بلييز

[randy fatima]

السلام عليكم انا اريد ان تعطوني و جبات للضيوف كاملة و مكملة و مجربة المقبلات و الطبق الرئيسي و الديسار من فضلكم الي عندها اي فكرة تشاركني لانو تعرفو الضياف كي اطيحو عليك و انت راقدةههههههههههههه

[ام نسمة]

السلام عليك اختي والله لاطاحو عليك الضياف وانت راقدة راها حصلة كبيرة ههههههههههه لكن يمكن تفاديها بسرعة بالنسبة للمقبلات انا اقترح ان تكون موجودة دائما في المجمد مثل بوراك او كبة او غيرها يعني ماعليك غير تقلي او يمكن حتى انك تخبي العجينة المورقة وان كان لديك وقت خرجيها وتفنني وتقدري تنصبي حريرتك بسرعة وتروحي للطبق الرئيسي ممكن طاجين محمر او اللي تحبي ......شوفي اختي اظن انو مشكلة ربة البيت في التحضير لضيوف الغفلة ليس الوقت الللي جاو فيه بل تكمن في عدم توفر مكونات طبخك في المنزل والحاجة لللنزول والشراء انا كي يدخلو راني نسلم عليهم ومخي يفكر واش نطيبههههههه وبسرعة نستاذنه فور دخولهم ونروح جرية نكتب ورقة واش يخصني ونبعث يقضولي ومن بعد نبدا بتجهيز المكونات الللي ديجا عندي في المطبخ وكل شوية وشوية نطل على ضيافي ونستاذنهم لكن في كثير من الاحوال كي نكون مشغولة نستدعي عجوزتي تقعد معاهم وانا مانخرجش من المطبخ حتى نكمل وان شاء الله الاخوات يفيدوك .......................وتاني لازم المجمد اتاعك يكون فيه بزاف حوايج نستعملوهم على غفلة باش تربحي الوقت

[إلهام07]

الأخت عندها الحق ، أنا ثاني المجمد عندي ديما فيه : جبن ، باتي ، زيتون بالأنواع ، صلصة طماطم محضرة ...............
هاذو كي نحب ندير بيتزا سوفلي قراتان نلقى عندي الحوايج مباشرة نبدا في الطبق ، هاذي الأولى
الثانية : ديما لما نطيب أطباق كيما : طاجين زيتون أو طاجين الحلو أو ...... هاذو الأطباق اللي يحمرو الوجه ، نحتفظ بمقدار صحن أو 2 في المجمد مع قطعو أو 2 لحم باش إذا جاك ضيف على غفلة تلقاي عندك الماكلة واجدة ماعليك غير تسخني
أيضا لما ندير مطلوع أو خبز الدار نخبي قرصة في المجمد وهو جديد كي يتسخن في الميكرو مايبانش
ديما نحتفظ في المجمد بحلويات أيضا و معجون نحطو في صينية القهوة لضياف الغفلة .
شوفي : كاينة مقبلات ممكن توجديها وتخبيها كيما قالت الأخت وما عليك غير تقلي ، أو ممكن ساعات نحتفظ في المجمد بالحشو نتاع سوفلي أو كوكا أو بوراك كي يجيوك الضياف يبقالك غير تحضير العجين .
أيضا شوفي هاذي المقبلة بالكواسون راهي جدا لذيذة و تحمر الوجه ، نخبيه في المجمد زكي نحب نستعملو نجبدو ندير شوية فرماج ولحم مفروم وانتهى أحلى مقبلة و خفيفة تهبل ، هاهو الرابط :
https://www.djelfa.info/vb/showthread.php?t=1208088
أما إذا حابة قائمة متناسقة ، عندك لازم :
* مقبلة ( تكون بوراك ، سوفلي ، كوكا ..... ) شوفي قسم المقبلات واختاري واش يعجبك
* خبز النوعية حسب الأطباق المقدمة
* سلطة ، نفس الشيء
* حساء ، شوربة فريك ، أو حساء جبن ......
* طبق رئيسي ( قراتان ........) يوجد الكثير من الأطباق ويستحسن تكون حاجة خفيفة إذا كانت القائمة فيها كل هاذو اللي ذكرت باش ما تخسريش الماكلة وتبقى
* عصير
* فواكه
* تحلية خفيفة ، تيراميسو أو فلان ........كاين بزاف تحليات هايلة في قسم التحليات
* ممكن قاطو حاجة خفيفة ( بسبوسة ، كروكي مع الشاي

ماشي شرط ديري هاذو كامل المهم أنا عطيتك الفكرة . المهم تذكري ما تكثريش الأطباق باش تتحكمي في الموضوع