قضية صالات الأفراح ...

اسلام انس · 2013-02-21, 19:17

قضية اليوم ربما تخص البنات أكثر من الشباب

قضية صالات الأفراح

انتشرت بسرعة غريبة ظاهرة أقامة الأفراح في صالات خاصة مجهزه لهذا الغرض وتتفنن الفتيات في العري داخل الصالات حتى أصبحن شبه عاريات وكل ما لبست الفتاة اقصر كلما قالوا هذه فتاة متطورة لهذا تسارعن بل تكالبن الفتيات علي اقتناء كل ما قصر من الثياب وكل ما ضاق منه

كل المدعوون نساء لا وجود لرجل بينهم وعندما تدخل العروس مع احد أقاربها أو عندما يأتي العريس لأخذ عروسه يعلن دخول رجل فتتغطى النسوة واحيان تترك الموسيقى لكي يرقص الجميع بحجة الاهل والاقارب....رانا en famille

ولكن هل من الناحية الشرعية يجوز هذا العري والتمايل علي أصوات الموسيقى الغربية والعربية؟

هل هناك رقابه من الدولة علي الصالات ؟

كيف نثق بان الصالة محمية من الكاميرات أو المرايا العاكسة؟

هل تضع زوجتك أو أختك في مكان ربما تنعدم فيه الثقة ؟

لا يمكن الرجوع للخلف و إقناع الناس بإقامة الأفراح في بيوتهم...........؟؟؟ ولكن هل نستطيع أن نجعل الصالات تحت

رقابه مشددة ؟

هل هناك قوانين منظمه تخضع لها الصالات؟ أم متروك الحابل علي الغارب ؟

انتم مدعوون جميعا لنقاش

mohamed160 · 2013-02-21, 19:27

كاين صالات فيهم رقابة وكما اتحب انت ادى اتحب الكاميرى ولا وحتى الهاتف يمنعوه فى الدخلى انتع الصالات

جمال الدين الأفغاني · 2013-02-21, 19:31

السلام عليكم

باختصار شديد اذا غابت رقابة الله في قلوبنا

فلا تكفينا رقابة الدنيا باجمعها فالخوف من الله هو المنجاة في كل شيء

ومن لم يخاف الله لا تهمه لا رقابة ولا غيرها ويفعل ما يشاء

ربي يجيب اللي فيه الخير

سعاذ · 2013-02-21, 19:58

السلام عليكم
لي صال تاع لعراس كاين لي يتوجهو ليهم باش يفوخو و كاين على جال انهم عندهم ضيق واحد مايقدر ينكر برغم من غلاء انها نحات هم كبير على اهل البيت خاصة اذا كانت مجهزة من مجميعو
اما بالنسبة للباس انا نايد راي اخ جمال الدين الافغاني
لي ميهمهاش اذا كانت راهي دير حجا مليحة او حايرة
واش دير في لاصال ديرو في الدار او في غير مكان
دمتم في رعاية الله و حفظه

اسلام انس · 2013-02-23, 10:42

اقتباس:

المشاركة الأصلية كتبت بواسطة سعاذ

السلام عليكم
لي صال تاع لعراس كاين لي يتوجهو ليهم باش يفوخو و كاين على جال انهم عندهم ضيق واحد مايقدر ينكر برغم من غلاء انها نحات هم كبير على اهل البيت خاصة اذا كانت مجهزة من مجميعو
اما بالنسبة للباس انا نايد راي اخ جمال الدين الافغاني
لي ميهمهاش اذا كانت راهي دير حجا مليحة او حايرة
واش دير في لاصال ديرو في الدار او في غير مكان
دمتم في رعاية الله و حفظه

شكــــــــــرا لك اختي ممكن جدا على جال الضيق................. جزاك الله كل خير على مــــــرورك الطيب

sali-sali · 2013-02-23, 10:45

اغلب من يقيم اعراسهم في الصالات للتفاخر و التباهي

ولكن بالنسبة لي مكاش احسن من الاعراس في المنزل و يكون الحضور الاشخاص القريبين منك فقط
دون الاختلاط

شكرا لك اخي

اسلام انس · 2013-02-23, 10:47

اقتباس:

المشاركة الأصلية كتبت بواسطة sali-sali

اغلب من يقيم اعراسهم في الصالات للتفاخر و التباهي

ولكن بالنسبة لي مكاش احسن من الاعراس في المنزل و يكون الحضور الاشخاص القريبين منك فقط
دون الاختلاط

