من تريد عمل حشايش رمضان فقد اقترب الربيع

[ام نسمة]

مرحبا انا من ولايات الغرب ولازم حريرتنا تاع رمضان او سائر العام والمناسابات نديرولها الحشايش وهنا مارانيش نقصد الحشيش قصبر ومعدوس بل سا اعطيكم طريقة امي ربي يخليها ليا راها تجي روعة اولا انا امي لاتشتري الاعشاب يابسين بل تذهب للغابة وتقطف كل شيئ طازج وتنظفه بنفسها وتجففه ثم تدق كل المكونات مع بعض كما هاد السنة راها بدات تجمع المكونات واللي هي عبارة عن عشبة احنا انسميوها تينطس او تقنطس وهادي خلاص قطفتها وجهزتها اظافة الى الزعتر البري والنونخة والنعناع او الحبق ربما راني نسيت كاش مكون حتى نسالها ونعاود ردلكم المهم بعد ما تجهز كل شيئ تغسل وتجففهم في الهواء الطلق مغطيين بقطعة شاش من اجل تفادي سقوط اي شواب فيهم تجي مرحلة الطحن هي تدقهم يدويا وتغربلهم وتقسم على ثلاثة بلارة ليا والثانية لاختي والثالثة ليها تكفينا فترة لاباس بيها وهي تضاف قبل ان تطفي على الحريرة بخمس دقائق وذوقي البنة كيفاش المهم انا طرحت هذا الموضوع واتمنى ان تفيدونا انتن كذالك بتجاربكن انا قلت نعمل الموضوع باش الفحلات يمشو للغابة يقطفو كل شي طازج مي ردو بالكم من الذيب يا كلكم على رقبتي ههههههه راني نستنى ردودكم ومشاراكاتكم حتى استفيد منكم انا ايضا

[عازفة الناي]

rabi yehmilek yemek w machkoura 3la el mawdou3

[mounia hse]

شكراااااااااااا اختي ولكن اذا تتكرمي و تحطي الصور تع الأعشاب

[layansandi]

[terrou]

merciiiiiiiiiiiiiiiiiiiiiiiiiiiii

[hadjira195]

madilna aussi el wassfa ta3 la7rira dyalkom

[OU SS AMA]

هههه....... الديب مرة وحدة دزيلي شوية برك من عندكم يعني لازم نروح للغابة .....

[ساندي 28]

شكرا اختي لكن ماهو تنطيس

[ددوش المسلمة]

يعطيك الصحة عزيزتي

[أم محمد تاج]

حبيبتي يعطيك الصحة وربي يطول في عمر لميمة تاعك أو أنا مانعرفش كيفاش مدايرين لحشاوش هاذوك ولوخيذة مايش في الذيب لوخيذة لوكان نجيب كاش عشبة مسمومة ههههههههههه

[ريتاج نور]

انا منعرفش اسماء المكونات لكن استعملتها من قبل كانت عندي صديقة من تيارت اعطتني منها وعجبتني بزاف في الحريرة