موضوع حيرني ارجو التفاعل

[محمد مولاي]

المشاركة الأصلية كتبت بواسطة mima5555

أختي العزيزة أنا عندي عادي جداا أنو الوحدة كي تزوج تحكم بيتها و خاصة تلها تربي ولادها.. أنا مع هذا النوع من الرجال،، المرا في بلاصتها الطبيعية و الراجل في بلاصتو الطبيعية... الرجال ممكن يختارو في الجامعيات لأنهم مثقفات عموما.. و ميش معناها الوحدة راها تقرى غير باش تخدم تقدري تقراي على جال المستوى و الثقافة الي تفيدي بيهم أولادك.. بالنسبة ليا أسمى و أروع ديبلوم تديه المرأة في هذي الدنيا هو أولاد متربين و صالحين و ما نحكيلكش على أولاد النساء العاملات.. كاين لي ولادهم بداو الدخان في عمر 12 سنة و كاين لي واصلين حتى للزطلة..وووووو.... أنا نضن أنو المرأة العاقلة كي تزوج تحكم بيتها وحدها بلا ما يقولهالها واحد و تربي وليداتها أكيد راه يحاسبها ربي عليهم.. و من جانب الرزق راه على ربي إلا راه عاطيك ربي راكي تعيشي ملكة و إلا موش عاطيك كون تعودي رئيسة جمهورية ما تلحقيش... و ربي يسهل للجميع

كرا لك اختي على ردك الرائع ، ما كنتش نستنى في امرة نقول هذه الهدرة ، انا معاك المراة لازم تقعد في الدار وتربي ولادها مشي كيما اللي يخدمو ملي يخرجوا الصباح ماعلابلهومش بولادهم.....

[yayagoal]

على كل حال لا يمكن ان نتفق على رأي واحد و كل شخص حر في ما يقول
فالمجتمع اليوم أصبح لا يحترم لا المتزوجة و لا المطلق و لا الأرملة و النظرة إلى النساء تبقى دائما ناقصة.
صدقني وتيقنبلي والانسان هو اللي يفرض على الناس باش يحترموه ومهما كان المجتمع راهو افراد وكل واحد عندو يماه اختو زوجته بنتو لازم عليه دائما يشوف للنساء من هذاك المنظار وزيد اللي يصدر منو مايسيء للمراة هداك راه حالة شاذة والشاذ لايقاس عليه
دراسة امريكية أثبتت أن ما يفوق 75 بالمائة من النساء العاملات يتعرضن لمضايقات في اماكن عملهن سنويا .هذه ليست ظاهرة شاذة و الأمر أصبح خطيرا و لا يطاق و في الجزائر غالبية النساء ترفض إثارة الموضوع خوفا من الطرد و تفضل السكوت و الصبر .
والله والله والله شخصية المراة راهي تلعب دور اساسي في الموضوع ممكن تكون تخدم في وسط كلو رجال لكن شخصيتها تخليهم يحتارموها وحتى النظرة مايتجرؤش يشوفو ليها
إن لم تستحي فافعل ما شئت

[simsima687]

ختي لي راهي تقول المره لي قاعده فدار ملينه انوثة و لي تخدم العكس
هادي قااااااع منبش موافقاتك عليها خاطش المرة التي تقعد فدار هي التي كون سامحة في روحها و ماشي شليفة.الا من رحم ربي
بصح المره التي تكون تخدم تهتم بروحه خاطش راهي تخرج و تشوف و عارفه واش كاين
و الانوثة تكون فلمرة التي تهتم بروحه و تعرف كي تتعامل مع الناس بلبقاة بصح لي قاعده فدار مظنيتش تكةن عندها هاد القدرات

[منى]

المشاركة الأصلية كتبت بواسطة simsima687

ختي لي راهي تقول المره لي قاعده فدار ملينه انوثة و لي تخدم العكس
هادي قااااااع منبش موافقاتك عليها خاطش المرة التي تقعد فدار هي التي كون سامحة في روحها و ماشي شليفة.الا من رحم ربي
بصح المره التي تكون تخدم تهتم بروحه خاطش راهي تخرج و تشوف و عارفه واش كاين
و الانوثة تكون فلمرة التي تهتم بروحه و تعرف كي تتعامل مع الناس بلبقاة بصح لي قاعده فدار مظنيتش تكةن عندها هاد القدرات

