معذرة معذرة يا قومي و الله معذرة فقد صرت ارى جميع المصريين على قلب رجل واحد

[كمال الاسلام]

من المصرين

محمد حسان . صفوة حجازي. عزالدين القسام . واخرون كثيرون

ليسو على قلب واحد اخي صالح

[جميلة 10]

والله انا معك اخ صالح في كل كلمة كتببها معك حق
وان شاء الله نربحوهم في السودان

[imane1]

يصفّر وجوهكم

العالم كامل راهو يضحك عليكم


ايييييييه

الجزائريين والمصريين ..إخوة

فرقهم بالو تاع كاويتشو

خلووونا من هاذ التمسخير تاعكم ..

غدوه تربحو في السودان ان شاء الله وتنساو كل حاجة

واش مالمقاطعه والثأر ورد الصاع صاعين واماعلاباليش؟

قاطعتو اسرائل وكملتو باش راكم حابين دوكا ادورو لمصر وغيرها؟

قالك يقاطعو جيزي ، لالا ابداو بكوكاكولا اقبل ..

خاصكم تفهمو حاجه واسمها فقه الأولويات
اللاعلبين ديالنا اتضربوا ، وما ماتوش ..

احمدو ربي وخلاص ..

ماهيش مصر هي اللي دارتها يا ناس

راهم جماعة من المصريين فقط

وحتى انتوما ماكنتش هينيين ، ما ضربناهمش بالحجر ايه

بصح درنا حاجات اخرى ..

وعلاش علامهم ما اتحرقش في بلادنا ؟؟

نورمال احرقتولهم لعلام و كيما انتوما زعفتو هوما تاني زعفو

وردوهالنا ..حرقو علامنا ونضنا كامل وقلنا علام الشهدا

ايه صح علام الشهدا ونعتزو بيه بصح حتى علامهم يا جماعه ماراهوش علام الإنتحاريين ولا حاجه اخرى

كل واحد لازم يحترم الآخر ، وما تروحوش مور الإعلام ، الإعلام هو أكبر كارثة

راهي مجرد مقابلة كروية واتجووووووووز

صدقوني المستفيد الوحيد مما يحصل هم أعدائنا الحقيقيون

راهي فتنة يا جماعه واش بيكم فيقو لعماركم ..

راكم كامل طحتو في الفخة ..

سبحان الله

أليس منكم رجل رشيد ؟

[أمـ جيجل ــال]

السلام عليكم ورحمة الله وبركاته :


للأسف أخي صالح لست معك في هذا لايجب أن نتهم 80 مليون مصري بجريمة ارتكبتها فئة منهم ليس كل المصريين كما شاهذنا وليس كل الجزائريين كذلك شكرا لك

[طارق القبطان]

يا اخي صالح
وشريكي واش نقلك
تح تعرف شكون هو المصري
سقسي ناس غزة
يكفينا شرفا انا اهل غزة ورغم ما يعانونه
إلا انهو ابو إلا ان يتعاطفوا مع الجزائر
من خلال خروجهم الى الشوارع خاملين الاعلام الجزائرية وهم يرددون
معا يالخضرة ديري حالة
والمصري الرخيص اللي مايسواش
يفحال غير في دارو
مئات الآلاف يهاجمون كمشة تاع مناصريين جزائريين
وبطؤيقة خبيثة مع تواطؤ الامن المصري
من خلال تفريق حافلات الجزائريين
والمرور بها من خلال الاحياء الشعبية للقاهرة

[طارق القبطان]

المشاركة الأصلية كتبت بواسطة أمـ جيجل ــال

السلام عليكم ورحمة الله وبركاته :


للأسف أخي صالح لست معك في هذا لايجب أن نتهم 80 مليون مصري بجريمة ارتكبتها فئة منهم ليس كل المصريين كما شاهذنا وليس كل الجزائريين كذلك شكرا لك

قلة
ياخي هدرة ياخي
لين في علم
انا ماخدث من اعتداءات على الجزائريين
كانت جريمة منظمة
ودبر لها بليل
من قبل ولاد الرقاصات
بارونا من الشيتة والبروسة

[*جوداء*]

المشاركة الأصلية كتبت بواسطة imane1

يصفّر وجوهكم

العالم كامل راهو يضحك عليكم


ايييييييه

الجزائريين والمصريين ..إخوة

فرقهم بالو تاع كاويتشو

خلووونا من هاذ التمسخير تاعكم ..

