اين انتم ياطلاب العلم؟؟؟؟؟؟؟؟أفيدونا !!!!!!

[koukou_bioch]

هذو هوما العرب مافيهم لا قاري شريعه لا قاري فرنسية كل واحد يجري على مصلحتو و مايخمموش يفيدو الناس بعلمهم و لي يحبو يفيدو تلقاهم حاطين فوق راسهم ريشه و لي يهدر معاهم يشنفو عليه و لا يضحكو عليه و اسمحولي لي يقراو شريعه لحد اللحظة ماشفتش واحد او وحدة تعلم صح و تربى صح من دينا الاسلامي تلقاه غير كاركاس الحجاب صح طويل يكركر و لولاد صح يلبسو قنادر و يربيو اللحية و كي تخالطهم تقول يا لطيف واش داني في بالهم غير هما لي يعرفو ربي و اذا غلط قدامهم في حاجه خلات عليك مايقولولكش بالعقلية راك غلطت هكذا و راهي هكذا لا لا يديرو جهاد ضدك و كي تناقشهم انت في الشرق و هوما في الغرب يحفظو زوج احاديث و اية و يبقاو يعاودوهم ماتزعفوش مني بصح هذا واش شفت و نشوف و علبالي هذه هي السلعه الجزايريين يمشيو بعقلية معزة و لو طارت و مانقولش مايعرفوش الشريعه و لا حاجه حاشا لله صح عندهم معلومات بصح للاسف مارباوش رواحهم مليح بتعاليم دينا الاسلامي و ماتقولوش الطفلة هذي تهدر برك اني نقرا في الجامعه و عايشة في لاسيتي و علبالي واش نقول ساعات نفضل نهدر مه وحدة تضل برا و نطلب منها هي و مانطلبش من وحدة بالخمار لرجليها