احتراماتي لرأيك أختي.. حاولي برك تفهمي الفرق بين المرأة العاملة و المرأة الماكثة بالبيت،، المرأة العاملة تلقايها بطبعها عندها نوع من التسلط و شوية وعارة في طريقة هدرتها و في نفس الوقت تخرج كي هي كي الرجالة مع صباح ربي تجري معاهم كراع بكراع.. أما المرأة بالبيت تصبح تنقي في دويرتها و توجد في غدا وليداتها و تسنى في شويخها و وليداتها يجوها تلقايها حشامة متواضعة و خاصة تعجبني المرا لي تعود دايرة عجار و لا نقاب معناها مكانش راجل غريب يشوف روووووووووعة طبعا على عكس العاملة.. بالنسبة للأنوثة أنا لحد الآن ما حسيتهاش في وحدة خدامة قد ما حسيتها و لمستها في أروع الأمهات الماكثات في البيت... شوفي برك وجه الماكثة في البيت كيفاش يكون حنين و رقيق على عكس العاملة تعود ضاربتها الشمس و دايرتلها طبة في وجهها...
شكرا لكي... يبقى مجرد رأي

[جولنار1000]

كرا لك اختي على ردك الرائع ، ما كنتش نستنى في امرة نقول هذه الهدرة ، انا معاك المراة لازم تقعد في الدار وتربي ولادها مشي كيما اللي يخدمو ملي يخرجوا الصباح ماعلابلهومش بولادهم.....

شكرا على التدخل على الرغم من انك لم تخدم الموضوع بصفة عامة علاه في بالك النساء كامل يحبو البرا على رايك راني قلت كاين الماكثات في البيت ماذا بيك تعطينا رايك في الموضوع انا تاني ممكن اذا لقيت الهنا وجميع الشروط متوفرة نقعد في الدار لكن من رايي انا اللي نحب اما واحد يقبل ويسكت ومبعد يقول يا تستمر علاقتنا يالخدمة نرفضها لي او لاي واحدة خاصة اذا قارية وتعبت بغض النظر عن الاسباب اللي تدفعها للخروح سواءا مادية او معنوية

[منى]

المشاركة الأصلية كتبت بواسطة yayagoal

على كل حال لا يمكن ان نتفق على رأي واحد و كل شخص حر في ما يقول
فالمجتمع اليوم أصبح لا يحترم لا المتزوجة و لا المطلق و لا الأرملة و النظرة إلى النساء تبقى دائما ناقصة.
صدقني وتيقنبلي والانسان هو اللي يفرض على الناس باش يحترموه ومهما كان المجتمع راهو افراد وكل واحد عندو يماه اختو زوجته بنتو لازم عليه دائما يشوف للنساء من هذاك المنظار وزيد اللي يصدر منو مايسيء للمراة هداك راه حالة شاذة والشاذ لايقاس عليه
دراسة امريكية أثبتت أن ما يفوق 75 بالمائة من النساء العاملات يتعرضن لمضايقات في اماكن عملهن سنويا .هذه ليست ظاهرة شاذة و الأمر أصبح خطيرا و لا يطاق و في الجزائر غالبية النساء ترفض إثارة الموضوع خوفا من الطرد و تفضل السكوت و الصبر .
والله والله والله شخصية المراة راهي تلعب دور اساسي في الموضوع ممكن تكون تخدم في وسط كلو رجال لكن شخصيتها تخليهم يحتارموها وحتى النظرة مايتجرؤش يشوفو ليها
إن لم تستحي فافعل ما شئت

بارك الله فيك صح المرأة هي لي تفرض احترامها مهما يكون... لكن في عمل المرأة ما هو أهم و هو تربية الأولاد هذا هو العمل الطبيعي و الأساسي..

