حلوى المناديل بالخطوات من مطبخي روووووعة

ام اماني77 · 2013-03-11, 09:21

السلام عليكم
واش راكم غالياتي ان شاء الله راكم كامل بخير
جبتلكم اليوم حلوى سورية رووووعة مناسبة للاعراس وسهرات رمضان تقدم مع الشاي
المقادير:الكيلة المستخدمة كاس
3كيلات فرينة
كيلة نشاء
بيضة
نصف كيلة سمن ذايب وبارد
رشة ملح
ماء وماء الزهر
الحشو:
3 كيلات لوز مرحي+كيلة ناقصة سكر +م ص فاني+ 3 م ك سمن ذايب+ماء الزهر
الطريقة:
نخلط الفرينة مع النشا والملح ونضيف السمن ونحرك بواسطة اليد جيدا ثم نضيف حبة البيض ونحرك من الافضل هنا نفوت الخليط في السيار باه نضمن ان ما يبقاوش كتل في العجينة ونلم العجينة بالماء وماء الزهر لازم تبقى متماسكة نشكلها كويرات نغطيها ونخليها ترتاح

https://

ناخذ كويرة نرش شوية نشاء فوق طاولة العمل و نبسطها شوية بالحلال

https://

بعد ذلك نفوتها في الماشينة حتى الرقم الاخير يعني لازم تكون رقيقة

https://[url=https://up./][/url
ندهنها بالبانسو من فوق بسمن ذايب ونعاود نحل كويرة كيما عملنا المرة الاولى وندهنها من فوق وهكذا نكرر العملية ست مرات يعني راح نحتاج لست كويرات ودايما ندهن بين الطبقات ماعدا الطبقة الاخيرة ما ندهنهاش
هنا كي حطيت الطبقة الثانية ونكمل
https://
بعد مانكمل 6 طبقات ناخذ طابع مربع7على 7سم واذا ماكانش نستعمل ورق مقوى نقطع مربع7على 7
نقطع مربعات

https://

نسيت نقولكم كي تحلو العجينة حاولو تخلوها عريضة بحجم الماشية باه تقدرو تقطعو زوج مربعات في العرض هكذا راح يجيوكم نفس الحجم وما يبقاوش لي شيت
في هذا الوقت نحضر الحشو بخلط المقاديرالسابقة مانكثروش ماء الزهر لازم الحشو يكون متناثر

https://

ناخذ مربع وندهنو في المنتصف بشوية سمن ونحط حربوش صغير من الحشو في المنتصف

https://

ونغلق المربع ونضغط شوية منين غلقناه كما في الصورة

https://

نحط الحلوى في البلاطو بهذا الشكل

https://

نذوب السمن ونصب من فوقها كي شغل راح نقليوها في الفرن هههه

https://

ندخلها لفرن مسخن على200درجة كي تطيب من تحت نشعلو عليها من فوق حتى تاخذ لون ذهبي

من بعد ماتطيب نحطها في بلاطو اخر ونتخلصو من السمن الزائد ونعاود ندخلها للفرن5د وهذا شكلها بعد ماتطيب

https://

نعسلها بعسل يكون مخفف بشوية ماء الزهر لازم يكون ثقيل شوية باه تبقى مقرمشة نزينها بالبيستاش ونقدمها مع التاي اممممممم
وهذا شكلها النهائي

https://

https://

لاحظو شحال مورقة امممممممم

عن قرب

https://

نتمنى الحلوى تعجبكم وتجربوها ولاتنسوني غالياتي من صالح الدعاء ولكن بالمثل
في امان الله

*أم كوثر* · 2013-03-11, 09:25

مممممممممممممممممم وحدك يا ام اماني
حلوة تهبل
الف الف شكر

احلى حياة · 2013-03-11, 09:26

اممممممممم يعطيك الصحة ام امانى حلوة تشهى باينة بنينة وفوق هدا شكلها هايل

oum ibrahim · 2013-03-11, 09:27

الله الله عليك يا الفحلة روووووووووعة ماشاء الله راكي هبلتيني بوصفاتك مازال راني مع لسيقار زدتيلي هذا الابداع والله رايحة نشري المول خصيصا باش نخدمها واثقة من ابداعاتك شكرااااااااااا

oum anas 69 · 2013-03-11, 09:32

machallah raw3aaaaa ya3tik asaha

لمسة حنية · 2013-03-11, 09:43

يعطييك الصحة ام امااني راااااااااااااااااااااائعه
وتشهي الحلوة

ام اماني77 · 2013-03-11, 09:44

شكرا غالياتي سعدت بمروركن

لمسة حنية · 2013-03-11, 09:50

ام امااني سوال باي كاميرة تصوري راهي وصفاتك وصورهم هااليين

إلهام07 · 2013-03-11, 10:18

أم أماني لو كان جيتي توالي لو كان بستك بوسة كبييييرة
أنا مانحبش خلاص الحلوايت التقليدية ، نحب غير الباتيسري ، بصح هاذا القاطو شهاني كي عاد مورق ، باين خفيف و ماشاء الله جاك تحفة في الشكل و التزيين و في التوراق تحفة
ربي يعطيك ما تتمناي و يخليلك أماني
قبلاتي حبيبتي و تأكدي أنه في قائمة المفضلة باش نطبقو في أقرب فرصة
دمت متألقة و مبدعة

أم محمد تاج · 2013-03-11, 10:29

حبيبتي أم أماني هاذ القاطو جابو خويا من الترك مع مجموعة من الحلويات التركية وهبلنا عليه وجا وجاباتو أم أماني الغالية يعطيك ألف صحة وهنا ويسلم يديك يالحنونة