إدا اهداك الزهر مره & فأنا اهديتك بساتينه

[aseel22]

السلام عليكم اخواني هدي قصيده من أروع قصائد حامد زيد
[align=center
]بوقت من البطا و بليل تتراقص شيطاينه .. بعد شفت الضيا ينزع من ثياب المسا ثلثين

تحايلت المنام اللي مثل بيتك تمرينه .. و انا اللي من تفارقنا و انا ما غمضت لي عين

غريبة كل حلم يمر برقادي تزورينه .. و الاغرب كيف احلم الحلم و ارجع واحلمه بعدين ؟>؟>

قبل يومين شفتك بالمنام و قمت من حينه .. و نمت امس و رجع نفس المنام اللي قبل يومين

انا اللي قبل اسافر شلت قلبي من شرايينه .. تركته في يدك مثل الامانة واحفظيها زين

ترا حفظ الامانة دين مجبورة تردينه .. اجل ما فيه احد قالك حفظ الامانة دين ؟>؟>

مرد المقفي بيلفي و يستوفي و توفينه .. بعد ليلة , ثلاثة , اربعة , عشرة , شهر , شهرين

اذا انتي منتي بقد الكلام اللي تقولينه .. حرام استامنك حاجة و اذا جيت اطلبك تنسين

تخونين و تبين ارضى !! و احد يرضى تخونينه ؟>؟> انا لا جيت اخونك مع حبيبة ثانية ترضين ؟>؟>

من اول ما رجعت من السفر ما شفتلك بينه .. و انا اللي كنت احسبك قبل ادوس ارض المطار تجين

تكونين انتي اول شخص عيني تحتضن عينه .. و كنت اتخيلك من زود فرحة رجعتي تبكين

و اشوف بدمعتك حكيك و اعرفه قبل تحكينه .. و اجيب احلى من اللي بتحكينه و اتركك تحكين

تقولين الوطن نور و اقول بنور مضوينه .. تقوليلي غديت احلى و اقول عيونك الحلوين

كلام نام بشفاهك و خفتي لا تصحينه .. ذخرتيه لغرام اللي ينام و يتركك تصحين

تغانمتي غيابي لين رجحتي موازينه .. تعلم من يدك لمس الكفوف و علمك تجفين

و ليتك لاقية به شي فيني ما تلاقينه .. مهو بغرور لكن خابرك مالك امل تلقين

تغافلك بغلا و لا الحلا مهو بمن زينه .. تزينه الصور بس الصحيح ابن الحلال زوين

و انا ماني بناقص عنه يوم انك تبدينه .. نصيبي هو نصيبي لو يسددها من الصوبين

قنوع بمظهري و السم ما يذبح ثعابينه .. على قولة المثل (ماني بحلو و لكن ماني بشين)

اذا اهداك الزهر مرة انا اهديتك بساتينه .. و اذا ألهاك بفرح ليلة انا تهت لبكاك سنين

و اذا استضعفتك املاكه و شتتك ملايينه .. انا حتى فتات الخبزة اقسمها معك نصين

طموحي بس اجي و اظفر بشي تستحقينه .. تدينته , تسلفته , سرقته , مو مهم منين

كأني من كثر ما ارضى بكل اللي تمنينه .. لو انك تطلبين , الله يعيني بقول آمين

انا ما العب على الحبلين وقت الطيش و سنينه .. تبين الحين يوم اني كبرت العب على الحبلين ؟>؟>

ترا عند البدو بالذات عيب اللي تسوينه .. حلاتك لا عشقتيني تعشقيني ليوم الدين

غرام نسكن ضلوعه حشيمة من مجانينه .. جفا يجمع معزتنا ولا عشق يذل اثنين

كثار اللي تحدوني و قالولي تحبينه .. امانة لا تخليني صغير بعينهم تكفين

لاني كل ما قالوا تخون اقول مسكينة .. عليك الله و امانة علميهم منهو المسكين

انا خايف ليا (طاح الجمل تكثر سكاكينه) .. و انا ما عادت ضلوعي تحمل طعنة السكين

مثل ما قالوا "المكتوب واضح من عناوينه" .. لو ارحل منك للغربة بسافر من ظلامك وين ؟>؟>

كفاية كل حلم يمر برقادي تزورينه .. كفاية من تفارقنا و انا ما غمضت لي عين

قبل يومين شفتك بالمنام و قمت من حينه .. ونمت امس و رجع نفس المنام اللي قبل يومين[/align]

مع تحيات الليبي