غدوه تربحو في السودان ان شاء الله وتنساو كل حاجة

واش مالمقاطعه والثأر ورد الصاع صاعين واماعلاباليش؟

قاطعتو اسرائل وكملتو باش راكم حابين دوكا ادورو لمصر وغيرها؟

قالك يقاطعو جيزي ، لالا ابداو بكوكاكولا اقبل ..

خاصكم تفهمو حاجه واسمها فقه الأولويات
اللاعلبين ديالنا اتضربوا ، وما ماتوش ..

احمدو ربي وخلاص ..

ماهيش مصر هي اللي دارتها يا ناس

راهم جماعة من المصريين فقط

وحتى انتوما ماكنتش هينيين ، ما ضربناهمش بالحجر ايه

بصح درنا حاجات اخرى ..

وعلاش علامهم ما اتحرقش في بلادنا ؟؟

نورمال احرقتولهم لعلام و كيما انتوما زعفتو هوما تاني زعفو

وردوهالنا ..حرقو علامنا ونضنا كامل وقلنا علام الشهدا

ايه صح علام الشهدا ونعتزو بيه بصح حتى علامهم يا جماعه ماراهوش علام الإنتحاريين ولا حاجه اخرى

كل واحد لازم يحترم الآخر ، وما تروحوش مور الإعلام ، الإعلام هو أكبر كارثة

راهي مجرد مقابلة كروية واتجووووووووز

صدقوني المستفيد الوحيد مما يحصل هم أعدائنا الحقيقيون

راهي فتنة يا جماعه واش بيكم فيقو لعماركم ..

راكم كامل طحتو في الفخة ..

سبحان الله

أليس منكم رجل رشيد ؟

هذا الكلام يقوله كل من برد قلبو على بلادو وماعادش يحس بخاوتو

سبونا وقالو بربر وهمج ماعليش ياك خاوتنا واش فيها خليوهم يسبو معليش حنا همج وبربر
سبو الشهداء اللي عملو الثورة ..معليش ياك ماتو مايسمعوهمش كي يسبوهم

حرقو علامنا ..معليش خليوهم يحرقوه واش يكون هذا العلام مجرد قطعة قماش ملونة بالاخضر والاحمروالابيض

ضربو اولاد راحو عندهم فرحانين فرقوهم واعتدوا عليهم حتى الموت ..وقالو ماصرا والو
معليش ماداروهاش اللي راحو راهم يكذبو ويمثلو عليهم

ضربو منتخب وطني اللي رايح يمثل الجزائر كاملة وكذبو الوزير اللي حتى هو تعرض للاعتداء.. لالا هذوك دارو الصلصة على رؤوسهم وراهم يلعبوا فيها ممثلين بارعين

يا اختي والله عيب انك تقولي هذا الكلام اذا ماعندكش القليل من الوطنية كنتي تسكتي حتى واحد ماطلب رايك والجزائر ليست بحاجة الى ناس غير مبالين بما يحدث لها

المصرائليين اللي فعلوا هذه الجرائم بنا وراكي تدافعي عليهم ماتجرؤوش يمسوا اسرائيلي واحد عايش مفخشش عندهم ومحافظينلو على مصالحوا ونقودو ..اذا ماهمش حاسين برواحهم احنا نفطنوهم

[طارق القبطان]

حكيلك

المشاركة الأصلية كتبت بواسطة كمال الجزائر

من المصرين

محمد حسان . صفوة حجازي. عزالدين القسام . واخرون كثيرون

ليسو على قلب واحد اخي صالح

هاذو هوما المصريين يديروا واش يديروا ومن بعد يتخاو من وراء بعض الدعاة
شكون هذا صفوى حجازي
وين كان قبل الماتش وين كان اثناء الاعتداءات
الاعتداءات انت جريمة منظمة
وبعدها يخرجوا بعض الوجوه من اجل ان يظهر للعالم انها احداث معزولة
وان هناك عقلاء مصريين
هذا هو دور صفوة حجازي سواء درى ام لم يدري
اما عز الدين القسام فهو سوري جاهد في فلسطين وكان وراء ثورة 48 في فلسطين
خاصة بعدما تحدث هذا لا ادري ماذا اقول عن وجوب عدم التعرض للمصرين واستثماراتهم وفي الجزائر
ما يخلعني حتى مصري
يهاذو الناس اللي راط تحكي عليهم
يلصوا شعبهم من الدياثة ومن بعد يجيو يفتولنا في الفضائيات

