اختي عادتني ؟؟؟

[سومية1]

المشاركة الأصلية كتبت بواسطة *الفتى الصغير*

لا تغضبي يا أختي

إنما قصدت
أني كُنت أعلم
ان المراة تغار

من جارتها
او قريبتها
او زميلتها في الدراسة
أو في العمل
او كنتها مثلا
او
او


امّا الاخت تغار من اختها

هذه جديدة عليّ

و الله لم أكن اعرف هذا

و هذا بالنسبة لي

إكتشاف العام

شيء جديد لم اكن اعرفه

لا تغضبي من سؤالي السابق
فقد كان دافعي هو التعجب لا غير

السلام عليكم

لا ابدا اخي ما من سبب للغضب....
ما زال امامنا الكثير الكثيييير لنكتشفه...

[¨°o.سيدو~علالو.o°¨]

الغيرة برك كيما وانا خويا لكبير نقلبها عليه هههه..سلااااام

[منى84]

هذي ماش مجرد مشاكل بين الاخوه جميع اللي يعرفوها يقولوا أختك غريبة الأطوار تصوروا كنا في القسم النهائي مع بعض أنا عاودت العام و فوتنا الباك مع بعض كانت من الممتازين في الثانوية و انا متوسطة عمرها ما فهمتني في حاجه جميع التلاميذ حاروا من تصرفها كانت تلعب لارياضيات و الفيزياء لعب و هاذوا نقطة ضعفي تخليني مافهماش و تقولي دبري راسك منيش قاعدتلك و انا نعمل المستحيل لمساعدتها حتى مذكرتها صارلها مشكل أنا وقفت معاها و عاونتها و هي بالعكس تحوس ديرلي أي مشكل و تفرح لما يصرالي مشكل خاصة لما كنت مخطوبة صراولي مشاكل تصوروا تشفات فيَ سعات نشك لكان هذي أختي ،شخصيتها جد منطوية على الناس ،لا تعمل علاقات اجتماعية ، تبخص الناس في الوجه وتعتبر نفسها أذكى انسانه وهي برك القاريه و تتكبر على الناس لا تتعجبوا أنا دارت في العجب العجاب مبالكم الناس.

[سومية1]

و لكننها تبقى اختك.... و مهما حصل خير من وحدة غريبة...

[*جوداء*]

زوجوها في اقصى سرعة

[التواقة للجنة]

السلام عليكم و رحمة الله وبركاته
اختي منى ابدا لا تحكمي على اختك انها تكرهك او تحمل لك حقدا او تغار منك.
مهما كانت تصرفاتها معك فتاكدي انها تصرفات خارجية فقط و قلبها يحمل لك حبا كبيرا لانها اختك...خرجتما من رحم واحد...دمها يسير في عروقك.
اذ عاملتك بالعنف فلا تردي عليها و انتظري حتى يهدا البركان و قومي اليها و كلميها بلطف عاميلها على اساس انك اختها الكبرى .
افتحي معها حوارا لينا ...لاميسها بلطف و ابتسامة اظهري لها حبك حاولي ان ترضيها ...بعد ايام سترين الفرق.
هنا سوف تراجع نفسها و ترى انها مخطئة معك.
الغيرة شيئ جميل ان كانت تغار منك فلن تاذيك ابدا انما تنافسك ...لكن ما سردتيه في كلماتك نفهم منه انها تحسدك و هذه غلطة فادحة...
و ابحثي كذلك في نفسك...انت كيف تعاميلنها...
ان وجدن فيك الاخت اللطيفة الحنونة المساندة دائما لهن...لا اعتقد و لا اتوقع هذه المعاملة...
سلااااام

[منى84]

أعرف من الأول واحد ما يصدقني سأثبت لكم العكس بدليل لما صار مشكل بيني و بين أهل خطيبي و افترقنا لمدة معينه قالت وهي تبتسم ههههههه طيشك عرفتها

[عُضو مُحترم]

الله اعلم .....................

