انا في امس الحاجة............

[ABDOU ELE]

المشاركة الأصلية كتبت بواسطة nina love

لالا أختي ديها في قرايتك خيروسمعي لوالديك ...عيشي وقتك normal ويجي نهار اللي دريهم ماتخافيش ...وماتحتاجيش شريك ولا صاحب ça veut dire quoiماعندكش كامل هذ الأشياء ...لازم تكون عندك ثقة في النفس وكبرياء أما الأشياء اللي ذكرتيها راهي ثانويات وقشوروفساد، المهم كي يكون رأسك مرفوع بالعلم والثقافة ماشي الشكي والرأس فارغ ...الله يهديك أختي .

انا اوافق الخت الراي

[ikhbb81]

المشاركة الأصلية كتبت بواسطة فافا مينوشة

ختي انا فايتاتك بعام يعني راني 18 سنة نقرا السنة الباك ادا حب ربي
البورطابل كن مشي محتمة نهدر مع الخطيب نتاعي منديروش وهو جابهولي كي فتحنا وكملنا باش يهدر معايا ونظن من حقو المهم ربي يهدينا ختي

أنت عمرك 18 ام 24 سنة ؟؟!!!!

[الدكتور سام]

المشاركة الأصلية كتبت بواسطة bouchera-lili

السلام عليكم
انا طالبة 2 ثانوي احس دائما بالاحباط والكره ودائما اتلفظ قول كرهت حياتي ولم يبق لي عيشة في الوجود . كيف لا وانا فتاة لدي حرية في التمتع بحياتي اتمنى ان يكون لدي هاتف نقال او شريك حياتي واعيش فترة المراهقة لكي لا اندم عليها عندما اكبر
احب ان تكون لدي الحرية المطلقة لا احد يتحكم في . فمثلا الهاتف النقال مابغاوش اهلي ايديروهولي باسكو يقولولي مازالني صغيرة وراني نعرف صلاحي في عمري 17 سنة كي نشوف صحاباتي عندهم كل شي كيما البورتابل الفيسبوك شريك الحياة انا نبقى نتفرج ونسكت ولا نبكي نبكي نبكي حتى الرقاد ما يجينيش
انا نعتبر سن 17 اصعب مرحلة عندي نلقى روحي متخبطة بين زوج شخصيات اه اه اه
لراني في امس الحاجة اليكم والى نصائحكم وجزاكم الله خيرا

اخطيك من هاد الحوايج يا اختي
شريك الحياة لا يوجد في الاسلام مصطلح بهدا الاسم انما كاين الزوج في اطار شرعي
لحوايج لاخرين راهم ضيعة وقت.انا شخصيا لوكان لقيت كيفاش منديرش البورتابل راني رميتو.الله غالب نحتاجو في اطار الخدمة
راكي تزيدي الفاتورة و الغرامة على روحك.في بعض بعض الاحيان تزيدي حتى المشاكل

[bouchera-lili]

شكرا لكم جميعا على ردودكم المتنوعة مهما كانت قاسية من طرف بعضكم
اود ان اوضح للاخت دروب التائبين اني لست من النوع الذي تظنه ما اقوله الا شعور بداخلي وفقط وانا والحمد لله تلميذة نعرف نقرا وجبت معدلي في التريماستر الاول 16.22 والحمد لله على هاته النعمة ولدي طموح وهو مهنة الطب يا رب حققهالي .
خلاني البعض ندمت كي كتبت واش في قلبي لاني مستحيل ندير لحوايج هاذوك في غياب رضايت والدي ربي يخليهملي ديما قرة عيني راني كتبتها صح في الفترة هذيك الي كنت مريضة نفسيا ....
وراني حابة نعرف اسكو البنات كامل كيما راني نشوف ....
والله عذرا يا نفسي اذيتك

[layansandi]

كي تكبري تعرفي وعلاه منعوك وتعودي ترحمي عليهم

[bouchera-lili]

شكرا لك وبارك الله فيك

[مريم الصابرة]

السلام عليكم اختي
بركايك ما تبعي فالتافهين علاه راكي تشوفي فيهم راهم ناجحات وين عرفت روحك ما راحيش تندمي وواش من فايس بوك
وواش من تلفون وواش من شريك حياتك او صديق او اللي تسميه بوي فراند أقرايو لما تبكي إبكي على كلامك هذا ربي يهديك علاه ما شفتيش للبنات اللي الله يبارك تربية واخلاق وحجاب شرعي وصلاة ودين علها رحت للي تبدا جهنم بيهم تاكل الله يهديك ما تضيعيش حياتك اختي راكي صغيرة إستغفري ربي وتوبي ليه وكثري القرآن والدعاء وصلي وربي ينحي عليك التخمما هذا راه بليس يوسوسلك والبنات يعمرولك في راسك الله يهديك

[الإدريسي العلوي]

المشاركة الأصلية كتبت بواسطة bouchera-lili

شكرا لكم جميعا على ردودكم المتنوعة مهما كانت قاسية من طرف بعضكم
اود ان اوضح للاخت دروب التائبين اني لست من النوع الذي تظنه ما اقوله الا شعور بداخلي وفقط وانا والحمد لله تلميذة نعرف نقرا وجبت معدلي في التريماستر الاول 16.22 والحمد لله على هاته النعمة ولدي طموح وهو مهنة الطب يا رب حققهالي .
خلاني البعض ندمت كي كتبت واش في قلبي لاني مستحيل ندير لحوايج هاذوك في غياب رضايت والدي ربي يخليهملي ديما قرة عيني راني كتبتها صح في الفترة هذيك الي كنت مريضة نفسيا ....
وراني حابة نعرف اسكو البنات كامل كيما راني نشوف ....
والله عذرا يا نفسي اذيتك

أختي العزيزة:من حقك أن تشعري بما شعرت به:ومن واجبنا ونحن أشقاؤك،أن نخلص لك النصيحة:اعلمي أن الله قال:ومن يعرض عن ذكري فإن له معيشة ضنكى ،يعني يعيش حياة كلها خوف وقلق ووسوسة،فتقربي إلى الله وعودي إليه بالتوبة والاستغفار،قال الله:ومن يتق الله يجعل له مخرجا،وقال أيضا:ومن عمل صالحا من ذكر أو أنثى فلنحيينه حياة طيبة،واحفظي القرآن بإخلاص فسوف تجدين لذلك سعادة عظيمة،لا يجدها من جعل القرآن ديدنه ليل نهار،أسأل الله لك التقوى والصبر،لأن الله قال:إنه من يتق ويصبر فإن الله لا يضيع أجر المحسنين،جعلك الله من المحسنين

[YASMINE SILA]

يا بنتي والديك راهم خايفين عليك
احمدي ربي الي عندك ناشس يخافو عليك و صدقيني هاذ البورتابل و الفيس بوك ومانعرف واشن كلهم كلهم بداية لتزل قدمك في طريق ربي عالم واش فيه
اتلهاي بقرايتك و ربي يثبتك ان شاء الله

[bouchera-lili]

شكرا لكم وبارك الله فيكم
ادعولي بالهداية فقط
وجزاكم الله خيرا

[islam girl]

آآه عذرا لم أعلم


الانحراف أصبح حرية .. لا نحتاجها إذا لنتركها لأصحابها


أعلم جيدًا أن من تريدين أن تصبحي مثلهم من صديقاتك هم المنحرفات فقط

ثم ماذا تفعلين بالهاتف ؟؟ وما معنى شريك الحياة هذا

قوليها مسقمة نحوس ننحرف وخلاااص

الله يهديك فيقي لرووحك