[كلثوم30]

عاك حق يا اخي
دمعت عيوننا ونحن نشاهد اخواننا محاصرين وكانهم اجرموا بمناصرتهم لفريقهم
ورايت ابطالنا مضمدين بالشاش وكانهم كانوا في حرب
وهذا كلامي وهو من مسؤوليتي
انا لا اريد اي اخوة او اي رابط مع المصريين لن اقبل اي اعتذار منهم ولن اسامحهم على ما فعلوه بابناء وطني
الا يكفي اننا سكتنا عليهم لما اهانو ثورتنا وشهدائنا
وادعو تحريرنا وتعليمنا وتطويرنا

لنا اليوم اقطع اي علاقة بمصر وبالنسبة لي هي لم تعد دولة عربية ولا شقيقة
وتحيا الجزائر رغم انف الحاقدين الغيارين

[*الراجي عفو الله*]

السلام عليكم

بارك الله فيك أخي نؤيدك في كل ما قلت

[بنت المحمدية]

السلام عليكم ورحمة الله:
اول شيء اقول لكم لا تتسرعو في كلامكم اعرف بان معظمكم متوتر
ولهذا دعونا نتكلم بالعقل
انا لا اتحدث عن الشعب المصري لانه يعيش في ديكتاتورية ليس لديه رأي فالدعاة المسلمين عندهم ممنوعين من دخول مصر مثل الشيخ القرضاوي ...وغيره الكثير
والاخوان المسلمين عندما كانو يتظاهرون من اجل غزة هم في السجون
أنا الذي يحرق دمي ما دخل السياسة في كرة القدم ؟؟ لماذا تدخل حسني مبارك فهذا كله تدبير السلطة فالأمن لا يتحرك دون اوامر
وفي الوقت الذي يتعرض منتخبنا للضرب يذهب رئيسهم ليتفرج على تدريبات لاعبيه وكانه يقول لهم لقد ضمنت لكم الفوز
هذا كله من اجل ماذا ؟؟؟ لا يريد ان تغضب عليه الياهود فلديه علاقات ودية معهم ؟؟؟ فالجزائر لا تعرف بدولة اسرائيل وها لا يرضيهم
تقولون بانها فتنة ولكن من صنعها ليس الياهود بل حسني مبارك
وعندما نطالب بحقنا نصبح آثمين ؟ لماذا كل هذا
أنا لا اتكلم عن الكرة والله تتاهل مصر اذا كان هذا همها حتى اذا ارادو كاس العالم احضره لهم
ولكن دم شهدائنا لا يذهب هكذا يجب أن تكون هناك عدالة وتحقيق في الموضوع
قالو بانهم اخواننا ولم يعجبهم ما حدث صح رانا معاكم .... لماذا لم يذهب حسني مبارك للاطمئنان على ضيوفه ؟؟؟
والاعبين لماذا لم يطمئنو على اخوانهم كما يقولون؟؟؟
والله القضية اكبر من كونها كرة
والأعضاء الذين يتظاهرون بانهم مثالين ويقولون بأنا نسينا غزة ونتحدث عن كرة
فاقول لهم بأن سبب المشكل الآن هو غزة
والله ينصرنا ولا يضيع حقنا
أما المصريين فهم لا حول ولا قوة لهم مثل الدمى يتلاعب بهم رئيسهم واذا خرجو عن طوعه ..........................
سلااااااااااااااااااااام هذا تحليلي الخاص

[imane1]

المشاركة الأصلية كتبت بواسطة شيراز2009

هذا الكلام يقوله كل من برد قلبو على بلادو وماعادش يحس بخاوتو

سبونا وقالو بربر وهمج ماعليش ياك خاوتنا واش فيها خليوهم يسبو معليش حنا همج وبربر
سبو الشهداء اللي عملو الثورة ..معليش ياك ماتو مايسمعوهمش كي يسبوهم

