شروط جديدة في التوظيف

[karoud]

أصدر الوظيف العمومي شرطا جديدا لنجاح فس المسابقات ويتمثل هذا الشرط هو أن تكون لك معريفة او مال.ما رأيك في هذا الشرط

[KARIMBASSET]

اقبله المهم يصدر في الجريدة الرسمية و يكون كل شيء فوق الطابلة

لان شرطك هذا معمول به عرفا و العرف من اهم مصادر القانون
فلا شيء جديد

[habbnacer]

ما رايكم في منصب =10000000

[eglwach47]

راك غالط بزاف بزاف ماتنساش بالي كاين رب راهو يسير في كل شيئ وكان يبغي عليك ربي تخدم واحد ماغاديش يوقف لك فالطريق
استغفر الله واتكل عليه وشوف النتيجه

[manels]

انا ضدك مئة في المئة
صح كاين المعريفة بصح كون ما ياذنش ربي و الله ماتسهال

يعني الارزاق بيد الله و الله هو المستعان

ولا واش تقول

[hakim_ts]

السلام عليكم و رحمة الله اما بعد الى كل الاتخوة الكرام ..........هدا النداء :
لاسف الشديد انتشر هده الايام المحبطون (لي تلقاه يقلك كلش معريفة ورشوة ) انا على سبيل المثال راني درت 4 مسبقات ولم انجح في اي واحدة و لا ارجع السبب الى الرشوة و المعارف انا لا انكر وجودهما الا ان السبب الرئيس هو عدم الكفاءة يعني لي حاب ينجح يعمل على ربي سبحانو و يراجع دروسو و يقرى مليح و علمو ان الرااااااااااااااااااااااااااااازق هو الله
"" قل اللهم مالك الملك تأتي الملك من تشاء و تنزع الملك ممن تشاء و تعز من تشاء و تذل من تشاء بيدك الخير انك على كل شي قدير "

[karoud]

كل شيء بالمكتوب لكن المكتوب يأتي بسبب.بصح في بلادنا كل شيء بالمعارف لاحظ بنفسك وقيس على اصدقائك وجرانك الذين تحصل على عمل فسوف تجدهم نجحوا بالمعريفة وليس بنزاهة

[فريد 17]

يا جماعة ما تروحوش بعيد بأفكارك
اذا المكتوب كاتبلك باش تخدم تدخل بصح كاين ليتسرع ويدفع الرشوة فأقول في هذا الصدد
وللدنيا طلابها كلاب...
والله المستعان

[ابا القاسم]

أين نحن من الاسلام صدق رسول الله صلى الله عليه و سلم ياتي زمان لايبقى من الاسلام إلا حرفه

[chaoukizeggada1]

السلام عليكم
لا تيأس يا أخي نعم شرط " المعريفة " موجود لكن تذكر أن الله موجود وله القدرة على فعل أي شيء، وانصحك ـ عن تجربة - بالاكثار من الدعاء والتوكل على الله حق التوكل وسترى مفعولهما السحري. كما أنصحك وأنصح نفسي أن ننظر الى الجزء المملوء من الكأس، فأنا نجحت في مسابقة توظيف بدون أي واسطة بل كنت لا أعرف حتى مكان عملي.

[nadjib25]

الله لا تربحهم كامل .. عليها ربي رالهو ينتقم منا وراهو يورينتا في الريح نتاع جهنم .. أسبوع كامل والحرارة 50 درجة الفقر والميزيرية كاش ما يزيدلنا أكثر من هك ؟

[wox]

كل شيىء بالمعريفة في دولة المعريفة ودستور البيسطو ................الاسبوع الماضي توظف زميل لي عن طريق مكالمة هاتفية............. والله ياجماعة غير بواسطة البورطابل................... لكن مايخوفوناش كاين ربي.............؟؟؟؟؟؟؟؟؟؟؟؟؟؟ الله مافرج علينا يارب

[kamel1976]

ما شفتوا والو عنا في الولاية رقم 12 ورانا صابرين ............... كاين ربي .......كاين ربي

[freeman2008]

مسألة المعرفة يا خاوتي راها في الجزائر منذ الاستقلال و إلا فلماذا الجزائر راها متأخرة و متخلفة " فالرجل المناسب في الجزائر ليس و لن يكون في المكان المناسب " بسبب البيروقراطية و المحسوبية و الرشوة و المعرفة فكل مسؤول يوظف بن عمه و بن خاله و الاقربون أولى بالمعروف متجاهلا كل القيم و الكفاءات التي يتصف بها هذا الموظف بالاكتاف و المشكلة كيف لدولة من قيام و كل اطاراتها دخلو و تنصبوا بالمعرفة و المحسوبية
و لكن السبب الرئيسي في الحقيقة هو فينا نحن شباب الجزائر الذين ندرك كل الادراك بان البلاد رايحة للواد و باقيين نتكلم و فقط فلماذا لا نضع حد لذلك بكشف كل الذين يتخبؤون وراء رداء المعرفة و الطرافيك و خاصة ولاية الجلفة ( او ولاية العلفة ) ان صح التعبير و بلاد البراني بصورة أدق و في الاخير ((( عيب البلاد في رجالها و أفهم يالفاهم ))) اللهم نسألك الصبر أمين