[جولنار1000]

إن لم تستحي فافعل ما شئت
عفوا لكن ماذا تقصد بهاته العبارة كنت تقول كل واحد ورائيو بدون سب وشتائم وانت وش هذا التجريح اخي ان لم يعجبك الموضوع انسحب رجاءا انا طرحت الموضوع راه يعنينا كامل ويما ناس تقاست منو وعلاقات تحطمت بسبتو اولا : راني مصممة ومتمسكة برايي والله اللي تحترم نفسها واحد مايتجرا عليها علاه كشما شفت وحدة مقادرة روحها ودايرة لنفسها قيمة يتجرؤو عليها يخي وحدة كي تكون عندها شخصية يهابوها انت واحد كي تجي تقولها صباح الخير تهاب صح او لا هدي حقائق ماشي غير المراة حتى الرجل يفرضها على الناس ثانيا كي قتلك الخدمة وسط الرجال هذا ماشي عيب ربما توجد ظروف تحتم على المراة هداماشي شرط تخدم مع الرجال بمعنى الكلمة لكن الظروف تحتم عليها تتواجد في وسط رجالي ماعرفتش نوصلك الفكرة لكن نقولك بلي المراةبنت الاصل والفاميلا راهي حازمة ولا يشترط وجود الرجل لحمايته فادرة على شقاها نفرضو مات لازم تواجه الحياة بمفردها وتتكل على نفسها لانو الزمن الحالي اصبح يحتم عليها هذا الشيء ولهذا ناقش الموضوع من فضلك وكفاك سخرية

[البنت السوفية]

موضوع فعلا مثير للجدل راني مراة عازبة موظفة راني عايشة هذا الواقع ..............................واش انقلك ما فهمتش عقلية الناس كيفاش تتخمم ماعندهم شخصية ................؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟راني معاك انتظر الإجابة

[جولنار1000]

بارك الله فيك صح المرأة هي لي تفرض احترامها مهما يكون... لكن في عمل المرأة ما هو أهم و هو تربية الأولاد هذا هو العمل الطبيعي و الأساسي..
وفيك بارك اختي لكن السيد ماعجبوش راه يقول ان لم تستحي فافعل ماشئت

[منى]

المشاركة الأصلية كتبت بواسطة جولنار1000

بارك الله فيك صح المرأة هي لي تفرض احترامها مهما يكون... لكن في عمل المرأة ما هو أهم و هو تربية الأولاد هذا هو العمل الطبيعي و الأساسي..
وفيك بارك اختي لكن السيد ماعجبوش راه يقول ان لم تستحي فافعل ماشئت

الحياء تاج المرأة.. لكن قصد السيد فيه نوع من التجريح صح عندك الحق أختي..

[simsima687]

المشاركة الأصلية كتبت بواسطة mima5555

احتراماتي لرأيك أختي.. حاولي برك تفهمي الفرق بين المرأة العاملة و المرأة الماكثة بالبيت،، المرأة العاملة تلقايها بطبعها عندها نوع من التسلط و شوية وعارة في طريقة هدرتها و في نفس الوقت تخرج كي هي كي الرجالة مع صباح ربي تجري معاهم كراع بكراع.. أما المرأة بالبيت تصبح تنقي في دويرتها و توجد في غدا وليداتها و تسنى في شويخها و وليداتها يجوها تلقايها حشامة متواضعة و خاصة تعجبني المرا لي تعود دايرة عجار و لا نقاب معناها مكانش راجل غريب يشوف روووووووووعة طبعا على عكس العاملة.. بالنسبة للأنوثة أنا لحد الآن ما حسيتهاش في وحدة خدامة قد ما حسيتها و لمستها في أروع الأمهات الماكثات في البيت... شوفي برك وجه الماكثة في البيت كيفاش يكون حنين و رقيق على عكس العاملة تعود ضاربتها الشمس و دايرتلها طبة في وجهها...
شكرا لكي... يبقى مجرد رأي

شوفي حبيبه نهدرو من الواقع رانا نشوفو نسا قاعدين فدار و ديارهم قريب يخرج منها الدود. و كاين الي تخدم و دارها ماشاء الله خاطش شايفة و عارفة. فطورها ديره على الفجر و ولادها متبعتهم في قرايتهم بصح هاديك الي قاعدة فدار ولادها متنجمش تبعهم في قرايتهم خاطش مسكينة هي بروحها نسات واش قرات تولي عقلية مسلسلات و تليفيزيون و القدام. و بين قوسين المراة تبانلي عندها مجالات متخصصة هي اللي لازم تعمل فيها و احسنها و افضلها التعليم.
ايا حبيبه و المرة اللي تخدم تامن شر زوجها. هي لولا الواحد لازم يكون داخل بصفا و النية بصح لازم تاني يدير احتيطاته خاطش راكي تشوفي اليوم زواج غدوه طلاق و تروحي روحك كي تولي تجيبي معاك واحد و لا زوج. امالا الحذر واجب كيما يقولو قرى زمان عقوبة
و المراة العاملة اروع انظف اكثر اناقة اكثلا لباقة اكثر وعييييييييي. نقطة توقف
المراة المثقة تغير منها النساء و يخافها الرجاااااااال. نقطة و لكن الى السطر

