واش طيبتي اليوم؟؟الجزء 03

[إلهام07]

المشاركة الأصلية كتبت بواسطة ouricia

صباح الخير عليكم كامل الهام عشاك هايل يعطيك الصحة حنونة وقلباللوز جاك فور شجعتيني باش نديرو
توتة كوزينتك هايلة وعشاك اجمل
kakinova صباح الخير جربي بيتزا تاع الهام والله تخرج اكثر من الروعة بشهادة الجميع
yakmissou صباح الخير عشاك هايل
انا رايحة ندير للغداء حوت ياريت لو تعطيوني رابط تاالخبز تاع توتة

ربي يخليك أوغيسيا ، جربي قلب اللوز نتاع أم رامي وماتخافيش ، الخبز نتاع توتة راني حفظتو :
1كغ فرينة يديرلك 4 قرصات و 1.5 ملعقة كبيرة خميرة الخبز ، 1 م ك سكر ( أنا ندير 4 :d ) ، ملح ، 4 ملاعق كبار زيت وماء دافئ تخلطي المكونات بملعقة حتى تتحصلي على عجينة طرية جارية شوية ماشي بزاف
خليها تريح 5د و فشيها بالملعقة ثم 5د وفشيها ثم 5د وفشيها ثم أدهني صينية بالزيت وحطي القرصة خليها تريح 5د و قرصيها مع رش السميد الحرش والسينوج من فوق ( لأن العجين جارية تلصق في يدك ) خليها تخمر ( أنا نخليها تقريبا 45د ) وطيبيها في فرن ساخن ( الرف السفلي ) وحمريها من فوق و كي تخرجيها خليها تبرد حوالي 5-10د وقطعيها راهي تحفة
ربي يجازيها توتة دات أجر فينا

[touta2010]

اولا سيدتي بطاطة فايضة بالملح طبعا

تربيها ملييييييح تضيفي حرور بيضة زعفران عصبر وتخلطييييي مليييح

تجبي بلا او صحن اوفال تذري فوقه فرينة ترفدي الخليط بالمغرف وتستفي في الصحن هذا باه تسهلك عملية القلي وميلسقلكش في يدك لخطرش يكون سخون المهم كيبرد عمر الفرماج داخل كل حبة وشكليها مليح وخليهم حتى وقت القلي رمديها فالبيض وال المقلى كاين لزيدو يرمدوها في الخبز مرحي انا لالا نحبها تجي خفيفة الخبز يمتص البيض


علابالي طولت عليك الا مفهمتيش اي اي نقطة اتصلي بالحصة نحن في الخدمة شحال عندنا من الهام اخي لوحدة ههههههه:d:d

[إلهام07]

المشاركة الأصلية كتبت بواسطة YAKMISSOU

اهام الوصفة نتاع توووووووتة

شوفي راني حطيتها

[touta2010]

المشاركة الأصلية كتبت بواسطة natacabell

ya touta khti manji naktab ana kalma nti tkouni ktabti 16 welahi rani tkila fel ktiba bel 3arbiya siyi walfini whata ana balak ndire majhoud

استعمليArabic keyboard

[إلهام07]

المشاركة الأصلية كتبت بواسطة touta2010

اولا سيدتي بطاطة فايضة بالملح طبعا

تربيها ملييييييح تضيفي حرور بيضة زعفران عصبر وتخلطييييي مليييح

تجبي بلا او صحن اوفال تذري فوقه فرينة ترفدي الخليط بالمغرف وتستفي في الصحن هذا باه تسهلك عملية القلي وميلسقلكش في يدك لخطرش يكون سخون المهم كيبرد عمر الفرماج داخل كل حبة وشكليها مليح وخليهم حتى وقت القلي رمديها فالبيض وال المقلى كاين لزيدو يرمدوها في الخبز مرحي انا لالا نحبها تجي خفيفة الخبز يمتص البيض


علابالي طولت عليك الا مفهمتيش اي اي نقطة اتصلي بالحصة نحن في الخدمة شحال عندنا من الهام اخي لوحدة ههههههه:d:d

مافهمتش كيفاش تدري الفرينة في الصحن و تستفي الخليط ومن تعمري فرماج و تشكلي
وهاذي يديرولها صوص ولا تقدم هاكذاك شايحة

[touta2010]

الهام ربي يعيك ويكثر من مثالك رانا نتعبوك معانا

الخبز كتديريه في السني متقرسيهش مباشرة خليه في الفرن دافئ بضع دقائق صدقوني هذ الخبز راه عامل ضجة في المكان لكنت نسكن فيه وحتى وين راني نسكن ضروك

[أم شيماءْ]

