استفسار بخصوص تربص الشرطة

[tknh]

اخي هل تقصد بصابون الغسيل imo

[haytem_2]

المشاركة الأصلية كتبت بواسطة tknh

اخي هل تقصد بصابون الغسيل imo

نعم اخي....

[عبدون جمال]

المشاركة الأصلية كتبت بواسطة kamale60

الادوات اللازمة اللي نديوها معانا

_ مثلا مواد التنظيف ندي مسحوق غسل الملابس ( اكيد اخي اخذ مسحوق غسيل + صابون+ شفرات حلاقة...جميع مواد التنضيف)

_ وهل لازم نحلق راسي قبل مانروح او عند الدخول كاين حلاق يقوم بالحلق (كان تحب خويا احلق مع انو اكيد كاين حلاق في المدرسة المهم قصر و دير حلاقة عادية ماشي نتاع تبياش و لا جال لانو 45 يوم متخرج و اكيد راح تزيد تحلق في المدرسة يعني دايرين حسابهم و كاين حلاق متقلقش روحك)

وكم المبلغ لي ندي معايا (لازم تدي مصروفة دير حسابك 45 يوم متخرجش و كان التربص نتاعك بعيد على ولايتك ممكن تكون صعوبة باه يجيبولك اهلك دراهم مع العلم انهم يقدرو كتحتاج دراهم يحطولك في الشاك نتاك و تعطيهم في المدرسة يجبدولك لانك متقدرش تخرج مي دير حسابك خير )

_ هل ملابس الرياضة شرط تكون زرقاء ؟؟ + هل ندي معايا حذاء رياضي تاع كرة القدم (سولي) أو ندي حذاء

رياضي عادي( اولا البدلة تكون عادية جدا معندهاش مواصفات محددة و الحذاء كفكيف اديداس خفيفة و خلاص مكانش فيها تعقيدات كبيرة يعني لتشوف فيها راحتك اديها)

_ بخصوص الرونجاص انا نلبس 39 و 40 هل نجيب 40 او 41 هل يكون جيد عندما يكون كبير عليك أو أنه لازم

يكون قدك باه يسهل عملية المشيء او الجري + هل تقيسو وتقوم بالاختيار أو أنك تعطيهم الرقم وهوما يعطيوهولك

بدون ماتخير يعني اذا فات وقلت الرقم لا تستطيع تغييره( اكيد تقدر تغيرو مكاش منها راح تلبس حاجة ديقة راهي تقلقك مي دير حسابك يكون واسع حشاك شوية خير باه تصيب راحتك كان تجيبو ديق يتعبكو تقدر تغيرو عادي راك متربص ماكش عبد عندهم)
المهم خويا بعد على اي مشكل او اي صدام في التربص قدر الامكان راك تعبت باه تدخل
راك كتدخل ممكن تكون هناك استفزازات او اي حاجة سواء من الماطرين او زملائك المتربصين حاول تكون هادئ حتى تكمل التربص ان شاء الله تربص بخير

بوركت اخي لقد كفيت ووفيت اما الاخ السائل فانا اخبره انه لافرق بين امور التربص بين الملازمين والاعوان ادي معاك ما ذكره الاخ اعلاه اهم شيء ليس اللباس او الحلاقة بل الاهم هو ان لا تنسى الاوراق التي طلبت منك ان تاخذها معاك .والاهم ايضا ان توسع بالك فتبتعد عن اي شيء يستفزك لان المنصب الي وصلتلو غالي جدا ومبروك عليك .

[haytem_2]

المشاركة الأصلية كتبت بواسطة عبدون جمال

بوركت اخي لقد كفيت ووفيت اما الاخ السائل فانا اخبره انه لافرق بين امور التربص بين الملازمين والاعوان ادي معاك ما ذكره الاخ اعلاه اهم شيء ليس اللباس او الحلاقة بل الاهم هو ان لا تنسى الاوراق التي طلبت منك ان تاخذها معاك .والاهم ايضا ان توسع بالك فتبتعد عن اي شيء يستفزك لان المنصب الي وصلتلو غالي جدا ومبروك عليك .

ان شاء الله خويا باركة الله فيك

[kamale60]

المشاركة الأصلية كتبت بواسطة طائر الامل

هل يمكن الصلاة خلال التربص و قراءة القرآن الكريم؟

اكيد خويا تقدر تصلي و تقدر تقرى القران
رانا مسلمين و في دولة مسلمة ممكن الاذان ممنوع اما الصلاة و قراءة القرءان عادي المهم خارج اوقات التدريب و الخدمة
رانا مسلمين يا جماعة و رانا في دولة المسلمة صحيح انه نضام شبه عسكري و لكن ممنوع تطويل اللحية و فقط اما الامور الاخرى فالمهم الاحترام و ديرها خارج اوقات العمل في الغرفة نتاعك

[bouboumonopol]

هل نأخذ معي أدوات الأكل كملعقة و كأس و صحن ام تؤجد عندهم و شكرا

[عبدون جمال]

المشاركة الأصلية كتبت بواسطة bouboumonopol

هل نأخذ معي أدوات الأكل كملعقة و كأس و صحن ام تؤجد عندهم و شكرا

ادوات الاكل تشريهم من المدرسة بمبلغ رمزي مع محفظة وسجل للدروس وبادج ولاصقة خاصة بالسرير لتكتب عليها اسمك وكل هذا ب 80 الف . كما انه لا يمكنك ان تدخل معك شيء للمدرسة الا الي عطاوهولك وكل مادون ذلك سيأخذ منك في الباب لان كل شيء موحد بين الطلبة .

[samicsc]

ana man constantine w ba3touni l constantine le 31.03.2013