[jamel2008]

المشاركة الأصلية كتبت بواسطة mima5555

أختي العزيزة أنا عندي عادي جداا أنو الوحدة كي تزوج تحكم بيتها و خاصة تلها تربي ولادها.. أنا مع هذا النوع من الرجال،، المرا في بلاصتها الطبيعية و الراجل في بلاصتو الطبيعية... الرجال ممكن يختارو في الجامعيات لأنهم مثقفات عموما.. و ميش معناها الوحدة راها تقرى غير باش تخدم تقدري تقراي على جال المستوى و الثقافة الي تفيدي بيهم أولادك.. بالنسبة ليا أسمى و أروع ديبلوم تديه المرأة في هذي الدنيا هو أولاد متربين و صالحين و ما نحكيلكش على أولاد النساء العاملات.. كاين لي ولادهم بداو الدخان في عمر 12 سنة و كاين لي واصلين حتى للزطلة..وووووو.... أنا نضن أنو المرأة العاقلة كي تزوج تحكم بيتها وحدها بلا ما يقولهالها واحد و تربي وليداتها أكيد راه يحاسبها ربي عليهم.. و من جانب الرزق راه على ربي إلا راه عاطيك ربي راكي تعيشي ملكة و إلا موش عاطيك كون تعودي رئيسة جمهورية ما تلحقيش... و ربي يسهل للجميع

عين الحكمة مشكورة على هذا التفكير السديد.

[mostefa82]

السلام عليكم و رحمة الله تعالى و بركاته.
-اولا شكرا لك على طرح هذا الاشكال.و هي ظاهرة جديدة على المجتمع.
لكن أنت تقولي أنه الواحد يخطب و حدة متخرجة أو أثناء الدراسة و يشرط عليها أنها ما تعملش.و الله هنا في ولايتنا العكس تماما.و كمثال .انا أعرف فتاة متخرجة من الجامعة خطبها كوافار وشارط عليها الخدمة.ليس له أي مستوى دراسي.و كل أبناء المنطقة اللي أسكنها لو تروح تسألو و تقولو واش راك حاب يقولك وحدة جامعية تعاوني في الشهرية.و أصبحت مودة.و هنا المشكلة.فرق في المستوى.هل واحد مشافش الجامعة يتعامل مع وحدة مثقفة و واعية.صعب جداااا.هذا من جهة
و من جهة أخرى.لا أتكلم عن الكل بل عن البعض.فأنه الفتاة ما ينفعها الا بيتها.مهما كان المستوى الدراسي.و العمل الا للضرورة القصوى و اشدد و أقول للضرورة القصوى.كيف ذلك.أنا شخصيا شاهدت شريط بثه التلفزيون الجزائري حول واقع المراة الجزائرية في العمل.فتكلمت أخت عاملة و قالت.*** في الجزائر .العمل جهاد.جهاد النفس والصبرو اتحدى أي امراة عاملة أن تقول لي بأنها لا تتعرض للاهانة الخلقية و النفسية مع رؤسائهم أو في الشارع.***و اعتباري خريج جامعة.2005. عندي دلالا ت حول القضية و الله على ما أقول شهيد.
-اذن و كخلاصة التفاهم قبل كل شيء.واللي تفاهمو في الصيف ما يتضاربو في الشتاء.
******وجهة نظر فقط*******

بقلم مصطفى 82

[منى]

المشاركة الأصلية كتبت بواسطة جولنار1000

كرا لك اختي على ردك الرائع ، ما كنتش نستنى في امرة نقول هذه الهدرة ، انا معاك المراة لازم تقعد في الدار وتربي ولادها مشي كيما اللي يخدمو ملي يخرجوا الصباح ماعلابلهومش بولادهم.....

