السلام عليكم لقد جدبني موضوعك اخي hdj وقد قمت بنشره في احدى المواقع المصرية وايكم اول رد من قبل اخونا ابو ادهم المصري والدي سررت به كثيرا...
(انا فرحان جدا والله العظيم
على الكلام ده
بقدر حبى لبلدى واعتزازى بيها وبكونى مصرى ابن مصرى
وبقدر زعلى وحزنى على اللى حصل فينا
بمعنى كدا ابسط
اتغدر بينا فى ام درمان
لكن فى النهايه ما اقدرش اقول
غير ان مصر والجزائر اخوات
وغصب عنا وغصب عن عنينا
ولو مش دلوقتى هييجى جيل جديد من هنا
وجيل جديد من هناك
والله ساعتها ما عارف هيقول ايه
البلدين زعلانين وحرقو اعلام بعض وتفننو انهم يجرحو بعض
عشان مباراه كوره
ولا دى احقاد دفينه
طب مين زرعها
طب مين نماها
طب من ناحيتنا احنا
شباب الجزائر الصغير اللى بيدخل يقول احنا مع الصهاينه
واحنا بنتعامل مع اليهود
ويوصل بيهم الحقد ان نكون احنا اعدائهم
كل ده ليه
وكل ده مين زرعه
وكل ده مين نماه
اه انا زعلان على بلدى وفرحان قوى ان اتردت كرامتنا كرويا
حتى الخساره والمكسب شئ عادى
لكن يكون عندنا عدو اساسى على يمنا
نعمل احنا كمان عدو لينا من اهلنا واخواتنا وحبايبنا واصحابنا
فى الجزائر
احنا الاتنين بنتهم بعض بالهمجيه والرعاع ومفرجين علينا الدنيا كلها
ليه يعنى
عشان ايه
الموضوع لازم يخرج ويتقفل
اعرف ان فى مصر ناس كتير عندها الوعى والجرأه انها تقول
لا
احنا والجزائر اخوات
لكن يا ترى فيه فى الجزائر كدا
ايوه فيه
انا متأكد)
( تقرير عن مشاركة سيئة )، و الموجودة أسفل كل مشاركة .
2010-01-20, 11:15
يا 106
العرض العادي