[*ايمان*]

اثقت الهموم كاهلنا والله
كل يوم اسوء من الاخر
الحمد لله على كل حال
يااختي ربي يكون معاك
لا تخافي ستتزوجين وتنسينهما
بالمناسبة اين هي امك اين هو ابوك

[redouane1992]

ربي يهديها ويهنيك بعرسك...

[منى84]

المشاركة الأصلية كتبت بواسطة *ايمان*

اثقت الهموم كاهلنا والله
كل يوم اسوء من الاخر
الحمد لله على كل حال
يااختي ربي يكون معاك
لا تخافي ستتزوجين وتنسينهما
بالمناسبة اين هي امك اين هو ابوك

والديا موجودان ولا يعاتبوها بل يسكتوا و يقولوا لي لا تعانديها هذي هي عقليتها تصوروا لما ضربتني فيما بعد قال لي أبي انت الظالمة مع أنهم متيقنين أنها متسواش ولكن يحترموها خاطر نجيبة البيت و هي في صدد اعداد مذكرة الماجستير دائما يسكتون لأنها قارية مع العلم أنا متحصلة على ليسانس في المالية و لكن لأبي دائما يسخر مني أني لا أجيد الحساب.

[sabrina el-chark]

مهما يصرا ما بينكم لكنكم تبقاو اخوة .....و متقوليش على اختك هاد الكلام لانها ادا كانت هي تصرفت هكدا لانها عقليتها مش مليحة ....مالزمش انت تعانديها ....حاولي تتجنبي المشاكل معها قدر ما تقدري .....لانها في النهاية اختك و لو كلن كشما يصرالها انت اول وحدة توقف معاها لانها اختك ......ربي يهديها

[ام رحوقة]

ماتخليش الشيطان يدخل بيناتكم وادعي ربي وقولي لوالديك لا تتركي الامور تسوء اكثر وربي يهنيييكي عنن قريب

[sousouprof]

المشاركة الأصلية كتبت بواسطة منى84

منذ أن تخطبت عندي مدة عام أختي أقل مني بسنة و هي طالبة جامعية حاشاكم الأولى دائما على الدفعة و الثالثة في مسابقة الماجستير المهم منذ ذلك الوقت عادتني ولات متتكلمش معايا و تبحث عن المشاكل توصلت ضربتني و تحامات معاها أختي.؟ الصغيرة 14 سنة و حكموني من الشعر و يجبدوا حتى تساقت معظم شعري . قبل 15يوم برك كانت تجلس في سريري وتأكل قلت معليش و قالت لأختي أنه طاولة مطبخ ههههههه هنا غضبت و قلت لها انهضي من سريري رفضت عاودتلها 10مرات محبتش جبدتها من يدها حكمت شعري مقدرتش نحم شعرها كانل خاطر تاعي طويل و تعها قصير كيفاه ندير معاها و انا خايفه كشما ديرلي خاطر قرب عرسي

اختي الكريمة كيما قالولك الخوات الكلايمات حاولي انك تتفادايها و حطيها في التقيل و كيما راكي تقولي العرس نتاعك قريب معناتو راكي قريب تتهناي ربي يهنيك و مات خافيش ربي كاين و راه يشوف و الظالم يسلك يسلك اليوم ولا غدوة تاكدي بانها مجرد غيرة هذا ماكان
ربي يهنيك في حياتك الزوجية ان شاء الله
اختك سوسو

[الصفحة البيضاء]

عامليها كيما تبغيها تعاملك بلاك هي تاني حاسباتك تغيري منها . حاجة عادية قاع الخواتات يدابزو و يتصالحو بصح هدي الحالة وحدها خصها تشوف بسيكولوج يلا كانت مع قاع الناس هكداك .

يلا عندها امسان ممكن نقدر نساعدك. يلا عندها خليهلي في التوقيع يلا بغيتي .
احرزي روحك
و ان شاء الله رب يهديها