شكرا على التدخل على الرغم من انك لم تخدم الموضوع بصفة عامة علاه في بالك النساء كامل يحبو البرا على رايك راني قلت كاين الماكثات في البيت ماذا بيك تعطينا رايك في الموضوع انا تاني ممكن اذا لقيت الهنا وجميع الشروط متوفرة نقعد في الدار لكن من رايي انا اللي نحب اما واحد يقبل ويسكت ومبعد يقول يا تستمر علاقتنا يالخدمة نرفضها لي او لاي واحدة خاصة اذا قارية وتعبت بغض النظر عن الاسباب اللي تدفعها للخروح سواءا مادية او معنوية

أختي مع احترامي الشديد لرأيك (لأننا في وقت التفتح) و لكن في وجهة نظري المرأة مهما يكون تخمم على أولادها و بيتها.. فكرة أنها تعبت و قرات قادرة بقرايتها تنفع أولادها و يفتخروا هما ثاني بأمهم أنها ذات مستوى.. أما أنو الزوج يخيرها بين استمرار علاقتهم أو العمل هذا راجع لمدى المفاهمة بيناتهم و الزوجة لازم اطيع زوجها الله غالب...

[منى]

المشاركة الأصلية كتبت بواسطة simsima687

شوفي حبيبه نهدرو من الواقع رانا نشوفو نسا قاعدين فدار و ديارهم قريب يخرج منها الدود. و كاين الي تخدم و دارها ماشاء الله خاطش شايفة و عارفة. فطورها ديره على الفجر و ولادها متبعتهم في قرايتهم بصح هاديك الي قاعدة فدار ولادها متنجمش تبعهم في قرايتهم خاطش مسكينة هي بروحها نسات واش قرات تولي عقلية مسلسلات و تليفيزيون و القدام. و بين قوسين المراة تبانلي عندها مجالات متخصصة هي اللي لازم تعمل فيها و احسنها و افضلها التعليم.
ايا حبيبه و المرة اللي تخدم تامن شر زوجها. هي لولا الواحد لازم يكون داخل بصفا و النية بصح لازم تاني يدير احتيطاته خاطش راكي تشوفي اليوم زواج غدوه طلاق و تروحي روحك كي تولي تجيبي معاك واحد و لا زوج. امالا الحذر واجب كيما يقولو قرى زمان عقوبة
و المراة العاملة اروع انظف اكثر اناقة اكثلا لباقة اكثر وعييييييييي. نقطة توقف
المراة المثقة تغير منها النساء و يخافها الرجاااااااال. نقطة و لكن الى السطر

أولا أختي كاين فرق جوهري بين تفكيري و تفكيرك أنت من مؤيدين المرأة العاملة و أنا عكسك تماما...
إلا كانت المرأة جامعية (مثقفة) و حاكمة دارها رايحة تكون أكثر حرص على النظافة و التربية و أحوال زوجها... و أكيد رايحة تكون واعية ما تديهاش المسلسلات و تلهيها على أشغالها...
فكرة الأمان مع الراجل صح عندك الحق فيها،، و لكن تقدر تخبي ديبلومها و كي يدور عليها الراجل تخرج تخدم...
وش رأيك كي نقولك أنو أول مشكل مع المرأة العاملة هو تحديد النسل؟؟؟ مستحيل تلقاي وحدة خدامة و عندها عشرة أولاد،، بالنسبة ليا هذا مشكل كبير، و يطول النقاش فيه كاين لي راهم يقولو تحديد النسل حرام...
و نعطيك وجهة نظر أخرى،، كاين نساوين خدامات حاصلين في رجالتهم، يعني أنو الراجل كي تكون مرتو ادخل في دراهم يتكل عليها و يتهرب من مسؤولياتو... أنا نضن المرا لي تخدم غير محشيتلها،، إذا كان في الشرع لازم عليه يوفر المسكن و الملبس و المأكل و الأمان علاه نشركو فيهم؟؟ نحكم داري و نرضى بلي قسمهالي ربي و نريح...
في الأخير شكرا جزيلا لك أختي.. ان شاء الله ربي يوفق الجميع و ييسرلنا أمورنا...