عااااااااجل نداء لبوتقجيرت نهلة - الصفحة 2

0nouna9 · 2010-07-10, 10:57

من تواضع لله رفعه المتكبر لا يرضى عليه الله و لا العباد اخي اقرا مليييح من بداية العام و تبع في القسم مع البروف و توكل على ربي و حسبنا الله و نعم الوكيل

خلووود · 2010-07-10, 10:58

العفو خاوتي
رانا كامل خاوا هنا

وربي معاكم
والاخت نهلة ممكن تكون ماشافتش الموضوع

موفق....

خلووود · 2010-07-10, 10:59

وان شاء الله نتا تجيب خير منا

ونجو نزغرتولك ههههه

سلاااااااااااااااام.....

darksayuki1 · 2010-07-10, 11:09

بارك الله فيك خلود و حظ موفق في الجامعة

nadjibosse · 2010-07-10, 11:15

شوف خو دير في بالك تدي واش مكتبلك ربي .وزيد بزيادة مفتاح النجاح الصبر أي أنك تتعب في الدراسة من جميع النواحي أي تقرا كل شيء ماتخلي حتى حاجة أما فيما يخص المعدل دير في بالك عمرو ولا كان مقياس على ان الطالب قراي من المعدل لأنني أعرف ناس قرايين بصح ماجابوش معدلات ممتازة .وفي الأخير أنا أنصحك بأن تجعل وقت مخصص لدراسة وقت لمشاهدة التلفاز وقت تع للعب الازم تنويع لكي تنجح وأفضل دراسة بعد الفجر أي فيها يكون العقل قادر للإستعاب أكثر ومليحة للحفظ وأنصحك بتناون المكسرات كاللوز والجوز و زيت البركة والزبيب لأنها تزيد في تنشيط الذاكرة والأكل له دور كبير وأخطيك من الشيبس والمأكولات السريعة.ربي يوفك باش تنجح فالباك2011.

mosta207 · 2010-07-10, 11:46

للحصول على ذلك المعدل يجب عليك الاجتهاد و اطلب ربي العام القادم يكون مليئ بالاظرابات لكي تكون سنة ناجحة لبن بوزيد

raoulho · 2010-07-11, 11:06

ملء السنابل تنحني تواضعا والفارغات رؤوسها شوامخ

خولة سكيكدة · 2010-07-11, 11:29

نقلك حاجة خويا منتكلموش على نهلة لأانو مناش عارفين ظروفها ويمكن لم تنتبه للموضوع أصلا لكن انا أختك جبت 15.60 ( يعني معدل متواضع جدا) لكن نقدر نقلك بلي الباك مهوش كيما بكري درك الي يقرا يجيب ننصحك اخي انك من بداية العام تحط لنفسك هدف واياك انك تفشل في لحظة من اللحظات لأنو العبرة بالخواتيم
لا تستهن بأي مادة يعني الفلسفة موش نقلك أحفظها لكن مرة على مرة ولو أقراها برك وحاول تحضر الدرس في القسم وننصحك بالمتميز في الفلسفة وإدا مفهمتش كانش حاجة أسأل ومتتحشمش لانو رايح تلقا ناس ينزلو عزيمتك وهوما في الأخير رايحين ينجحو
بالنسبة للمواد الأدبية حضرهم مليح في كل فرض واختبار هكدا في آخر السنة تلقا روحك مراجعهم مليح ومتستهينش بالمسطلحات والشخصيا ونقلك تاني أحسن شيء هو أنك تعمل ملخصات لكل مادة هكدا باش تركز على الاهم
بالنسبة للمواد العلمية ركز فيهم مليييييييييييييح لانهم هوما كل شيء انتبه في القسم وحل اكبر عدد من التمارين
ومتخلطش المواد بزاف يعني كل يوم اعمل مادة وحدة علمية ووحدة ادبية بالنسبة للكتب الخارجية متكثرش بزاف وانا بحكم تجربتي ننصحك بما يلي
علوم الطبيعة والحياة لأحمد أمين خليفة
الهباج و المتميز في الرياضيات
الشامل في الفيزياء
والمتميز في الفلسفة
بالنسبة لتنظيم المراجعة اعمل جدول يومي ورتب فيه المواد على حسب أولوياتك وعيش حياتك عادي يعني ساعة فساعة ولقراية اقرا فالوقت الي يساعدك لأنو كل واحد وكيفاش موالف
نتمنى نكون أفدتك ولو بالقليل ونحن في الخدمة في أي وقت تحتاج فيه للمساعدة

native · 2010-07-11, 12:09

خوياااااااا لعزيز خليني نقلك حاجة حتى لوكان ما جاوباتكش نهلة ممكن كيما قالولك ما شافت الموضوع ولا شافاتو بصح .............. الله يهدينا كامل ان شاء الله.و انا نقلك احمد ربي احمد ربي احمد ربي عندك خاوة في هادا المنتدى كلنا نعونوك بربي و انت عليك ادير القلب و الباقي على ربي *الدنيا كاتيب*

minar_2 · 2010-07-11, 12:19

oui nahla je tefélicite vraiment tastahel

sarra · 2010-07-11, 13:53

السلام عليكم و رحمة الله و بركاته
أخي الكريم أنا أسية و تحصلت على معدل 17.61
أولا لا تلوموا الأخت نهلة فلربما هي مشغولة
المهم أنت طلبت كيفية الدراسة
أخي الكريم الحصول على تقدير لا يعني أن تكون أنشتاين
الأمر بسيط جدا و الله صدقني يكفيك التوكل على الله
لا أحد ينكر التسهيلات هذا العام لكن هدا لا يعني أن الفضل هو فضل العباد لا و ألف لا إنه فضل من الله عزوجل
يجب أن تتحلى بالإرادة و الصبر مع بعض الاجتهاد
أخي الكريم لا تنسى أن ترتاح
في امتحان البكالوريا أهم شي أن تكون مرتاح فكريا
لا تضغط على نفسك كثيرا
و في الأخير بالتوفيق لكم جميعا

raoulho · 2010-07-11, 16:11

اقتباس:

المشاركة الأصلية كتبت بواسطة sarra

السلام عليكم و رحمة الله و بركاته
أخي الكريم أنا أسية و تحصلت على معدل 17.61
أولا لا تلوموا الأخت نهلة فلربما هي مشغولة
المهم أنت طلبت كيفية الدراسة
أخي الكريم الحصول على تقدير لا يعني أن تكون أنشتاين
الأمر بسيط جدا و الله صدقني يكفيك التوكل على الله
لا أحد ينكر التسهيلات هذا العام لكن هدا لا يعني أن الفضل هو فضل العباد لا و ألف لا إنه فضل من الله عزوجل
يجب أن تتحلى بالإرادة و الصبر مع بعض الاجتهاد
أخي الكريم لا تنسى أن ترتاح
في امتحان البكالوريا أهم شي أن تكون مرتاح فكريا
لا تضغط على نفسك كثيرا
و في الأخير بالتوفيق لكم جميعا

جازاك الله خيرا اختي الفاضلة

sarra · 2010-07-12, 21:28

أريد أن أعلم لماذا يحقد طلبة النظام القديم علينا هكذا
و الله لقد تضايقت كثيرا من لسعاتهم و كلماتهم القاسية

sarra · 2010-07-12, 21:34

ممكن شرح لهذه الظاهرة و هدا الحقد

ح ـكآيه م ـبدع · 2010-07-12, 23:19

اقتباس:

المشاركة الأصلية كتبت بواسطة sarra

ممكن شرح لهذه الظاهرة و هدا الحقد

الكلاب تنبح و القافلة تسير