الجزء 82من واش طيبتي اليوم**تحضيرات العيد** - الصفحة 10

بشرى2008 · 2014-07-23, 15:39

’’’’’’’’’’’’’’’’’’’’’’’’’

ديدا ديدا · 2014-07-23, 15:59

السلام عليكم اخواتي وامهاتي هذي اول مشاركة نكتبها بصح راني متتتبعة دائمة كل يوم لازم نطل على آخر المشاركات ولى عندي إدمان هههه المهم يعتيكم الصحة على كلش تاع الصح حراير انا عندي عام ملي تزوجت وراني وحدي والله استفدت بزاف من إبداعاتكم سواءا فالطبخ او الحلويات مشكورين وصح فطوركم

**وحدها غريبة ** · 2014-07-23, 16:00

شكرًا اختي أولادي وبشورة جزاكما الله خيرا
ايه راني مكملتوش درت نص برك وحطيت العجينة في الثلاجة
ايه بشري درتها رقيقة مبعد نكمل مالا ونخلي السمك خشين شوي
بارك الله فيك علي التنبيه

أم ملك · 2014-07-23, 16:20

اقتباس:

المشاركة الأصلية كتبت بواسطة cuisineshowdalatifa

صباح الخير و كوزينة مربوحة أم ساجد
عندي طلب عند الاخوات اللي تقدر تعطيني رابط الصابلي بالبيمو و الي جرباتو تقولي واش ملاحضاتها
أما عن تحضيراتي للعيد
البنيون بالسيقار (قرمشة رهيبة)

و هذي هليلات بالقلاصاج

و هذي قاتو نص بنص لأم أماني روعة ذوقا و شكلا

يعطيك الصحة كل شيء هايل من فضلك أعطينا وصفة اﻷول

fadoula fcb · 2014-07-23, 16:22

متضحكوش علي تقطيع نتاع بقلاوة راني اولا مرة نتعلمو

أم ملك · 2014-07-23, 16:30

أختي ليزا ما معناها راني فوق السرج ما فهمتش؟؟؟؟؟

دائمة الحمد · 2014-07-23, 16:48

ام ابتسام ممكن عملتي كمية السكر كاملة انا نقصت نصف كاس وعادي راه كي تديريلو المعجون يطرى ما تحطيشو في الثلاجة راه فية الخميرة من بعد يهبطلك

روعة الصحراء · 2014-07-23, 16:49

من فضلك دائمة الحمد وصة البطاطا ربي يسعدك دنيا واخرة

Aya69 · 2014-07-23, 16:59

السلام عليكم ام ساجد مبروك عليك كوزينة ربي يحلي أيامك يا رب
لبنات سالت قبيل ومجوبتونيش بصح معليهش راني عاذرتكم مشغولين
وهذي مرة لوكان متجوبونيش نشقى ليكم للجزائر وحدة وحدة راني حابة ندير صابلي مورانغ نتاع ليدي بصح عمرري مجربت مورانغ وش تنصحوني راني نستنى
خدمت. سيقار ام أماني وحلوى التاج بصح كور بلا ديكور وتشوف وش نزيد
صح فطوركم

دائمة الحمد · 2014-07-23, 17:08

والله يا ام اية مانيش شاطرة ياسر في المورانق ممكن تصبري يدخلو لبنات بعد لفطور
عزيزتي روعة امين يا رب البطاطة تنقيها وتقطعيها عادي وتحطيها في غميقة وتعمليلها الثوم مرابي الملح التوابل الي عندك عصرة قارس والموتارد كمية زيت وتخلطيها وتغطيها وتخليها وحدنص ساعة تشرب هذوكالتوابل
من بعد حطي فنجان ماء فالكوكوكط وفنجان زيت وخليهم يسخنو وارمي البطاطا بكلها بلي معاهاوقلبيها مليح وفطعي فوقها حبة والا 2طماطم واغلقي عليها الكوكوط ونقصي النار ربع ساعة وحلي عليها ا ومسيها اذاكان طابت طفي النار والا ما طابتش رجعيها تكمل ماتحركيهاش كي تطيب صبيها طول من الكوكوط للصحن يعني اقلبي الكوكوط راهي تعود زبدة وزينيها بالمعدنوس

Aya69 · 2014-07-23, 17:36

دائمة الحمد شكرا حبيبتي ربي يحفظك ويخليلك كل عزيز يارب

lyzzabel · 2014-07-23, 17:36

مساء النور يا غالياااات ،، النت هبلتني هذا وين تعدلت
يعطيكم الصحة كلكم بدووووون استثناء كلشي من يديكم توووووب

اقتباس:

المشاركة الأصلية كتبت بواسطة أم ملك

أختي ليزا ما معناها راني فوق السرج ما فهمتش؟؟؟؟؟

هههههههه يعني راكي جايبتها

حنا مين تكون وحدة تخدم في كاش حاجة نسقسوها نقولولها راكي فوق السرج ولا وراه ؟؟؟ السرج هو لي ينتحط فوق الحصان و زيدي افهميها وحدك

ام ساجد التشاراك وجدت العجينة راهي فالثلاجة و الحشو تاني برمته و غطيته ،، قعد غيلا لليل بإذن الله والله ما لحقت مع الاولاد و الفطور و خصووووصاااا منصف حبوبي

فطورنا اليوم حريرة و بوراك و معقودة و سلاطة و نعجن الخبز اكييييد

اييييه نسيت نقول لجيادا ماشااااء الله على اطباقك يعطيك الصحة حبيبتي

ميمتي ام رحاب مممممم كلشي يشهي من يديك ربي يحفظك

ميمتي الحنيييينة ام ريااااض وااااااع توحشتك بزاااااف و صندوق الرسائل تاعك راه معمرررر نتمنى تكوني بخيييييييير
اتهلاو فرواحكم حبيباتي و صح فطوركم

حسبي الله الذي لا اله الا هو عليه توكلت و هو رب العرش العظيم

ام ساجد · 2014-07-23, 17:58

مساكم بالخير يا لبنات

ام اية ديري كيما قالت ليدي في الوصفة تجيك الميرانق مليحة

ليزابال ربي يعينك اختي صح مع الشغل والاولاد ربي يكون معانا

لبنات تبانلي الوقت قصار في العشية ولا راني غالطة

فطوري الجاري طفيت عليه ودولمة دجاج وصفة اليسون امممممممم

وهاذي بقلاوة ام انس راني خلطتها ومن بعد لفطور نبدا فيها ديركت

x ام رحاب x · 2014-07-23, 18:00

مساء الخير حبيبتي دائمة الحمد واش راكي دايرة فيها ربي معاك راني قريت واش داير فيك سي اسيد اصبري حبيبتي راه قريب يخلاص وانولو كيما كنا
ليزا حبوبتي راكي مع الحلوة ربي يعاونك حنونتي وام رياض كل مرة نبعتلها رسالة ماتروحش انشاء الله تدخل وتقولنا راهي بخير والله غير توحشتها مووووووووووووووووووووت
وصحة فطوركم كاملين

ام ساجد · 2014-07-23, 18:04

دائمة الحمد شكرا علاى الاجابة حتى انا درت كيلو وشوي لانها 5 كيلات غير جربيها تاع لابات فيلو تهبل وساهلة خلاص بلا كبير تاع الكوشة ثمثم تكمليه ان شاء الله في عرس اميرة تخدميها

ام ماجد الله يخليك اختي وربي يخليلك شيخك ويهنيكم

اولادي تسلمي اختي ورانا في انتظار صور حلوياتك واولادك ربي يحفظهم طوايش تاع صغر عادي

جيل مرحبا بيك معانا اختي