شكرا لك اخي

والله لا عندك الصح ماكنش كي الاعراس لي في المنـــــــــزل.........شكـــــــــرا لمـــــــرورك العطــــــــــر

wafa16 · 2013-02-23, 12:44

صالات الافراح نحات مشكل الضيق و التعب بما انو كل شيئ مجهز
اما بالنسبة للموسيقي كل واحد كيفاه يحب اللي ما يحبش الموسيقى واحد ما يفرضها عليك اصلا كراء المغنيين او ديسك جوكي يكون منفصل على كراء الصالة يعني انت و قناعاتك
اما ادا جيت لمسالة اللباس فوالله غير راه صاري لعجب تقول هاد الفتيات ما عندهمش اهل و لا ناس يحكمو فيهم
و بحجة انو ماكاش اختلاط لكن حتى اللباس امام النساء عندو ظوابط و الاحترام واجب
و الادهى انهن احيانا متحجبات حجاب شرعي و لكن حال الوصول الى صالة الافراح ما تقدرش تفرق حتى كي يجو خارجين باش كل وحدة تولي لاصلها
الله يهدي ما خلق

كاميلا · 2013-02-23, 14:24

السلام عليكم
انا اتفق معك في نقطة واحدة الا وهي مسألة الرقابة على مثل هذه النشاطات الخ وخاصة في ما يتعلق بالكميرات الخ
لكني لا اتفق معك انت تظن انه العرس حاجة ساهلة ؟ ديروا في دارك؟ حاب تقتل يماك ههه اللهم اذا مديرش عرس يعني غير داركم ودار لعروسة هاديك نورمال
الفاميلة والاصدقاء والجيران والمعارف وهاذه شكون اللي يقومهه بيهم مادابيك اذا مديرش عرس في الدار جيب اللي يخدم في داركم وفي وقتنا هذا الناس مبقاوش كيما بكري يعاونه بعضاهم الا القليل ولافامي ام قريب ميحضروش العراس تاع بعضاهم النفوس اصبحت شريرة وانتشر الحسد والغيرة
الصالات توفر عليك الجهد ياو حسوا شويا تبانلك الشغل هاداك ميعييش؟ دير عشاء ام غذاء حاجة ساهلة؟ كي مجربتهاش ماكالاه تهدر وخاصة ان كانت تلك الام معندهاش بنات رح تتفلعص مسكينة وان تكلمت عن الغناء احنا درنا عرس اخي في الصالة ومحطيناش الغنا ماش رح يحكموك يقولولك بالسيف حط الغنى وجيب ديسك جوكي

نبض الفؤاد · 2013-02-23, 14:36

هي صحيح الصالات فرجت على الناس لكن الله يستر مما يحدث بداخلها احيانا كثيرة

باسم خلونا نزهاو..........

اسلام انس · 2013-02-23, 14:57

اقتباس:

المشاركة الأصلية كتبت بواسطة wafa16

صالات الافراح نحات مشكل الضيق و التعب بما انو كل شيئ مجهز
اما بالنسبة للموسيقي كل واحد كيفاه يحب اللي ما يحبش الموسيقى واحد ما يفرضها عليك اصلا كراء المغنيين او ديسك جوكي يكون منفصل على كراء الصالة يعني انت و قناعاتك
اما ادا جيت لمسالة اللباس فوالله غير راه صاري لعجب تقول هاد الفتيات ما عندهمش اهل و لا ناس يحكمو فيهم
و بحجة انو ماكاش اختلاط لكن حتى اللباس امام النساء عندو ظوابط و الاحترام واجب
و الادهى انهن احيانا متحجبات حجاب شرعي و لكن حال الوصول الى صالة الافراح ما تقدرش تفرق حتى كي يجو خارجين باش كل وحدة تولي لاصلها
الله يهدي ما خلق

شكـــــــــرا لمـــــــــــرورك اختي الكريمة بارك الله فيك

اسلام انس · 2013-02-23, 15:01

اقتباس:

المشاركة الأصلية كتبت بواسطة كاميلا

السلام عليكم
انا اتفق معك في نقطة واحدة الا وهي مسألة الرقابة على مثل هذه النشاطات الخ وخاصة في ما يتعلق بالكميرات الخ
لكني لا اتفق معك انت تظن انه العرس حاجة ساهلة ؟ ديروا في دارك؟ حاب تقتل يماك ههه اللهم اذا مديرش عرس يعني غير داركم ودار لعروسة هاديك نورمال
الفاميلة والاصدقاء والجيران والمعارف وهاذه شكون اللي يقومهه بيهم مادابيك اذا مديرش عرس في الدار جيب اللي يخدم في داركم وفي وقتنا هذا الناس مبقاوش كيما بكري يعاونه بعضاهم الا القليل ولافامي ام قريب ميحضروش العراس تاع بعضاهم النفوس اصبحت شريرة وانتشر الحسد والغيرة
الصالات توفر عليك الجهد ياو حسوا شويا تبانلك الشغل هاداك ميعييش؟ دير عشاء ام غذاء حاجة ساهلة؟ كي مجربتهاش ماكالاه تهدر وخاصة ان كانت تلك الام معندهاش بنات رح تتفلعص مسكينة وان تكلمت عن الغناء احنا درنا عرس اخي في الصالة ومحطيناش الغنا ماش رح يحكموك يقولولك بالسيف حط الغنى وجيب ديسك جوكي

شكــــــــرا اختي الكريمة على مرورم وبالنسبة لطرحك بالنسبة لامي انا يما طيب عشرين مرة وتضيف 200واح وما تكرهش

وماتعياش مشي كيما بنات نتاع اليوم غي فراجيل عشاها وحايرة فيه وزيد حنا دار نتاع ضياف مكانش ليلة ما بجيناش ضيف

ونزيد نقولك حاجة بلي حنا مازال نديرو في العرس في الدار وناس نتعاون بعضها..........انا حضرت لعراس نتاع الصالات وحضرت لعراس نتاع برا مكان ما يجيب ..........خلينا ما نهدروش .........اللله يجب الخير انشاء الله

اسلام انس · 2013-02-23, 15:07

اقتباس:

المشاركة الأصلية كتبت بواسطة نبض الفؤاد

هي صحيح الصالات فرجت على الناس لكن الله يستر مما يحدث بداخلها احيانا كثيرة

باسم خلونا نزهاو..........

شكــــــــــــرا لمــــــــــــــــرورك العطر

كاميلا · 2013-02-23, 15:11

اقتباس:

المشاركة الأصلية كتبت بواسطة بن عمير 22

شكــــــــرا اختي الكريمة على مرورم وبالنسبة لطرحك بالنسبة لامي انا يما طيب عشرين مرة وتضيف 200واح وما تكرهش

وماتعياش مشي كيما بنات نتاع اليوم غي فراجيل عشاها وحايرة فيه وزيد حنا دار نتاع ضياف مكانش ليلة ما بجيناش ضيف

ونزيد نقولك حاجة بلي حنا مازال نديرو في العرس في الدار وناس نتعاون بعضها..........انا حضرت لعراس نتاع الصالات وحضرت لعراس نتاع برا مكان ما يجيب ..........خلينا ما نهدروش .........اللله يجب الخير انشاء الله

ايه ماش غريب عليكم انتوما لولاد متخموش في امهاتكم لانه كون جيت تخمم فيها صح متعييهاش ومن بعد تقوله نحب ماما واشمن حب هذا تشوفها تشقى وانت تتفرج امالا قول راك حاب تقتاصد ماشي اعذار اخرى

اسلام انس · 2013-02-23, 15:16

اقتباس:

المشاركة الأصلية كتبت بواسطة كاميلا

ايه ماش غريب عليكم انتوما لولاد متخموش في امهاتكم لانه كون جيت تخمم فيها صح متعييهاش ومن بعد تقوله نحب ماما واشمن حب هذا تشوفها تشقى وانت تتفرج امالا قول راك حاب تقتاصد ماشي اعذار اخرى

يا سلام ماذا اسمع........؟؟ والله لا شيء يحير........بنات اليوم يحسبوا طاعة في صالات الافراح وما تعييش ماماك

انا نعرف يما ولا نتي .............؟ انا يما تبغي دار وتبغي طيب هي مشي انا لي راني نلزم عليها

ونتما يا البنات كي تجبوا انشاء الله ذراري كي يتزوج قوليله درنلنا في لصال وليا ما بغاش اعطيه دعوة شر هههههههه