المشاركة الأصلية كتبت بواسطة إلهام07

ربي يخليك أوغيسيا ، جربي قلب اللوز نتاع أم رامي وماتخافيش ، الخبز نتاع توتة راني حفظتو :
1كغ فرينة يديرلك 4 قرصات و 1.5 ملعقة كبيرة خميرة الخبز ، 1 م ك سكر ( أنا ندير 4 :d ) ، ملح ، 4 ملاعق كبار زيت وماء دافئ تخلطي المكونات بملعقة حتى تتحصلي على عجينة طرية جارية شوية ماشي بزاف
خليها تريح 5د و فشيها بالملعقة ثم 5د وفشيها ثم 5د وفشيها ثم أدهني صينية بالزيت وقرصيها مع رش السميد الحرش والسينوج من فوق ( لأن العجين جارية تلصق في يدك ) خليها تخمر ( أنا نخليها تقريبا 45د ) وطيبيها في فرن ساخن ( الرف السفلي ) وحمريها من فوق و كي تخرجيها خليها تبرد حوالي 5-10د وقطعيها راهي تحفة
ربي يجازيها توتة دات أجر فينا

شكرا الهام راني رايحة نديرو مع الحوت ارواحي تتغداي عندي
توتة المعقودة مفهمتهاش

[YAKMISSOU]

ربي اخليييييك الهام

[oum ibrahim]

صباح الخيرات على الجميلات كاااااااااااامل هذا وين لحقتكم كنت مع القاتو هذا عشايا امس ماقدرتش نحطو النت ثقيييييييييلة


ماشاء الله موائدكم كلها تشهي الهام يعطيك الصحة على القلب اللوز راني ديت خقي رايحة نزيد نخدم القاتو قولولي واش نزيد؟

[touta2010]

المشاركة الأصلية كتبت بواسطة إلهام07

مافهمتش كيفاش تدري الفرينة في الصحن و تستفي الخليط ومن تعمري فرماج و تشكلي
وهاذي يديرولها صوص ولا تقدم هاكذاك شايحة

الفرينة ترشيها في بلا باه متلسقش فيه يعني ترفديها من بعد بهسولة تستفيها كراة كراة لخطرش كتبرد متحبش تتشكل


ترفدي الكرة تثقبيها بصبعك تضعي الفرماج وتغلقي وتعمليها خبيزة صغيرة

حنا نحبوها من المقلة الى المائد يعني حااااامية

[إلهام07]

المشاركة الأصلية كتبت بواسطة touta2010

الهام ربي يعيك ويكثر من مثالك رانا نتعبوك معانا

الخبز كتديريه في السني متقرسيهش مباشرة خليه في الفرن دافئ بضع دقائق صدقوني هذ الخبز راه عامل ضجة في المكان لكنت نسكن فيه وحتى وين راني نسكن ضروك

وأنا عندي أغلى منكم
خلاص راني عدلت الوصفة ، هي أصلا أي عجينة لازم تريح قبل ما تقرصيها

[إلهام07]

المشاركة الأصلية كتبت بواسطة ouricia

شكرا الهام راني رايحة نديرو مع الحوت ارواحي تتغداي عندي
توتة المعقودة مفهمتهاش

مممممم راني جاية ، وجدي برك

المشاركة الأصلية كتبت بواسطة oum ibrahim

صباح الخيرات على الجميلات كاااااااااااامل هذا وين لحقتكم كنت مع القاتو هذا عشايا امس ماقدرتش نحطو النت ثقيييييييييلة


ماشاء الله موائدكم كلها تشهي الهام يعطيك الصحة على القلب اللوز راني ديت خقي رايحة نزيد نخدم القاتو قولولي واش نزيد؟

يامي ، قوليلي البيتا فيها الجبن في الحواشي ؟ نحب نقرعج
قوليلنا واش درتي قاطو نقولولك واش تزيدي

المشاركة الأصلية كتبت بواسطة touta2010

الفرينة ترشيها في بلا باه متلسقش فيه يعني ترفديها من بعد بهسولة تستفيها كراة كراة لخطرش كتبرد متحبش تتشكل


ترفدي الكرة تثقبيها بصبعك تضعي الفرماج وتغلقي وتعمليها خبيزة صغيرة

حنا نحبوها من المقلة الى المائد يعني حااااامية

خلاص فهمت شكرا ، نجربها راهي ساهلة ماهلة هههههواقتصادية

[touta2010]

صيي فهمتيني كفاش نعمل المعقدة

يادرة بسكوي رولي عجبك رغم اني كنت عجلانة فيه وستنيت حتى جا ولدي من المدرسة شرالي شكولا قتله طاطاك راهي غير تستنى قالي وين راه قتله في المكرو ضحك علي هههههههه:d:d:d

[إلهام07]

هيا ضرك روحو ديرو الغداء وأعرضوني وكثرولي من خبز توتة راني نحبو
راهو الطباخ نتاعنا هنا رهجنا بالحبوب والمقرونة

[oum ibrahim]

الهام راني غير مع السامبل مازال مادخلتش على الحاجة الثقيلة درت قلوب الجلجلان ولسيقار نتاع ام اماني رووووعة حابة نزيد البقلاوة المظفورة والتشاراك اذا كفاني الوقت وحابة ندير قاتو ساك يكون ساهل وبنين هاذو كاااامل رايحة نديهم لعجزوتي في العطلة تحب القاتو وماكانش الي يخدملها
حقا انا اليوم مانطيبش عندي ماكلة في الفريجيدار نلتها غير مع القاتو
الهام ايه البيتزا فيها الجبن في الحواشي