ساعدوني يا لبنات فاللماع الغذائي....*^▁^*

wiza19 · 2013-03-13, 23:39

تعيشو لبنات اني حابه نعرف وشنو هو اللماع الغذائي دايما نشوف لغلاساج تاع الناس يبريي و يشهي اشريت كل انواع الصبغة (الملون الغذائي) مي حلوياتي تاع لغلاساج ماتجيش تلمع و قريت بللي لازم نمسحها بهذا اللماع ياريت اللي تعرفو تقلي وشنو هو و بشحال يتباع و اسمو بالفرنسية و ياريت اللي تقدر تحطلي صورة.....شكرا مسبقا *^▁^*

titina · 2013-03-14, 07:23

صباح الخير أختي
اللماع الغذائي لي يستعمل للطلية يجي أرطب
تستعمليه كي تنشف الطلية مليح باه يعطي لمعة
اسمح يلي ماقدرتش نوضعلك الصورة لأني نجاوبك من الجوال

mami123 · 2013-03-14, 07:45

اسمو لبريون نتاع القاطو ولاالفوندت كاين نتاع الطليان دير28 دينار ويصلح لكامل ليكولار نتاع لقلاساج بصح ديريه كي ينشف لقلاساج غير شوية القشرة الفوقانية بالشوية بلخف بلاماتضغطي على الحلو ى بالشيتا نتاع الفاراجو وكاين نتاع دزاير انا منستعملوش غلاتحتمت

kakinova · 2013-03-14, 07:49

روحي للحانوت تاع المواد الخاصة بالحلويات قولو اعطيني اللماع الرطب او الناكغي فقط كاين عدة اوان

ام محمد78 · 2013-03-14, 09:21

اسمو الناكخي

ام عبد الحق · 2013-03-14, 09:29

لا اعرف كثيرا عن الحلويات لكن كل شيى يوجد عند بائع لوازم الحلويات اسالي فقط سامحينى

wiza19 · 2013-03-14, 09:35

شكرا بزاف بزاف على الردود والله راني منين نروح نسقسي يقولولي الصبغة هي اللي تخلي لغلاساج يبريي حتى وصل شريتها ب 45الف فالباطل و المره هاذي لقيت قرعة كي تاع الديودورون ومكتوب فيها تلميع الحلويا لقيتها ب 60 الف خفت نضيع دراهمي فالباطل لمزية سقسيتكم ......شكرااااااا على الردود*^▁^*

silindz · 2013-03-14, 11:49

اسموا الناكخي ولا اللماع الرطب تستعمليه فوق القلاساج كي يكون ناشف ومتوفر بعدة الوان

منى ابراهيم · 2013-03-14, 12:25

ثانب القرعة الي لقيتيها تصلح اختي للقلاساج

ام غالية · 2013-03-14, 12:29

on l'appelle brillant alimentaire nacre on badigeonne legerement avec le pinceau mais àpres le sechage du glaçage

أم عبد الناصر · 2013-03-14, 15:16

brillant alimentaire

wiza19 · 2013-03-14, 16:33

شكرااااااا اخواتي و ربي يعطيكم ما تتمناو اني كي نلقاه و نسييه نحطلكم الصور ان شاء الله....شكرا

halouma h · 2013-03-15, 18:17

يا اختي ويزة 19 هدي كانت مشكلتي بصح لقيت الحل عند وحدة تخدم القاطو للناس شوفي كي ديري لقلاصاج وينشف مليح احكمي فرشاة تاع فغجو بودرة الخدود اغطسيها في ملمع الغدائي وعقبي على حبة القاطو تولي تبريي

ان شاء الله تكوني فهمتيني

halouma h · 2013-03-15, 18:18

نسيتك الملمع لازم يكون الرقيق الرطب ماشي الخشن الاحرش

wiza19 · 2013-03-15, 23:57

شكرا اختي على الرد و ربي يعزكم كااامل...بارك الله فيكن....