نفس المقلة نحط كمية من لي شومبنيو ندبلهم شوية من بعد نضيفهم للمرق
في الاخير نعصر شوية قارص تقدم مزينة بالمعدنوس والقارص والدجاج لي نكونو حمرناها في شوية زيت

إضغط هنا لرؤية الصورة بحجمها الطبيعي.

ان شاء الله تجربوها وتعجبكم

دائمة الحمد · 2014-07-25, 21:20

ام يس راكي وحدك عنك يوميات هي ههههههههههههههه

ام ساجد · 2014-07-25, 21:20

اقتباس:

المشاركة الأصلية كتبت بواسطة الأمنيات

هاهم قاطويا تاع العيد
حاجه خفيفه برك وسامبل

عسلامة اختي الامنيات والله البارح جيتي في بالي قلت ما عادتش تدخل واليوم رلكي طليتي مرحبا بيك

والقاطوات هايلة يعطيك الصحة

اقتباس:

المشاركة الأصلية كتبت بواسطة ام ايمان 11

مساء الانوار اخواتي صح صيامكم كااااااامل
ليكم وحشة كبيرة من اول ايام رمضان تقطعت عندي النت و غير البارح فتحناها.
اختي ام ساجد مبروك افتتاح الكوزينة منورة بتحضيراتك الرائعة و بكل تحضيرات الاخوات ماشاء الله عليكم كل شي هايل و تححححححححفة .
بالنسبة لتحضيراتي لحلوة العيد انا صنعت بقلاوة بطريقة ام سامي و خرجت هايلة ،درت قاطو الورقة و المقروظ و قلوب الشوكولاطة خرج هايل بصح للاسف خسرتلي الشوكولاطة كي نشفت ولات تشققت و لونها باهت غاضني ماعرفتش اين السبب مع اني جربت بالشوكولاطة تاع الميزان الخاصة بالحلوى و جربت تاني بشوكولاطة امباسادور و نفس الشي والله مافهمت ؟
ياريت تقولولي وش من شوكولاطة ديروا واش تزيدولها .
وصح فطوركم مسبقا .

مرحبا بيك اختي ام ايمان انا نستعمل شوكولا لابات قلاصي ونزيد ليه غير شوي ماء تجي كحلة وتبرق

اقتباس:

المشاركة الأصلية كتبت بواسطة سعيدة8888

مساء النور بنات
صح رمضانكم ينعاد عليكم بالصحة و الهناء
والله توحشتكم بزاف يعطيكم الصحة على الاطباق و الحلويات
شهيتوني

الله يسلمك اختي سعيدة ورانا في انتظار حلوياتك الجميلة

اقتباس:

المشاركة الأصلية كتبت بواسطة sara queen

السلام عليكم اخواتي
يعطيكم الصحة على كل حاجة راكم تقدموها ربي يجعلها في ميزان حسناتكم
الف مبروك افتتاح كوزينة الرائعة ام ساجد ما شاء الله كلش من يديك بالطبع
راني نطل عليكم غير من التيليفون ما نقدرش نعلق عليكم ببالواحدة راكم تعرفو هههه
المهم جبتلكم بعض صور تحضيرات العيد راني درت غير ليصابلي هاذا وش يحبو خاوتي
هاذا قاطو ماما لازم في كل عيد يحضر بالجلجلان.

قاطو النيستلي تاع ام اماني رببي يجازيها الجنة (باش يجي مغطي مليح ديرولو زوج مرات النستلي )

هاذا عاودتو زوج مرات بطلب من خاوتي هههه

وبدلت الشكل برك ههههه

هاذا صابلي الليمون درتلو كريمة الزبدة بالليمون ومن فوق شيكولا بيضا لونتها و درتلها ليكستري

وصابلي البيضة حشيت نص بالحلقوم ونص بحلوة الترك ومن فوق شيكولا بيضة لونتها

و طبعا مقروط و من بعد كشما نزيد نلبز و ندير ليكيسات و لينابرون للقاطو
سلامي ليكم بالواحدة و صح فطوركم غالياتي راني نحاول ندخل مرة اخرى بكاش جديد
سلاااام

سارة ما شاء الله حلويات تهبل والتزيين متحوف

ام ساجد · 2014-07-25, 21:23

صح فطورك دائمة الحمد واش عندك عرضية هههههه الله يبارك ويزيد

اولادي صح فطورك اختي واشهم الاشقياء ههههه ربي يحفظهم ويخليهم امين يا رب

أم ماجد · 2014-07-25, 21:25

اقتباس:

المشاركة الأصلية كتبت بواسطة nihale89

ام ماجد راهي وعدتني ام تاجو تعلمني فيها ونديرها علي المباشر
بصح حابة نسقسيك باه نشري الحوايج
صينية نتاعي صغيرةنتعلم فيها برك 30 علي26
قدماه نشري فرينة والعسل والسمن
وزبدة التوريق لازمة ولا نعوضها
ام تاجو الليلة ماكنتش جاوبينيبرك باه نبعث زوجي ح يشريلي
وغدوة حصة مباشرة لتعليم البقلاوة

انا المقادير اعطاتني ام تاج الحبيبة ربي يهنيها بالقعدة مع اهلها
العسل شريت كيلو ونص ولستعملت كيلو وربع والسمن مارغارين مع زبدة التوريق صالحة
الكوكوا درت كيلو وشريت 30الف لوز وكان عندي لوز مرحي من قبل زدتو لكن جاتني عالية بزاف

nihale89 · 2014-07-25, 21:26

اقتباس:

المشاركة الأصلية كتبت بواسطة ام ساجد

يعطيك الصحة يا ام ماجد بصح قوليلي علاه زدتيلها الزيت

نهال انا المرة هادي ما استخدمتش زبدة التوريق وجاتني مليحة ومورقة وحتى ام تاجة قالت ما استعملتهاش

ام ساجد حنونة سما نقدر ندير فلوغيال

دائمة الحمد · 2014-07-25, 21:26

مقروضي راهو طاب يهبل بريحة الماء زهر والعطرشية