,ورشة, الصدر, الملون ,.....على, بركة, الله

[scorpionoir]

صباح الفل والورد والياسمين على احلى وردات المنتدى

هدي باقة لكل وحدة تنورلي صفحتي

بزاف منكن طلبو مني ورشة وانا نقولكم على عيني وراسي تستاهلو كل خيييييييييييييييييييييييييييير .
يا ربي برك ماتفيقش اميرة وتقول غيب يا قط العب يا فار ههههههههههههه.
نبداو اولا باللوازم هكا توجدو روحكم اولا لون الحرير على حسب الكتان تاعك نحتاجو 2 كباب من كل لون و3 كباب لون ابيض
ولي حبت دير لون واحد كيما لحمر تحتاج 4كباب و3 ابيض وكروشي لي تقدري تخدمي بيه الخيط على 2
وللتزيين تصحقو وردات ولا حجر كل وحدة واختيارها

هادا هو كتاني خيرتلو الوان فيه
ياالله يا لحراير وجدو الكتان وخيرولو الحرير لي يخرج عليه
والى دالك الحين نقولكم

شكرا على الثقة الي درتوها فيا والى الملتقى ان شاء الله

[CENTER]
هاني جيييييييييييت
1-الكول يجي في لافيزكوز ولا البيزو البيزو تاني يجي روعة
2- تجيكم 16 وردة لطاي 40 او 42 ولي بطبوطة شوي تزيد وردة ولي ضعيفة تنقص وردة .
نبداو نخدمو سلسلة من 8 غرزات ونقفل بماي سيري ولا غرزة حشو.


ونعمرو الدائرة ب 29 بريد اول بريد يكون 3 غرز .

مبعد نقفل ونعقد 2 مرات
كل وردة تحتاج 5 ورقات كل لون ديرو 5 وردات ولون يجيكم 6 وردات

نقصو الخيط الزايد نحرقوه بالبريكي

درك بديرو الحاشية بالحرير ابيض نبداو منين عقدنا باش متعودش تبان وتجي الخدمة متقونة

ونخدم ماي سيري وغرزة تكون مزيرة ماهيش مرخوفة على داير الورقة

وكي نوصل النهاية نزيد ماي سيري .يعني البداية يعود فيها 2ماي سيري وغرزة ونحكم معاها الورقة الثانية ونخدم نفس الخدمة وكي نكمل نزيد 3 و4 و5


كي نوصل 5 نقفلها بماي سيري مع 1 ونقطع الخيط ونحرقو

لازم درك نخيطو الورقات مع بعض بالابرة والحرير

ندخل البرة من تحت ونحكم الالخيط لي يجي على الحاشية برك

ونطلع بالخياطة 7 نفدات ونولي نخرج البرة من تحت ونديها عبر الخيط للورقة اخرى


حتان نكمل الورة كل نقطع الخيط ونحرقو ونحدد الوردات اكل

وهاهي الوردة كملت
راهم ساهلين في الخدمة يالله يا الشاطرات كملو الوردات كل وحددوهم وانا تاني نروح نكمل ورداتي
راهم يسناو هههههههههههه
ومبعد نكملو نلصقوهم مع بعض ونخدمو السفيفة
هيا ديرو الهمة وما ترقدوش .
بعد ما نحددوهم نبداو نلصقوهم في بعضاهم كيما الصور


نبداو في السفيفة نخدمو سلسلة من 5 وندورها على الوردات
السطر 2 نديرو سلسلة من 4 وهكا ...
السطر 3 سلسلة من 4 ثاني
السطر الاخير نخدمو ****اجات في سلسلة وماي سيري في سلسلة .



ومن تحت نفس الخدمة بصح نبداو بسلسلة من 6 ومبعد كل سطر نزيد وحدة والسطر الاخير نديروه ****اجات .
وخلاص الصدر كمل
هيا لي تكمل تنعتلي تطبيقها لازم. ولا مانزيدش نعتلكم كيعاد فنيانات ههههههههه
في امان الله .

[Oum danIne]

جزلك الله كل خير لرك السريع أختي

[الصمت حكمة]

ربي يجعلها في ميزان الحسنات انشاء الله

[Oum danIne]

كنت غير نستنى فيها شكرا بزاف

[مرام 1987]

Hayal ya fahla machkora 3la warcha ida kdart ntabko in chaa allah

[hayat-48]

ممكن رقم نتع الكروشى الصدر رائع شكر جزاك اله كل الخير

[نهال13]

جزاكى الله كل خير

[scorpionoir]

لكروشي تاعي رقمو 3 ولا 1.30 مم

[مرام 1987]

Okhti waktach tabday f warcha

[titi119]

براك الله فيك اختي

[أم سيرين1]

الله يجزيك الجنة حبيبتي بارك الله فيك ربي يجعله في ميزان حسناتك في انتظارك غاليتي

[inasso R]

ربي يعطيك ما تتمناي اختي انا الصدر عجبني بزاف وحابة ندير كيما هو يعطيك الصحة

[scorpionoir]

المشاركة الأصلية كتبت بواسطة mary1987

okhti waktach tabday f warcha

واحد اليومين ولا 3 هكا يوجدو البنات رواحهم
ما نيش راح نزربكم ان شاء الله

[0souad]

جزاك الله خيرا

[شوشو145]

الله يخليك اختي وربي يرزقك الصحة والهنا ويجازيك بكل خير على هاد الورشة موفقة وبارك الله فيك