حرقو علامنا ..معليش خليوهم يحرقوه واش يكون هذا العلام مجرد قطعة قماش ملونة بالاخضر والاحمروالابيض

ضربو اولاد راحو عندهم فرحانين فرقوهم واعتدوا عليهم حتى الموت ..وقالو ماصرا والو
معليش ماداروهاش اللي راحو راهم يكذبو ويمثلو عليهم

ضربو منتخب وطني اللي رايح يمثل الجزائر كاملة وكذبو الوزير اللي حتى هو تعرض للاعتداء.. لالا هذوك دارو الصلصة على رؤوسهم وراهم يلعبوا فيها ممثلين بارعين

يا اختي والله عيب انك تقولي هذا الكلام اذا ماعندكش القليل من الوطنية كنتي تسكتي حتى واحد ماطلب رايك والجزائر ليست بحاجة الى ناس غير مبالين بما يحدث لها

المصرائليين اللي فعلوا هذه الجرائم بنا وراكي تدافعي عليهم ماتجرؤوش يمسوا اسرائيلي واحد عايش مفخشش عندهم ومحافظينلو على مصالحوا ونقودو ..اذا ماهمش حاسين برواحهم احنا نفطنوهم

يبان من كلامك أنك انت الل تجرئت ومسيت إسرائيلي واقيل ..

كامل كيفكيف كيما يقول المتل ماعندي ما نشكر في الانساب واحد اعمى واخر طلاب

"أتحدث عن الحكومات العربية ، لا أقصدك انت "

هذا أول شيء

تانيا الوطنية اللي راكم تتشدقو بيها في كل وقت ما نقبلولهاش باش تبان في بالون تاع كاويتشو

كاين ميادين اخرى روح بين فيها الوطنية ديالك

ثالثا

واسمهم المصريين ماشي المصرائليين

وحتى احنا ماناش ملائكة وسبينا كيما سبو وقلنا اللي ما يتقالش

وكل واحد طبعا يقول هوما اللي بداو ، ويقول احنا برك ردينا عليهم ..

ختاما

لاكان المسألة كبرت ، والإعلام ما قصرش غطاها كيما يلزم واعطاها حجم مهول

احنا واش نديرو ؟ احنا نحاولو نخفو الاوضاع شوية

عيب ياخويا يتقال بلي الجزائر قطعت علاقاتها مع مصر او العكس

بسبب اختلاف في مقابلة كروية..

ساهل تربح العيب ، بصح راح تخسر حاجات بزاف بالمقابل

رايحه تكون مهزلة من المهازل التاريخية..

وروح تقرا واش راهي تكتب اسرائيل في جرائدها بسبب هذه المقابلة الكروية

وارجع قابلني ..

العيب أن تقف ضد أخاك مع ابن عمك ..

شكراً

[bente bledi]

المشاركة الأصلية كتبت بواسطة ساموراي

بلدنا أم أم الدنيا .

بالعربي الفصيح..اذا كانت مصر ام الدنيا الجزائر هي جداها

[طارق2518]

ليست وحدك يا أخي فوالله إن رجالا نعرفهم لا علاقة لهم بالكرة ولا غيرها تأثروا أيما تأثر بما شاهدوا وسمعوا وأصبحوا لا يرون المصريين إلا ببغض وحقد
لا حول ولا قوّة الاّ بالله

[أمـ جيجل ــال]

المشاركة الأصلية كتبت بواسطة طارق القبطان

قلة
ياخي هدرة ياخي
لين في علم
انا ماخدث من اعتداءات على الجزائريين
كانت جريمة منظمة
ودبر لها بليل
من قبل ولاد الرقاصات
بارونا من الشيتة والبروسة

وقد قلتها أخي الكريم بلسانك كانت جريمة منظمة من نظمها ؟ 80 مليون مصري نظموها لا أظن ذلك
هناك من المصريين من يموتون جوعا ولايولون اهتماما للكرة لأن الكرة لن تطعمهم خبزا وهناك عقلاء لم يرضوا بما حدث
ولما قلت هذا الكلام فأنا لست في مقام" الشيتة والبروسة " فلا داعي لأن نتهم جماعة لفعلة فرد شكرا لك