وصفة جديدة لحلوى السيقار بالشكولة روووووعة من مطبخي

[ام اماني77]

السلام عليكم غالياتي
جبتلكم اليوم حلوى ذوقها اكثر من رااااائع
بالنسبة للمقادير راح نعطيكم مقادير ل100 حبة طبعا ممكن نعمل نصف الكمية
المقادير:

كيلو فرينة،رطل مرقرين ذايبة وباردة،3 م ك سكر رطب،3 بيض،فاني ،باكي خميرة،ماء الزهر
الحشو:
250غ زبدة من الافضل فلوريال،250غ عسل،250 كاوكاو محمص ومرحي خشن،كمية من حلوة الترك
نحتاج ايضا الى شكولة ولي مول الخاصة بالسيقار
الطريقة:
نحط الفرينة والمرقرين الذايبة ونحرك بواسطة اليد حتى تتداخل المرقرين في الفرينة نضيف السكر والفاني والخميرة وتلم بالبيض وشوية ماء الزهر
نبسط العجينة بالحلال بسمك متوسط وبعرض 6سم

https://

نحط المول الخاص بالسيقار فوق العجينة
https://

ونلف حول المول ثم نقطع
https://

ونحطهم في البلاطو على الجهة لي غلقناه منها
https://
ندخلهم للفرن يطيبو على درجة حرارة متوسطة
بعذ النضج نخليهم يبردو تماما وننزعهم من لي مول
نذوب الشكولة مع شوية فقط من الحليب على حمام مائي
ناخذ بلاطو نحط فوقه ورق الزبدة ومشبك نحط الحلوى فوق المشبك وبواسطة ملعقة نغطي السيقار بالشكولة والكمية لي تنزل من الشكولة نعاود نستعملها

https://

بعد ما نكمل كل الحلوى نخليها تنشف تماما
في هذا الوقت نحضر الحشو
بواسطة الخلاط الكهربائي نخلط الزبدة مع العسل جيدا ثم نضيف الكاوكاو ونحرك وكمية من حلوة الترك والكمية نتاعها على حسب الذوق يعني لي يحب الحلاوة يكثر والعكس
نحط الحشو في كيس حلواني
https://
نحشي حبات السيقار
https://

نذوب الشكولة البيضاء فوق حمام مائي على نار هادئة ونحطها في كيس حلواني
https://

نزين الحلوى بخطوط من الشكولة
https://

بعد ماتنشف الشكولة البيضا نحط الحلوى في لي كيسات ونقدمها
https://

https://

للتقريب وليس للتعذيب ههههه لاحظو الكريمة اممممممممم
https://
نتمنى تجربوها لان ذوقها رهيييييب
ملاحظة
هذا الحلوى نحتفظ بها في الثلاجة لان الحشو فيه زبدة باه تبقى متماسكة

لاتنسوني غالياتي من صالح دعائكن ولكن بالمثل
في امان الله

[كوزينة هديل]

ممم روعة باينين بنان يعطيك الصحة

[الدر المكنون]

ما شاء الله روعة شكلو وباين بنين بزاف

يعطيك الصحة ام اماني ربي يشدهالك

[لبنى 16]

ماشاء الله عليك أختي أم أماني فنانة و مبدعة بارك الله فيك .

[meriama13]

سخفتيني على هاد الحلوى نجربها اكيد
يعطيك الصحة كل وصفاتك ناجحة

[ام اماني77]

شكرا لمروركن غالياتي

[mayabella]

j'aodre yatik essaha

[أم هاجر البسامية]

بارك الله فيك ماهذا ياأم أماني راكي دوختيني ربي يحفظك من العين.

[حامدة الله]

تبارك الله عليك اختي شحال نتاع الوقت تصبر يعني شحال من يوم يمكن لية نحتفض بها

[oum anas 69]

machallah raw3aaaaaaaa ya3tik asaha

[nounoutoto]

روووووووووووووووووووووعة بارك الله فيك المنتدى منور بيك

[لمسة حنية]

اممممممممممم روعه ام اماني انا عندي
المول تاع السقار
والله فكره راااحيا نجربها على قريب
انتي دايما مبدعة
وخااصه القريوش راهو فوووووووور
وقالولي بلي انا جبته كيما انتي واش رايك مشيني فحله
هههههههههههههه شكارة روحي

[nounoutoto]

لو سمحتي هل يمكن تشكيل حلوى اخرى بهدي العجينة

[صفاء الرووح]

يعطيك الصحة ام اماني راكي دهشتينا بوصفاتك الرائعة شكرا

[ام اماني77]

المشاركة الأصلية كتبت بواسطة حامدة الله

تبارك الله عليك اختي شحال نتاع الوقت تصبر يعني شحال من يوم يمكن لية نحتفض بها

شكرا لمرورك غاليتي
هذا الحلوى ممكن تحتفظي بها المدة لي تحبي لان الحشو ما فيهش بيض او حليب يعني يبقى كيماراه ما يخسرش انا قلتلكم نحتفظ بعا في الثلاجة لان الحشو فيه زبدة لازم تبقى شادة روحها كي ناكلوها باه تجي بنينة