جرح من اعز صديقة ساعدوني

[زينونة الجزائر]

[b]بسم الله الرحمن الرحيم
انا حابة نستشيركم في مشكلتي وهي اني عندي صاحبتي من 8 سنين يعني عشرة عمر بصح في هذي الايام تبدلت عليا بزاف منعرف علاش وقاعدة تجرح فيا على الطالع والنازل واخر حاجة كيما عادو رايحين يخطبو لاخوها ويحوسو على وحدة كي سالتها قالتلي يحوس على وحدة قارية وطويلة وبيضاءورزينة يعني تقلي انت ماتنفعي وانا اصلا مانديهش كون يوزني بالذهب لانو وبكل صراحة اقل من طموحي وهي عارفة انا واش حابة في الراجل الي نحب نديه وهي اكتر وحدة عارفة بلي جاوني فرص زواج الف وحدة تتمناهم انا الي غاضني انها تحاول تجرحني لاني مانيش مكملة قرايتي وهي جامعية وانيو كانت عندي حكيات مع شباب طيش مراهقة زعمة هي مدارت والو وبدات تلمحلي بانهم حابين يخطبولو صاحبتي الي هي بمثابة اخت ليا او صحبة اختي مع انها عارفة انهم ماشي رايحين يقبلو ا والله نار في قلبي من جيهتا كنت نعزها صح ومانشيش الي يقول عليها كلمة ماغضتنيش على جال خوها الي غاضني انها تعايرني بالقراية وعلى حوايج صراو في الماضي ساعدوني كيفاش نتصرف معاها الله يخليكم

[انغام المنى]

[COLOR="DarkOrange"][SIZE="4"]السلام عليكم
اختي زينونة ابنة مدينتي نقولك حاجة كون جات صاحبة تاع الصح كون متجبدلكش اصلا على القراية باش ماتجرحكش لانو هذي حاجة تاع ربي وعلى الشباب الي عرفتيهم نورمال البنات كامل عرفو المهم ما يتمداوش في الغلط واهم حاجة كانت لازم تقولك انت اول وحدة على خوها لانك صديقتها المقربة حتى لو عارفة انك ما تقبليش ومتروحش تخمم في اي وحدة تعرفيها وقولي لصحاحبتك وصاحبت اختك ما يقبلوش لان الي مافيهاش خير لصاحبتها ما فيهاش خير لمرت خوها واجبدي روحك منها بشوية وانا حاسة بلي مكتوبك رايح يجي هدا العام وما تنسايش تعرضيني ونقولك حاجة مطحيش مع الناس بنيتك بزاف يكلوك وربي يهنيك وادعيلي نتزوج هذا العام ومتقلقيش روحك في هذي الدنيا عندك ما تشوفي ]

[salah60]

الله اكبر

نعم متعلمة ولكن غير مثقفة الدين النصيحة شكرا لك انت مثقفة مع النات و الله المستعان الابتعاد عن هذا النوع احسن لك يا اختاه

اظن ان اخاها قد لمح لها باعجابه بك

[korabicas]

شوفي ختي تمسكي بربي وشوفي النتيجة

[امبراطور البحر1]

قال صلى الله عليه وسلم : "لا تصاحب إلا مؤمنا ولا يأ كل طعامك إلا تقي

[زينونة الجزائر]

بسم الله الرحمن الرحيم
شكرا لكم اخوتي اثلجتم صدري بهذه العبارات وجعلتموني اتخذ قرارا

[رحاب الأمل]

السلام عليكم
أنا نظن عندكم 8سنين صحبات معنى هذا أنكم تتوافقوا في بزاف حوايج معناها قبل ماتخلي صاحبتك خمي مليح في الحوايج المليحة لي كانت بيناتكم وزيد بلاك نتي راكي تتحسي في موضوع القراية وفي موضوع خوها أنا نشوف أي زوج صحابات ميحبوش يتقاربوا في الزواج باش مايخسروش بعضاهم.
خمي مليح لانوا الصداقة نادرة في زمننا
سلام

[قمر الايمان]

السلام عليكم انا انقلك مادام انتم عندكم 8 سنين صاحبات ماهيش فترة قليلة يا اختي انت راكي اتقولي بلي هاذ الايام تبدلت عليا بزاف ومنعرف علاه ...
والله احسن شئ هو انك تصارحيها قوليلها واش راكي حاسة ماتخليش الامور غامضة ومتحكميش على صاحبتك بلا ما تفهميها ولا تفهمي علاش معاملتها تغيرت معاك ربما شئ بسيط لانو الشيطان وسواس .... ربما صحبتك سمعت شئ او شافت شئ منك وما قدرتش تواجهك فغيرت معاملتها معاك
لازم انت تهدري معاها يا اختي مادمكم صاحبات منذ 8 سنوات يعني تفهمو بعضاكم مليح لازم الحوار والصراحة يا اختي
انا حبيت انقلك بلي هادي عشرت عمر بينك وبينها وباش تلقاي صداقة حميمية انتاع الصح راهي صعيبة بزاف
امالا عاودي حساباتك وما تخسريش صحبتك حتى تفهمي واش هو الموضوع معاها تما احكمي عليها .........
لوكان جات معريفتك بيها جديدة كنت انقلك قلها ......دزي معاهم ..... بصح هاذي راهي لانتيم انتاعك حاولي
ماتخسريهاش .

[أم سهيــر]

علاش هدى الحاجة تصرى برك بين لبنات ؟؟

[*جوداء*]

اللي يبيعك بالفول بيعو بالقشور ..يعني اي حاجة تديرها ماراحاش تنقص منك ولا تزيد فيك

بعدي عليها وريحي راسك ...عندي بزاف صديقات انتهت مدة صلاحيتهم وكاين صديقات والحمد لله ذهب خالص مصفي يحبولي اكثر ما يحبو لانفسهم

الزمن يصفي الناس وما يصح الا الصحيح

[جليل2]

تجاهليها يا اخت السكوت عن السفيه جوابه.اما قضية الزواج فالزوج رزق والرزق من عند الله فلا تشغلي بالك بشيءوان شاء الله ربي يوفقك..............

[صُبح الأندلس]

أجيبك بقول الشاعر :

إذا امتحن الدنيا لبيب تكشفت**** له عن عدو في ثياب صديق

[زينونة الجزائر]

بسم الله الرحمن الرحيم
شكرا لكل من اعطاني نصيحة

[•~ندية الجوري~•]

السلام عليكم
من يزداد علما ... يزداد تواضعا
و المعرفة , الثقافة , و كثير من الأمور التي
يفيد بها الشخص نفسه في مشوار حياته
لا علاقــة لها بشهادة جامعية
فالمهم أن يكون لديك معرفة و معلومات في مجالات
كثيرة ... نافعة ...
و الصديق الحقيقي ... يحس بك و يفهمك
دون أن تهمس بما يدور في ذهنك
بما أنها صديقتك .. فهي تعرف ما يؤلمك و يجرحك
لا نجزم أنها قصدت ... فل نقل زلت لسان
و كم نخطئ ... فجل من لا يخطئ
قد تكونا بحاجة لفترة بعد ...
تسترجعا فيها ذكرياتكما الجميلة ... فثمان سنوات
أكيد لا تخلو من أروع الأيام
صارحيها فهي صديقتك ... ولا تظني نفسك دونها
لكي لا تنظر لنفسها أنها أحسن منك
و إن وجدت صديقات أنسينها فيك
فلتجدي لنفسك صديقات ميزتهن الوفاء لك .