الكرواصون و البتي بان و البان سويس مثل المحلات بالخطوات المصورة من مطبخي

[oum anas 69]

أتمنى تكونوا في أحسن الأحوال
اليوم أنا درت وصفة عجينة الكرواصون و عملت منها 3 أشكال البتي بان و بان سويس و الكرواصون
الوصصفة هي في الحقيقة للأخت نسمة16 و الموجودة في هذا الرابط https://www.djelfa.info/vb/showthread.php?t=1151151 أنا فقط قسمت المقادير على2 و النتيجة رائعة في الذوق مثل المحلات و هشة و خفيفة جداااااا
تحت طلب أختي أم أسامة سأضع المقادير المضبوطة لي عملتها :
500 غ فرينة
15غ حليب بودرة
10غ ملح قستها = ملعقة قهوة مملوءة
12.5غ خميرة خبز=ملعقة أكل مملوءة
2.5 غ محسن = ملعقة قهوة
15 غ زبدة طرية
حبة بيض كاملة
50 غ عجينة تخمير= 2 ملعقة أكل
90 غ سكر عادي
2 باكي لافاني
225 غ ماء أنا زدت ماكفانيش حتى تلمت ولات عجينة طرية
250 غ مارغرين للتوريق صالحة
نخليكم مع الصور الموضحة
هذه هيا عجين التخمير من بعد ماباتت ليلة أنا درت 250 غ فرينة


هنا خلطت المكونات ما عدا زبدة التوريق



هنا العجينة و الزبدة بعد الراحة طبعا الزبدة خدمتها في يديا حتان ولات بيضاء
نفتح العجين و نحط في وسطه الزبدة و نغلق عليها ثم نفتح و نعمل tour double ثم نخليها ترتاح في الثلاجة ثم نفتح من جديد و نعمل tour simple و هكذا تكون العجينة جاهزة للتشكيل
















طبعا هنا كيما راكم تشوفو إستعملت خيط بدل السكين لتقطيع البان سويس فكرة هايلة و عملية جدا



هنا من بعد ما إختمروا و تضاعف حجمهم دهنتهم ببيضة كاملة + صفار بيضة + ملعقة قهوة طايبة و دهنتهم مرتين
ممبعد طيبتهم عادي من التحت ثم شعلت من الفوق باش يحمارو
من بعد ما طاب البان سويس دهنته بالمعجون المخفف و رشيت شوية كوكاو





بعثت هذا الطبسي لجارتي التونسية عزيزتي نانو و قد أعجبها كثيرا


طبعا بدون ما ننسى أخواتي هذا لكل وحدة دخلت و حطت ردههههههههه



نتمنى تجربوهم مذاقهم هايييييييييل و إقتصادي و خفاااف جدا جدا
أشكرك غاليتي نسمة16 على هذه الوصفة الرائعة في ميزان حسناتك إن شاء الله

[omaymen]

ماشاء الله تبارك الله جاوك روعة ويشهيو يا ام انس بصحتكم حنونة

[أم ياسين الزهراء]

ام انس مواضيعك في القمة بصح الصور راهم يطولو راني عندي 5 د ملي فتحت الموضوع ودوق لا خرجو الصور ياريت تعدليهم باش نستفادو من مواضيعك الممتازة

[ماما ليث]

يعطيك الصحة هايلييييييين

[oum ibrahim]

الله يبارك رووووعة ان شاء الله قيد التنفيذ مشكورة ام انس على المواضيع الممتازة فقط ارجو منك تعديل الصور لتسهيل ظهورهاوامتاعنا

[kakinova]

اممممممممممممممم هايلين هايلين ما شاء الله روعة خرجولك

[*بيتي مملكتي*]

ما شاء الله يعطيك الصحة أختي أم أنس

[zhor1970]

ما شاء الله الله ايبارك

[ام محمد78]

روووووووووعة ماشاء الله فنانة ام انوسة
يسلم لنا ابداعك
بانتظارك حبيبتي ربي يوفقك ويحفظك

[سهام89]

روووووووووعة ماشاء الله

[zahra30]

طولو الصور... بصح يستحقو الانتظار ..... بارك الله فيك ....هايلييين في انتظار التكملة ... وفقك الله

[أم ماجد]

بارك الله فيك صغريفقط الصور ام انس

[SarSouRa28]

ماشاء الله عليك حبيبتي ضرك نشد تيجيفي ونجيك اواه نسكن قدامك خير

[الأمنيات]

تبارك الله اختي خرج هايل بصحتكم

[oum anas 69]

المشاركة الأصلية كتبت بواسطة omaymen

ماشاء الله تبارك الله جاوك روعة ويشهيو يا ام انس بصحتكم حنونة

المشاركة الأصلية كتبت بواسطة أم ياسين الزهراء

ام انس مواضيعك في القمة بصح الصور راهم يطولو راني عندي 5 د ملي فتحت الموضوع ودوق لا خرجو الصور ياريت تعدليهم باش نستفادو من مواضيعك الممتازة

المشاركة الأصلية كتبت بواسطة ماما ليث

يعطيك الصحة هايلييييييين

المشاركة الأصلية كتبت بواسطة oum ibrahim

الله يبارك رووووعة ان شاء الله قيد التنفيذ مشكورة ام انس على المواضيع الممتازة فقط ارجو منك تعديل الصور لتسهيل ظهورهاوامتاعنا

المشاركة الأصلية كتبت بواسطة kakinova

اممممممممممممممم هايلين هايلين ما شاء الله روعة خرجولك

المشاركة الأصلية كتبت بواسطة أم إياد أحمد أمين

ما شاء الله يعطيك الصحة أختي أم أنس

المشاركة الأصلية كتبت بواسطة zhor1970

ما شاء الله الله ايبارك

المشاركة الأصلية كتبت بواسطة boughzoul

روووووووووعة ماشاء الله فنانة ام انوسة
يسلم لنا ابداعك
بانتظارك حبيبتي ربي يوفقك ويحفظك

شكرا عزيزاتي على الردود الطيبة التي أفرحتني كثيرا أما فيما يخص الصور و الله حاولت البارحة لم أستطع للاسف ومادبيا المشرفات يصغروهملي إن أمكن