mossaada min fadhlikon f confiture d'orange en morceau

hony · 2013-02-01, 23:07

habibati orid wassfa najiha l maejoun al tchina en morceau rabi yahfadhkom awnouni

ام ملاك. · 2013-02-02, 00:11

انا درتها لولبارح مي ماشي بالمورصو قشرت التشينة واحد كيلو مليح ونحيت قع اللحم الابيض عليها وحطيتها في كاسرونة وفرغت عليها سكر تقريبا 3 كيسان ونص وهليتعم مع بعض مغطيين حتان ذاب قع السكر بلا مانشعل النار واذا عندم الوقت حطيهم في الليل وخليهم والصباح شعلي عليهم النار نافصة وعسيه خاطرش يفيضلك ومن داك حركي وشوفي اذا مالصقتش وكي تشوفيه بدا يعقاد
وجدي مغرفة كبيرة ونص نتاع النشاء خلطيها في شوية ماء بارد حتان تتحل مليح وفرغيها فوق الكونفيتور نتاعك وخليها تغلي شوية قيس ماتعقاد ونحيها
طيابها يقدر يشدلك حتى ساعلين ولا كثر خاطرش نقصي للنار مليح شوية برك
وانا كي كملت طابت باش مايكونش تكتلات فوت عليها le bras نتاع الروبو باش تترحى كامل ماحبيتش تكون مورصوات كبار يجينيو كي تحطيه في الخبز
انا هكذا درتو وبالاك البنات يفيدوك ويمدولك الوصفة اللي حبيتيها

hony · 2013-02-02, 00:34

merci beaucoup habibti rani nehawass ala tae les morceau

hony · 2013-02-04, 16:14

al youm dereto w kherjli hayel la recette madetehali mama rebi yahfadheha li tehab nemedehalha

sofiane2075 · 2013-02-04, 17:00

https://www.djelfa.info/vb/showthread.php?t=803785

sarahswira · 2013-02-04, 17:27

طريقة عمل مربى البرتقال

1 كيلو برتقال
1 كوب عصير برتقال
1 ونصف كيلو سكر
2 ملعقة كبيرة عصير ليمون

يقطع قشر البرتقال قطع صغيرة و ينقع في الماء لمدة 24 ساعة مع تغيير الماء 3 مرات اثناء هذة المدة.
ناخذ البرتقال من الماء و يوضع ماء يكفي لتغطيته ثم يوضع علي النار ليسلق نصف سلق.
نرفع البرتقال و يوضع السكر في ماء السلق و كوب عصير البرتقال و الليمون و يترك يغلي مدة ربع ساعة .
يضاف البرتقال المسلوق للمحلول و يترك المربي حتى تنضج
توضع المربى في البرطمانات في حمام ماء بارد للبسترة حتى تبرد تماما وتغلق

بالهنا والشفا

hony · 2013-02-04, 18:25

merci beaucoup rani derto ala tarikt mama al ghaliya rabi yekhalihalna

ام مهدي2010 · 2013-02-24, 15:00

اختي انا نعمل كتير معجون البرتقال طراف يجيني رووووووووعة اولا لازم تستعملي اجود انواع البرتقال يسموها تامسون تكون الحبة كبيرة و القشرة خشينة تسكرفجيها بالسكرفاج ما تنحيلهاش بزاف شوية برك او من بعد تقطعيها بالطول على 4 من بعد ديري الكمية اللي عندك في اناء لازم تعمر الاناء باش تعرفي القيس مليح ومن بعد هداك الاناء تعمريه سكر وتضيفيه للبرتقال و تزيدي تعمري الاناء بالماء و تديريه على نار متوسطة حتي يوجد و النتيجة ولا اروع ادعيلي بالدرية الصالحة

kamy samia · 2013-02-24, 18:55

ما افهمتش الطريقة مليح اختي انا انحب الوصفة با الصور وبا التفسير الممل وشكرا

ام مهدي2010 · 2013-02-25, 14:14

اقتباس:

المشاركة الأصلية كتبت بواسطة kamy samia

ما افهمتش الطريقة مليح اختي انا انحب الوصفة با الصور وبا التفسير الممل وشكرا

اختي الكريمة انا عضو جديد مانعرفش نطلع التصاور في المنتدى لكن في اقرب وقت ان شاء الله نعمل المستحيل باش ندير الوصفات ديالي في المنتدي

dahmouna2006 · 2013-02-25, 15:12

merciiiiiiiiiiiiiiiiiiiiiiiiiiiiiiiiiiiiiiiiiiiiii merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiii merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiii