السلام عليكم مبروك على بنتك الباك لعقوبة للتخرج ان شاء الله
المهم شوفي اذا كنت حابة ديريها في رمضان في السهرة كيما دارو صحابات ماما ننصحك ماتكثريش القاطو و ركزي على الفواكه و تفنني فيهم مثلا ديري salade fruits و مبعد زيدي ديري بروشات فيهم فواكه متنوعة و ركزي على الحوايج الباردين كيما العصائر و الفلان ديري تاع طبقات ولا كيما تحبي على خاطر الناس في رمضان ياكلو ياسر و كي ديري القاطو مهما كان مليح راح يبقى مالا ديري 3 قاطوات برك كيما المقرود و زوز مايطيبوش باه يجيوك ساهلين و باردين يعجبو للناس و مبعد لازم ديري تاي
اما اذا حابة ديريها بعد رمضان كيما ماما نقولك واش راح نديرو : راح نديرو بقلاوة قسنطينية و مقرود تاع الكوشة و زوز قاطوات مع القهوة واحد يطيب نسيت اسمو مبصح هو معقد شوي و واحد مايطيبش تاع الجوز و شكلو يهبل شافتهم ماما في كتاب تاع حلويات ذهبية وراح نديرو ان شاء الله قاطو تاع سميرة مايطيبش مع العصير
سامحبني راني طولت عليك الهدرة المهم انا عطيتك رايي و انت خيري كيما تحبي و اذا حابة قاطو فاخر شوفي في كتاب حلويات ذهبية ولا شوفي قسم الحلويات راهم ربي يبارك الفحلات تاعنا يديرو حوايج يهبلو